ಜೊಕೋವಿಕ್, ಕೋರಿಕ್ ಪಾಸ್; ಮುಗ್ಗರಿಸಿದ ಸಿಸಿಪಸ್
Team Udayavani, Sep 5, 2020, 6:58 PM IST
ನ್ಯೂಯಾರ್ಕ್: ಅಗ್ರ ಶ್ರೇಯಾಂಕದ ನೆಚ್ಚಿನ ಆಟಗಾರ ನೊವಾಕ್ ಜೊಕೋವಿಕ್ ಯುಎಸ್ ಓಪನ್ ಪಂದ್ಯಾವಳಿಯಲ್ಲಿ 4ನೇ ಸುತ್ತು ಪ್ರವೇಶಿಸಿದ್ದಾರೆ. ಆದರೆ ಗ್ರೀಸ್ನ ದೈತ್ಯ ಆಟಗಾರ ಸ್ಟೆಫನಸ್ ಸಿಸಿಪಸ್ ಕೂಟದಿಂದ ನಿರ್ಗಮಿಸಿದ್ದಾರೆ. ಇವರನ್ನು ಮಣಿಸಿದ ಕ್ರೊವೇಶಿಯಾದ ಬೋರ್ನ ಕೋರಿಕ್ ಕೂಡ 4ನೇ ಸುತ್ತಿನಲ್ಲಿ ಕಾಣಿಸಿಕೊಂಡಿದ್ದಾರೆ.
3 ಬಾರಿಯ ಚಾಂಪಿಯನ್ ಜೊಕೋವಿಕ್ ಜರ್ಮನಿಯ ಜಾನ್ ಲೆನಾರ್ಡ್ ಸ್ಟ್ರಫ್ ಅವರನ್ನು 6-3, 6-3, 6-1ರಿಂದ ಸುಲಭದಲ್ಲಿ ಮಣಿಸಿದರು. ಇದರೊಂದಿಗೆ 2020ರಲ್ಲಿ ಸರ್ಬಿಯನ್ ಟೆನಿಸಿಗನ ಅಜೇಯ ಓಟ 26 ಪಂದ್ಯಗಳಿಗೆ ಏರಿತು. ಇದು ಹಾರ್ಡ್ ಕೋರ್ಟ್ ಸ್ಪರ್ಧೆಗಳಲ್ಲಿ ಜೊಕೋವಿಕ್ ದಾಖಲಿಸಿದ 600ನೇ ಗೆಲುವು ಎಂಬುದು ವಿಶೇಷ.
ಮುಂದಿನ ಪಂದ್ಯದಲ್ಲಿ ಜೊಕೋವಿಕ್ ಸ್ಪೇನಿನ ಪಾಬ್ಲೊ ಕರೊನ ಬುಸ್ಟ ಸವಾಲನ್ನು ಎದುರಿಸಲಿದ್ದಾರೆ. ಬುಸ್ಟ ಲಿಥುವೇನಿಯಾದ ರಿಕಾರ್ಡಸ್ ಬೆರಂಕಿಸ್ ಅವರನ್ನು 6-4, 6-3, 6-2ರಿಂದ ಮಣಿಸಿದರು. ಸದ್ಯ ಈ ಕೂಟದಲ್ಲಿ ಉಳಿದಿರುವ ಗ್ರ್ಯಾನ್ಸ್ಲಾಮ್ ವಿಜೇತರೆಂದರೆ ಜೊಕೋವಿಕ್ ಮತ್ತು ಮರಿನ್ ಸಿಲಿಕ್ ಮಾತ್ರ. 2014ರ ಚಾಂಪಿಯನ್ ಸಿಲಿಕ್ 3ನೇ ಸುತ್ತಿನಲ್ಲಿದ್ದು, ಡೊಮಿನಿಕ್ ಥೀಮ್ ಸವಾಲಿಗೆ ಉತ್ತರಿಸಬೇಕಿದೆ.
5 ಸೆಟ್ಗಳ ಸೆಣಸಾಟ
ಸ್ಟೆಫನಸ್ ಸಿಸಿಪಸ್ ಮತ್ತು ಬೋರ್ನ ಕೋರಿಕ್ ಅವರದು 5 ಸೆಟ್ಗಳ ಜಿದ್ದಾಜಿದ್ದಿ ಕಾದಾಟವಾಗಿತ್ತು. ಇದನ್ನು ಕೋರಿಕ್ 6-7 (2-7), 6-4, 4-6, 7-5, 7-6 (7-4) ಅಂತರದಿಂದ ತಮ್ಮದಾಗಿಸಿಕೊಂಡರು. ಕೋರಿಕ್ ಅವರ ಮುಂದಿನ ಎದುರಾಳಿ ಆಸ್ಟ್ರೇಲಿಯದ ಜೋರ್ಡನ್ ಥಾಮ್ಸನ್. ಅವರು ಕಜಾಕ್ಸ್ಥಾನದ ಮಿಖೈಲ್ ಕುಕುಶ್ಕಿನ್ ವಿರುದ್ಧ 7-5, 6-4, 6-1 ಅಂತರದ ಜಯ ಸಾಧಿಸಿದರು. ಇಲ್ಲಿ ಗೆದ್ದರೆ ಕೋರಿಕ್ ಮೊದಲ ಬಾರಿಗೆ ಗ್ರ್ಯಾನ್ಸ್ಲಾಮ್ ಕ್ವಾರ್ಟರ್ ಫೈನಲ್ ಕಾಣಲಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Viral: ಕಚ್ಚಿದ ಹಾವನ್ನೇ ಕೊಂದು ಆಸ್ಪತ್ರೆಗೆ ತಂದ ಮಹಿಳೆ… ಕಂಗಾಲಾದ ವೈದ್ಯರು
IPL 2024; ಧೋನಿ ಐಪಿಎಲ್ ಭವಿಷ್ಯದ ಬಗ್ಗೆ ಮಹತ್ವದ ಹೇಳಿಕೆ ನೀಡಿದ ಸುರೇಶ್ ರೈನಾ
Jai Shri Ram ಎಂದು ಕೂಗಿದ್ದಕ್ಕೆ ಅನ್ಯಕೋಮಿನ ಯುವಕರಿಂದ ಹಲ್ಲೆ
Shimoga; ಕೆ.ಎಸ್. ಈಶ್ವರಪ್ಪರನ್ನು ಭೀಷ್ಮರಿಗೆ ಹೋಲಿಸಿದ ಋಷಿಕುಮಾರ ಸ್ವಾಮೀಜಿ
Madhya pradesh Lok Sabha 20204: ಮಧ್ಯಪ್ರದೇಶದಲ್ಲಿ ಕಾಂಗ್ರೆಸ್- ಬಿಜೆಪಿ ನೇರ ಹಣಾಹಣಿ