ಮೂಲೆಗುಂಪು ಮಾಡಿದ್ದರಿಂದಲೇನಿವೃತ್ತಿ: ಎಬಿಡಿ ಸ್ಫೋಟಕ ಹೇಳಿಕೆ

Team Udayavani, May 21, 2019, 6:00 AM IST

ಜೊಹಾನ್ಸ್‌ಬರ್ಗ್‌: ದಕ್ಷಿಣ ಆಫ್ರಿಕಾ ತಂಡದ ಮಾಜಿ ನಾಯಕ, ಒಂದು ಕಾಲದಲ್ಲಿ ಕ್ರಿಕೆಟ್‌ನ ಮೂರೂ ಮಾದರಿಯ ಸರ್ವಶ್ರೇಷ್ಠ ಬ್ಯಾಟ್ಸ್‌ ಮನ್‌ ಆಗಿದ್ದ ಎಬಿ ಡಿ ವಿಲಿಯರ್ ಕಳೆದ ವರ್ಷ ದಿಢೀರನೆ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಿಂದ ನಿವೃತ್ತಿಯಾಗಿದ್ದರು. ಇದಕ್ಕೆ ಕಾರಣವೇನೆಂದು ಅವರು ಬಾಯ್ಬಿಟ್ಟಿದ್ದಾರೆ.

‘ನಾನು 2019ರ ವಿಶ್ವಕಪ್‌ ಆಡಲು ಬಯಸಿದ್ದೆ. ಆದರೆ ತಂಡದಲ್ಲಿ ನನ್ನನ್ನು ಮೂಲೆಗುಂಪು ಮಾಡಲಾಗುತ್ತಿದೆ ಎಂಬ ಭಾವನೆ ಬಂತು. ಆದ್ದರಿಂದ ನಿವೃತ್ತಿ ಘೋಷಿಸಿದೆ.ಎಂದು ಕಾರ್ಯಕ್ರಮವೊಂದರಲ್ಲಿ ಹೇಳಿಕೊಂಡಿದ್ದಾರೆ. ಅಂತಾರಾಷ್ಟ್ರೀಯ ಕ್ರಿಕೆಟ್ನಿಂದ ನಿವೃತ್ತಿಯಾಗಿದ್ದರೂ, ಐಪಿಎಲ್ ಸೇರಿದಂತೆ ವಿವಿಧ ಟಿ20 ಲೀಗ್‌ಗಳಲ್ಲಿ ಎಬಿಡಿ ಭರ್ಜರಿಯಾಗಿಯೇ ಆಡುತ್ತಿದ್ದಾರೆ. ಅವರ ಈ ಅದ್ಭುತ ಲಯ ನೋಡಿ ಅಭಿಮಾನಿಗಳು ದಂಗಾಗಿದ್ದಾರೆ. ಹಾಗಿದ್ದರೂ ನಿವೃತ್ತಿಯಾಗಿದ್ದೇಕೆ ಎಂಬ ಪ್ರಶ್ನೆ ಹುಟ್ಟಿ ಕೊಂಡಾಗ, ಎಬಿ ಮುಕ್ತ ಉತ್ತರ ನೀಡಿದ್ದಾರೆ.

ಆಯ್ದ ಪಂದ್ಯಗಳಲ್ಲಷ್ಟೇ ಆಟ
‘ನಾನು ಕಳೆದ ವರ್ಷ, ಅದರ ಹಿಂದಿನ ವರ್ಷ ಆಯ್ದ ಪಂದ್ಯಗಳಲ್ಲಿ ಮಾತ್ರ ಆಡುವ ನಿರ್ಧಾರ ಮಾಡಿ, ಆ ಪ್ರಕಾರ ಆಡಲು ಶುರು ಮಾಡಿದೆ. ಇದಕ್ಕೆ ಭಾರೀ ಟೀಕೆ ಕೇಳಿಬಂತು. ಇದರಿಂದ ನೊಂದ ನಾನು ಈ ನಿರ್ಧಾರ ಮಾಡಬೇಕಾಯಿತು’ ಎಂದು ಹೇಳಿಕೊಂಡಿದ್ದಾರೆ. ಎಬಿಡಿಗೆ ವಿಶ್ವಾದ್ಯಂತ ಬೇಡಿಕೆಯಿದ್ದಿದ್ದರಿಂದ ಸತತವಾಗಿ ಕ್ರಿಕೆಟ್ ಆಡುವುದು ಅವರಿಗೆ ಬಹಳ ಹೊರೆಯಾಗುತ್ತಿತ್ತು. ಆದ್ದರಿಂದ ಐಪಿಎಲ್ ತ್ಯಜಿಸುವ ನಿರ್ಧಾರವನ್ನೂ ಒಮ್ಮೆ ಮಾಡಿದ್ದರು. ಕೊನೆಗೆ ರಾಷ್ಟ್ರೀಯ ತಂಡಕ್ಕೆ ವಿದಾಯ ಹೇಳಿದರು.

ತಂಡದಲ್ಲಿ ನನ್ನನ್ನು ಮೂಲೆಗುಂಪು ಮಾಡಲಾಗುತ್ತಿದೆ ಎಂಬ ಭಾವನೆ ಬಂತು. ಆದ್ದರಿಂದ ನಿವೃತ್ತಿ ಘೋಷಿಸಿದೆ.
-ಎಬಿ ಡಿ ವಿಲಿಯರ್ ದಕ್ಷಿಣ ಆಪ್ರಿಕಾದ ಮಾಜಿ ಆಟಗಾರ

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.



ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ