ಇಂಗ್ಲೆಂಡಿಗೆ ಸತತ 4ನೇ ಗೆಲುವು
Team Udayavani, Jun 23, 2018, 6:00 AM IST
ಚೆಸ್ಟರ್ ಲೆ ಸ್ಟ್ರೀಟ್: ಮತ್ತೂಂದು ದೊಡ್ಡ ಮೊತ್ತದ ಏಕದಿನ ಪಂದ್ಯದಲ್ಲಿ ಅಮೋಘ ಪ್ರದರ್ಶನ ನೀಡಿದ ಇಂಗ್ಲೆಂಡ್ 6 ವಿಕೆಟ್ಗಳಿಂದ ಆಸ್ಟ್ರೇಲಿಯವನ್ನು ಮಣಿಸಿದೆ. ಸತತ 4 ಗೆಲುವಿನೊಂದಿಗೆ ನಾಗಾಲೋಟಗೈದಿದೆ.
ಗುರುವಾರ ಇಲ್ಲಿ ನಡೆದ ಡೇ-ನೈಟ್ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ನಡೆಸಿದ ಆಸ್ಟ್ರೇಲಿಯ ಆರನ್ ಫಿಂಚ್ (100) ಮತ್ತು ಶಾನ್ ಮಾರ್ಷ್ (101) ಅವರ ಶತಕಗಳ ನೆರವಿನಿಂದ 8 ವಿಕೆಟಿಗೆ 310 ರನ್ ಪೇರಿಸಿದರೆ, ಇಂಗ್ಲೆಂಡ್ 44.4 ಓವರ್ಗಳಲ್ಲಿ 4 ವಿಕೆಟಿಗೆ 314 ರನ್ ಬಾರಿಸಿ ಜಯಭೇರಿ ಮೊಳಗಿಸಿತು.
ಇಂಗ್ಲೆಂಡ್ ಪರ ಆರಂಭಕಾರ ಜಾಸನ್ ರಾಯ್ 101 ರನ್ ಬಾರಿಸಿ ಪಂದ್ಯಶ್ರೇಷ್ಠ ಗೌರವಕ್ಕೆ ಪಾತ್ರರಾದರು. ರಾಯ್-ಬೇರ್ಸ್ಟೊ (79) ಮೊದಲ ವಿಕೆಟಿಗೆ 23.4 ಓವರ್ಗಳಿಂದ 174 ರನ್ ಬಾರಿಸಿ ಭದ್ರ ಅಡಿಪಾಯ ನಿರ್ಮಿಸಿದರು. ಬಟ್ಲರ್ ಅಜೇಯ 54 ರನ್ ಮಾಡಿದರು. 5ನೇ ಹಾಗೂ ಅಂತಿಮ ಪಂದ್ಯ ಜೂ. 24ರಂದು ಮ್ಯಾಂಚೆಸ್ಟರ್ನಲ್ಲಿ ನಡೆಯಲಿದ್ದು, ಇಂಗ್ಲೆಂಡಿನ ಮುಂದೆ ಕ್ಲೀನ್ಸ್ವೀಪ್ ಅವಕಾಶವೊಂದು ತೆರೆದುಕೊಂಡಿದೆ.
ಸಂಕ್ಷಿಪ್ತ ಸ್ಕೋರ್: ಆಸ್ಟ್ರೇಲಿಯ-8 ವಿಕೆಟಿಗೆ 310 (ಮಾರ್ಷ್ 101, ಫಿಂಚ್ 100, ಹೆಡ್ 63, ವಿಲ್ಲಿ 43ಕ್ಕೆ 4, ವುಡ್ 49ಕ್ಕೆ 2). ಇಂಗ್ಲೆಂಡ್-44.4 ಓವರ್ಗಳಲ್ಲಿ 4 ವಿಕೆಟಿಗೆ 314 (ರಾಯ್ 101, ಬೇರ್ಸ್ಟೊ 79, ಬಟ್ಲರ್ ಔಟಾಗದೆ 54, ಅಗರ್ 48ಕ್ಕೆ 2). ಪಂದ್ಯಶ್ರೇಷ್ಠ: ಜಾಸನ್ ರಾಯ್.