ಭಾರತ ಪ್ರವಾಸ: ಇಂಗ್ಲೆಂಡ್ ವನಿತಾ ತಂಡದಲ್ಲಿ ಮೂವರು ಹೊಸಬರು
Team Udayavani, Mar 9, 2018, 6:45 AM IST
ಲಂಡನ್: ಭಾರತ ಪ್ರವಾಸ ಕೈಗೊಳ್ಳಲಿರುವ ಇಂಗ್ಲೆಂಡ್ ವನಿತಾ ಏಕದಿನ ಹಾಗೂ ಟಿ20 ತಂಡವನ್ನು ಪ್ರಕಟಿಸಲಾಗಿದ್ದು, 16 ಸದಸ್ಯರ ಈ ತಂಡದಲ್ಲಿ ಮೂವರು ಹೊಸಬರಿಗೆ ಅವಕಾಶ ಒದಗಿಸಲಾಗಿದೆ. ಇವರೆಂದರೆ ಬ್ರಿಯಾನಿ ಸ್ಮಿತ್, ಅಲಿಸ್ ಡೇವಿಡ್ಸನ್ ರಿಚರ್ಡ್ಸ್ ಮತ್ತು ಕ್ಯಾಟೀ ಜಾರ್ಜ್.
ಇದೇ ವೇಳೆ ಕೇಟ್ ಕ್ರಾಸ್, ಟ್ಯಾಶ್ ಫರಾಂಟ್ ಮತ್ತು ಆ್ಯಮಿ ಜೋನ್ಸ್ ತಂಡಕ್ಕೆ ವಾಪಸಾಗಿದ್ದಾರೆ. ವಿಕೆಟ್ ಕೀಪರ್ ಸಾರಾ ಟಯ್ಲರ್ ಅವರಿಗೆ ವಿಶ್ರಾಂತಿ ನೀಡಲಾಗಿದ್ದು, ವನಿತಾ ಬಿಗ್ ಬಾಶ್ ಲೀಗ್ ವೇಳೆ ಬೆನ್ನುನೋವಿಗೆ ಸಿಲುಕಿದ ಕ್ಯಾಥರಿನ್ ಬ್ರಂಟ್ ಭಾರತ ಪ್ರವಾಸವನ್ನು ತಪ್ಪಿಸಿಕೊಳ್ಳಲಿದ್ದಾರೆ.
“ನಮ್ಮದು ವಿಶ್ರಾಂತಿ ಮತ್ತು ಆವರ್ತನ ಯೋಜನೆ. ಎಲ್ಲರ ಪ್ರತಿಭೆಯನ್ನು ಗುರುತಿಸಿ ಹಂತ ಹಂತವಾಗಿ ಅವಕಾಶ ನೀಡುವುದು, ಸತತ ಪಂದ್ಯಗಳನ್ನು ಆಡುತ್ತಲೇ ಬಂದವರಿಗೆ ವಿಶ್ರಾಂತಿ ನೀಡುವುದು ನಮ್ಮ ಉದ್ದೇಶ. ಉದಾಹರಣೆಗೆ ಸಾರಾ ಟಯ್ಲರ್…’ ಎಂದು ಇಂಗ್ಲೆಂಡ್ ತಂಡದ ಕೋಚ್ ಮಾರ್ಕ್ ರಾಬಿನ್ಸನ್ ಹೇಳಿದ್ದಾರೆ.
ವಿಶ್ವ ಚಾಂಪಿಯನ್ ಖ್ಯಾತಿಯ ಇಂಗ್ಲೆಂಡ್ ತಂಡ ಭಾರತದ ವಿರುದ್ಧ 3 ಪಂದ್ಯಗಳ ಏಕದಿನ ಸರಣಿಯಲ್ಲಿ ಪಾಲ್ಗೊಳ್ಳಲಿದೆ. ಇದಕ್ಕೂ ಮುನ್ನ ಆಸ್ಟ್ರೇಲಿಯವನ್ನೊಳಗೊಂಡ ಟಿ20 ತ್ರಿಕೋನ ಸರಣಿಯಲ್ಲಿ ಆಡಲಿದೆ.
ಇಂಗ್ಲೆಂಡ್ ತಂಡ: ಹೀತರ್ ನೈಟ್ (ನಾಯಕಿ), ಟಾಮಿ ಬೆಮಾಂಟ್, ಕೇಟ್ ಕ್ರಾಸ್, ಅಲಿಸ್ ಡೇವಿಡ್ಸನ್-ರಿಚರ್ಡ್ಸ್, ಸೋಫಿ ಎಕ್ಲೆಸ್ಟೋನ್, ಟ್ಯಾಶ್ ಫರಾಂಟ್, ಕ್ಯಾಟೀ ಜಾರ್ಜ್, ಜೆನ್ನಿ ಗನ್, ಅಲೆಕ್ಸ್ ಹಾಟಿÉì, ಡೇನಿಯಲ್ ಹ್ಯಾಝೆಲ್, ಆ್ಯಮಿ ಜೋನ್ಸ್ (ವಿ.ಕೀ.), ಆನ್ಯಾ ಶ್ರಬೊÕàಲ್, ಬ್ರಿಯಾನಿ ಸ್ಮಿತ್, ನ್ಯಾಟ್ ಶಿವರ್, ಫ್ರಾನ್ ವಿಲ್ಸನ್, ಡ್ಯಾನಿ ವ್ಯಾಟ್.