ಭಾರತ ಪ್ರವಾಸಕ್ಕೆ ಆರ್ಚರ್, ಸ್ಟೋಕ್ಸ್ ವಾಪಸ್
Team Udayavani, Jan 23, 2021, 7:00 AM IST
ಲಂಡನ್: ಶ್ರೀಲಂಕಾ ಪ್ರವಾಸ ಮುಗಿಸಿ ಭಾರತಕ್ಕೆ ಟೆಸ್ಟ್ ಸರಣಿ ಆಡಲು ಆಗಮಿಸಲಿರುವ ಇಂಗ್ಲೆಂಡ್ ಮೊದಲೆರಡು ಪಂದ್ಯಗಳಿಗೆ ತಂಡವನ್ನು ಪ್ರಕಟಿಸಿದೆ. ವೇಗಿ ಜೋಫ್ರ ಆರ್ಚರ್, ಆಲ್ರೌಂಡರ್ ಬೆನ್ ಸ್ಟೋಕ್ಸ್, ಅಗ್ರ ಕ್ರಮಾಂಕದ ಬ್ಯಾಟ್ಸ್ ಮನ್ ರೋರಿ ಬರ್ನ್ಸ್ ಮರಳಿದ್ದು, ತಂಡದ ಸಾಮರ್ಥ್ಯ ಹೆಚ್ಚಿದೆ.
ಸ್ಟೋಕ್ಸ್ ಮತ್ತು ಆರ್ಚರ್ ಅವರಿಗೆ ಲಂಕಾ ಸರಣಿಯಿಂದ ವಿಶ್ರಾಂತಿ ನೀಡಲಾಗಿತ್ತು. ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದ ಬರ್ನ್ಸ್ ಲಂಕಾ ಪ್ರವಾಸದಿಂದ ದೂರ ಉಳಿದಿದ್ದರು.
ಪ್ರಸ್ತುತ ಶ್ರೀಲಂಕಾ ಪ್ರವಾಸದಲ್ಲಿರುವ ಜಾನಿ ಬೇರ್ಸ್ಟೊ, ಸ್ಯಾಮ್ ಕರನ್ ಮತ್ತು ಮಾರ್ಕ್ ವುಡ್ ಅವರಿಗೆ ವಿಶ್ರಾಂತಿ ನೀಡಲಾಗಿದೆ. ಹಾಗೆಯೇ ತಂಡದಲ್ಲಿ ಯಾವುದೇ ಗಾಯದ ಸಮಸ್ಯೆ ಕಾಣಿಸಿಕೊಳ್ಳದಿದ್ದಲ್ಲಿ ಕ್ರೆಗ್ ಓವರ್ಟನ್ ತವರಿಗೆ ಮರಳಲಿದ್ದಾರೆ. 16 ಸದಸ್ಯರ ತಂಡದ ಜತೆಗೆ 6 ಮಂದಿ ಮೀಸಲು ಆಟಗಾರರನ್ನೂ ಇಂಗ್ಲೆಂಡ್ ಹೆಸರಿಸಿದೆ.
ಇಂಗ್ಲೆಂಡ್ ಟೆಸ್ಟ್ ತಂಡ:
ಜೋ ರೂಟ್ (ನಾಯಕ), ಜೋಫ್ರ ಆರ್ಚರ್, ಮೊಯಿನ್ ಅಲಿ, ಜೇಮ್ಸ್ ಆ್ಯಂಡರ್ಸನ್, ಡಾಮ್ ಬೆಸ್, ಸ್ಟುವರ್ಟ್ ಬ್ರಾಡ್, ರೋರಿ ಬರ್ನ್ಸ್, ಜಾಸ್ ಬಟ್ಲರ್, ಜಾಕ್ ಕ್ರಾಲಿ, ಬೆನ್ ಫೋಕ್ಸ್, ಡ್ಯಾನ್ ಲಾರೆನ್ಸ್, ಜಾಕ್ ಲೀಚ್, ಡಾಮ್ ಸಿಬ್ಲಿ, ಬೆನ್ ಸ್ಟೋಕ್ಸ್, ಓಲೀ ಸ್ಟೋನ್, ಕ್ರಿಸ್ ವೋಕ್ಸ್.
ಮೀಸಲು ಆಟಗಾರರು: ಜೇಮ್ಸ್ ಬ್ರೇಸಿ, ಮಾಸನ್ ಕ್ರೇನ್, ಶಕೀಬ್ ಮಹಮೂದ್, ಮ್ಯಾಥ್ಯೂ ಪಾರ್ಕಿನ್ಸನ್, ಓಲೀ ರಾಬಿನ್ಸನ್, ಅಮರ್ ವಿರ್ದಿ.