Udayavni Special

ಕೋವಿಡ್ ಕಾಲದಲ್ಲೊಂದು ಕ್ರಿಕೆಟ್‌ ಕದನ ; 4 ತಿಂಗಳ ಬಳಿಕ ಅಂತಾರಾಷ್ಟ್ರೀಯ ಕ್ರಿಕೆಟಿಗೆ ಚಾಲನೆ


Team Udayavani, Jul 8, 2020, 6:17 AM IST

ಕೋವಿಡ್ ಕಾಲದಲ್ಲೊಂದು ಕ್ರಿಕೆಟ್‌ ಕದನ ; 4 ತಿಂಗಳ ಬಳಿಕ ಅಂತಾರಾಷ್ಟ್ರೀಯ ಕ್ರಿಕೆಟಿಗೆ ಚಾಲನೆ

ಸೌತಾಂಪ್ಟನ್‌: ಇದು ಕೋವಿಡ್ 19 ಮಾರಿಗೆ ಕ್ರಿಕೆಟ್‌ ಮೂಲಕ ಸಡ್ಡು ಹೊಡೆಯುವ ಕಾಲ.

ಬರೋಬ್ಬರಿ 4 ತಿಂಗಳಿಂದ ಎಲ್ಲ ಕ್ರೀಡಾ ಚಟುವಟಿಕೆಗಳನ್ನು ನುಂಗಿ, ಜಗತ್ತಿನ ತುಂಬ ದಾಂಗುಡಿ ಇಡುತ್ತಲೇ ಬಂದ ಕೋವಿಡ್ 19 ಪೀಡೆಗೆ ಇನ್ನು ಅಂಜುತ್ತ ಕುಳಿತರೆ ಸಾಧ್ಯವಾಗದು ಎಂಬ ದಿಟ್ಟ ನಿರ್ಧಾರಕ್ಕೆ ಬಂದ ಇಂಗ್ಲೆಂಡ್‌ ಮತ್ತು ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ತಂಡಗಳು ಬುಧವಾರದಿಂದ ಇಲ್ಲಿ ಟೆಸ್ಟ್‌ ಕದನಕ್ಕೆ ಇಳಿಯಲಿವೆ.

ಈ ಕೋವಿಡ್ 19 ಮಹಾಮಾರಿ ಒಲಿಂಪಿಕ್ಸ್‌ನಂಥ ಮಹೋನ್ನತ ಪಂದ್ಯಾವಳಿಯನ್ನೇ ಆಹುತಿ ಪಡೆದ ಹೆಮ್ಮಾರಿ. ಹೀಗಾಗಿ ಜಾಗತಿಕ ಕ್ರೀಡೆ ಮರಳಿ ಚಿಗುರೊಡೆಯುವ ಕಾಲಘಟಕ್ಕೆ ಈ ಕ್ರಿಕೆಟ್‌ ಸರಣಿ ಸಾಕ್ಷಿಯಾಗುವುದರಲ್ಲಿ ಅನುಮಾನವಿಲ್ಲ.

ಹಿಂದಿನಂತಲ್ಲ ಈ ಮುಖಾಮುಖಿ
ಇದು ಹಿಂದಿನ ಮಾಮೂಲು ಕ್ರಿಕೆಟ್‌ ಟೆಸ್ಟ್‌ ಪಂದ್ಯಗಳಂಥಲ್ಲ. ಕೋವಿಡ್ 19 ಭೀತಿ ಇರುವ ಕಾರಣ ಸಾಕಷ್ಟು ಮುಂಜಾಗ್ರತಾ ಕ್ರಮ, ನೂತನ ನಿಯಮ, ಪ್ರೇಕ್ಷಕರಿಲ್ಲದ ಶೂನ್ಯ ವಾತಾವರಣಕ್ಕೆಲ್ಲ ಒಗ್ಗಿಕೊಳ್ಳಬೇಕಾದ ಅನಿವಾರ್ಯತೆ ಇದೆ.

ಸಂಭ್ರಮಾಚರಣೆ ಇಲ್ಲ
ವಿಕೆಟ್‌ ಉರುಳಿದಾಗ ಕ್ರಿಕೆಟಿಗರೆಲ್ಲ ಒಂದೆಡೆ ಗುಂಪುಗೂಡಿ ಸಂಭ್ರಮ ನಡೆಸುವಂತಿಲ್ಲ. ಓಡಿ ಬಂದು ತಬ್ಬಿಕೊಳ್ಳುವುದು, ಬೌಲರ್‌ಗಳ ಹಾಗೂ ಕ್ಯಾಚ್‌ ಪಡೆದವರ ಮೈಮೇಲೆ ಏರಿ ಹೋಗುವುದು, ಬೌಲರ್‌ಗಳ ಕೈ ತಟ್ಟಿ ಸಂಭ್ರಮಿಸುವುದು ಇಲ್ಲಿ ಕಂಡುಬರದು. ಮೊಣಕೈ ಸ್ಪರ್ಶಕ್ಕೆ ಯಾವುದೇ ಅಡ್ಡಿ ಇಲ್ಲ. ಬೇಕಿದ್ದರೆ ಕಾಲಿಗೆ ಕಾಲನ್ನು ತಾಗಿಸಲೂಬಹುದು!


ವೀಕ್ಷಕರಿಗೆ ನಿರ್ಬಂಧ
ಈ ಪಂದ್ಯದ ವೇಳೆ ಸ್ಟೇಡಿಯಂ ಸಂಪೂರ್ಣ ಖಾಲಿ ಇರಲಿದೆ. ವೀಕ್ಷಕರಿಗೆ ನಿರ್ಬಂಧ ವಿಧಿಸಲಾಗಿದೆ. ಹೀಗಾಗಿ ಪಂದ್ಯದುದ್ದಕ್ಕೂ ಮೌನವೇ ಮುಂದುವರಿಯಲಿದೆ. ಆದರೆ ಟಿವಿ ವೀಕ್ಷಕರಿಗಾಗಿ ಪ್ರೇಕ್ಷಕರ ಭೋರ್ಗರೆತದ ಕೃತಕ ಧ್ವನಿಯನ್ನು ಅಳವಡಿಸಲಾಗುವುದು.

ಇಲ್ಲಿ ಇನ್ನೊಂದು ಪ್ರಮುಖ ಸಂಗತಿ ಇದೆ. ಇತ್ತೀಚೆಗೆ ಜಗತ್ತಿನ ಕೆಲವೆಡೆ ವರ್ಣ ವೈಷಮ್ಯ ಮತ್ತೆ ಜನರ ನಡುವೆ ಕಂದಕವನ್ನು ಸೃಷ್ಟಿಸಿದೆ. ಇಂಥದೊಂದು ವಿಷಮ ಸ್ಥಿತಿಯಲ್ಲಿ ಬಿಳಿಯ ಆಂಗ್ಲರು ಮತ್ತು ಕೆರಿಬಿಯನ್ನರು ಕ್ರಿಕೆಟ್‌ನಲ್ಲಿ ಮುಖಾಮುಖಿ ಆಗುತ್ತಿರುವುದು ಕಚ್ಚಾಡುತ್ತಿರುವವರ ಪಾಲಿಗೊಂದು ಪಾಠ ಆಗುವುದರಲ್ಲಿ ಸಂಶಯವಿಲ್ಲ.

ಹೀಗಾಗಿ ಈ ಟೆಸ್ಟ್‌ ಪಂದ್ಯವನ್ನು, ಸರಣಿಯನ್ನು ಯಾರೇ ಗೆಲ್ಲಲಿ ಅಥವಾ ಸೋಲಲಿ, ಅದು ಮುಖ್ಯವಲ್ಲ. ಮತ್ತೆ ವಿಶ್ವ ಮಟ್ಟದ ಕ್ರೀಡೆಗೆ ಬಾಗಿಲು ತೆರೆದುಕೊಳ್ಳುತ್ತಿರುವುದೇ ಒಂದು ಸಂತಸದ ಬೆಳವಣಿಗೆ.

ಕಾಯುವಿಕೆಗೆ 32 ವರ್ಷ
ಇತ್ತಂಡಗಳ ಟೆಸ್ಟ್‌ ಇತಿಹಾಸವನ್ನು ಗಮನಿಸಿದರೆ ಇಲ್ಲಿ ಸಮಬಲದ ಸಾಧನೆಯನ್ನು ಕಾಣಬಹುದು. ಇಂಗ್ಲೆಂಡ್‌ ಅತ್ಯಧಿಕ ಸರಣಿ ಗೆದ್ದರೆ, ವೆಸ್ಟ್‌ ಇಂಡೀಸ್‌ ಅತೀ ಹೆಚ್ಚು ಟೆಸ್ಟ್‌ ಪಂದ್ಯಗಳನ್ನು ಜಯಿಸಿದೆ.

ಆದರೆ ಕಳೆದ 32 ವರ್ಷಗಳಿಂದ, ಅಂದರೆ 1988ರ ಬಳಿಕ ಕೆರಿಬಿಯನ್ನರಿಗೆ ಆಂಗ್ಲರ ನೆಲದಲ್ಲಿ ಸರಣಿ ಗೆಲ್ಲಲು ಸಾಧ್ಯವಾಗಿಲ್ಲ ಎಂಬ ದೊಡ್ಡದೊಂದು ಕೊರಗು ಕಾಡುತ್ತಲೇ ಇದೆ. ಹೋಲ್ಡರ್‌ ಪಡೆ ಇದನ್ನು ನೀಗಿಸಿಕೊಂಡೀತೇ ಎಂಬುದೊಂದು ಕುತೂಹಲ.

ಕೋವಿಡ್ 19ಗೆ ಸವಾಲ್‌ ಎಂಬ ರೀತಿಯಲ್ಲಿ ನಡೆಯಲ್ಪಡುವ ಈ ಟೆಸ್ಟ್‌ ಮುಖಾಮುಖಿ ಹಿಂದಿನ ಪಂದ್ಯಗಳಿಗಿಂತ ಸಂಪೂರ್ಣ ಭಿನ್ನವಾಗಿರಲಿದೆ. ತೀವ್ರ ಮುನ್ನೆಚ್ಚರಿಕೆ ಹಾಗೂ ಆಟಗಾರರ ಸುರಕ್ಷತೆಗೆ ಹೆಚ್ಚಿನ ಆದ್ಯತೆ ನೀಡಲಾದ ಈ ಪಂದ್ಯದ ವೇಳೆ ಕಂಡುಬರುವ ಪ್ರಮುಖ ಬದಲಾವಣೆಗಳು ಹೀಗಿವೆ..

ಚೆಂಡಿಗೆ ಎಂಜಲು ನಿಷೇಧ
ಕೋವಿಡ್ 19 ಭೀತಿಯಿಂದಾಗಿ ಚೆಂಡಿನ ಹೊಳಪನ್ನು ಕಾಯ್ದುಕೊಳ್ಳಲು ಎಂಜಲು ಹಚ್ಚುವುದನ್ನು ನಿಷೇಧಿಸಲಾಗಿದೆ. ಈ ನಿಯಮಾವಳಿಯಂತೆ ನಡೆಯುವ ಮೊದಲ ಅಂತಾರಾಷ್ಟ್ರೀಯ ಕ್ರಿಕೆಟ್‌ ಪಂದ್ಯ ಇದಾಗಿದೆ. ಆದರೆ ಅಭ್ಯಾಸಬಲದಿಂದ ಚೆಂಡಿಗೆ ಎಂಜಲು ಸವರುವ ಸಾಧ್ಯತೆ ಇದ್ದೇ ಇದೆ.

ಹೀಗಾಗಿ ಐಸಿಸಿ “ಹೊಂದಾಣಿಕೆ ಅವಧಿ’ಯನ್ನು ನಿಗದಿಪಡಿಸಿದೆ. ಇದರಂತೆ, ಪ್ರತೀ ತಂಡಕ್ಕೆ ಒಂದೊಂದು ಇನ್ನಿಂಗ್ಸ್‌ ವೇಳೆ ಅಂಪಾಯರ್‌ಗಳು ಎರಡು ಸಲ ಎಚ್ಚರಿಕೆ ನೀಡುತ್ತಾರೆ. ಆನಂತರ ಬ್ಯಾಟಿಂಗ್‌ ಮಾಡುತ್ತಿರುವ ತಂಡಕ್ಕೆ 5 ಪೆನಾಲ್ಟಿ ರನ್‌ ನೀಡಲಾಗುತ್ತದೆ. ಎಂಜಲಿನ ಬದಲು ಚೆಂಡಿಗೆ ಬೆವರು ಹಚ್ಚಬಹುದಾಗಿದೆ.

ಆಟಗಾರರ ಬದಲಾವಣೆ
ಪಂದ್ಯಆರಂಭಕ್ಕೂ ಮುನ್ನ ದಿನಂಪ್ರತಿ ಆಟಗಾರರಿಗೆ ಕೋವಿಡ್‌ ಟೆಸ್ಟ್‌ ನಡೆಯುತ್ತದೆ. ಅಕಸ್ಮಾತ್‌ ಆಟದ ವೇಳೆ ಕ್ರಿಕೆಟಿಗನಿಗೆ ಕೋವಿಡ್ 19 ಲಕ್ಷಣ ಕಂಡುಬಂದಲ್ಲಿ ಬದಲಿ ಆಟಗಾರನನ್ನು ಆಡಿಸಬಹುದು.

ಹೆಚ್ಚುವರಿ ಡಿಆರ್‌ಎಸ್‌
ಸರಣಿಯ ವೇಳೆ ಅಷ್ಟೇನೂ ಅನುಭವವಿಲ್ಲದ ಅಂಪಾಯರ್‌ಗಳು ಕಾರ್ಯ ನಿಭಾಯಿಸುವುದರಿಂದ ಐಸಿಸಿ ಪ್ರತಿಯೊಂದು ಇನ್ನಿಂಗ್ಸಿಗೂ ಹೆಚ್ಚುವರಿ ಡಿಆರ್‌ಎಸ್‌ ರಿವ್ಯೂಗೆ ಅವಕಾಶ ನೀಡಿದೆ. ಹೀಗಾಗಿ ಬ್ಯಾಟಿಂಗ್‌, ಬೌಲಿಂಗ್‌ ಕಡೆಗಳಿಂದ ಎರಡರ ಬದಲು 3 ಡಿಆರ್‌ಎಸ್‌ ರಿವ್ಯೂ ಮಾಡಬಹುದಾಗಿದೆ.

ತಟಸ್ಥ ಅಂಪಾಯರ್‌ಗಳಿಲ್ಲ
ಕಳೆದ 19 ವರ್ಷಗಳಿಂದ ಜಾರಿಯಲ್ಲಿದ್ದ ತಟಸ್ಥ ಅಂಪಾಯರ್‌ ನಿಯಮವನ್ನು ತಾತ್ಕಾಲಿಕವಾಗಿ ಕೈಬಿಡಲಾಗಿದೆ. ಪ್ರಯಾಣ ನಿರ್ಬಂಧವೇ ಇದಕ್ಕೆ ಕಾರಣ. ಈ ಪಂದ್ಯದ ವೇಳೆ ಎಲ್ಲ ಅಂಪಾಯರ್‌ಗಳೂ ತವರು ದೇಶದವರೇ ಆಗಿರುತ್ತಾರೆ. ಈ ಸರಣಿಯ ಅಂಪಾಯರ್‌ಗಳೆಂದರೆ ರಿಚರ್ಡ್‌ ಇಲ್ಲಿಂಗ್‌ವರ್ತ್‌, ರಿಚರ್ಡ್‌ ಕ್ಯಾಟಲ್‌ಬರೋ, ಮೈಕಲ್‌ ಗಾಫ್‌, ಅಲೆಕ್ಸ್‌ ವಾರ್ಫ್‌ ಮತ್ತು ಡೇವಿಡ್‌ ಮಿಲ್ಸ್.

ಟೆಸ್ಟ್‌ ಸರಣಿ ವೇಳಾಪಟ್ಟಿ

– ಮೊದಲ ಟೆಸ್ಟ್‌: ಸೌತಾಂಪ್ಟನ್‌- ಜು. 8-12

– ಎರಡನೇ ಟೆಸ್ಟ್‌: ಮ್ಯಾಂಚೆಸ್ಟರ್‌- ಜು. 16-20

– ಮೂರನೇ ಟೆಸ್ಟ್‌: ಮ್ಯಾಂಚೆಸ್ಟರ್‌  -ಜು.24-28

– ಆರಂಭ: ಅಪರಾಹ್ನ 3.30

– ಪ್ರಸಾರ: ಸೋನಿ ನ್ಪೋರ್ಟ್ಸ್

ಮುಖಾಮುಖಿ
ಒಟ್ಟು ಟೆಸ್ಟ್‌:
157

ಇಂಗ್ಲೆಂಡ್‌ ಜಯ: 49

ವಿಂಡೀಸ್‌ ಜಯ: 57

ಡ್ರಾ: 51

ಒಟ್ಟು ಸರಣಿ: 36

ಇಂಗ್ಲೆಂಡ್‌ ಜಯ: 21

ವಿಂಡೀಸ್‌ ಜಯ: 06

ಡ್ರಾ: 09

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

k-s-eshwarappa

ಇಂತಹ ಗೂಂಡಾಗಿರಿಯನ್ನು ಉಳಿದ ಮುಸ್ಲಿಮರು ಖಂಡಿಸಬೇಕು: ಕೆ.ಎಸ್ ಈಶ್ವರಪ್ಪ

kumarsawamy

ಯಾರೇ ಗೂಂಡಾಗಿರಿ ಮಾಡಿದರೂ ಮುಲಾಜಿಲ್ಲದೆ ಮಟ್ಟಹಾಕಿ: H.D ಕುಮಾರಸ್ವಾಮಿ

ಆಕ್ಷೇಪಾರ್ಹ ಪೋಸ್ಟ್-ಹಿಂಸಾಚಾರ ಕೇಸ್: ಆರೋಪಿ ನವೀನ್ ಸೇರಿ 110 ಮಂದಿ ಬಂಧನ

ಆಕ್ಷೇಪಾರ್ಹ ಪೋಸ್ಟ್-ಹಿಂಸಾಚಾರ ಕೇಸ್: ಆರೋಪಿ ನವೀನ್ ಸೇರಿ 110 ಮಂದಿ ಬಂಧನ

ಡಿ.ಜೆ ಹಳ್ಳಿ ಗಲಭೆ ಅದಕ್ಕೆ ಪ್ರಚೋದನೆ ನೀಡಿದ ಘಟನೆಗಳು ಎರಡೂ ಖಂಡನೀಯ: ಸಿದ್ದರಾಮಯ್ಯ

ಡಿ.ಜೆ ಹಳ್ಳಿ ಗಲಭೆ ಅದಕ್ಕೆ ಪ್ರಚೋದನೆ ನೀಡಿದ ಘಟನೆಗಳು ಎರಡೂ ಖಂಡನೀಯ: ಸಿದ್ದರಾಮಯ್ಯ

dk-shivakumar

ಡಿ.ಜೆ ಹಳ್ಳಿ ಗಲಭೆಯ ಹಿಂದೆ ವ್ಯವಸ್ಥಿತ ಸಂಚು, ಯಾರೂ ಕಾನೂನು ಕೈಗೆತ್ತಿಕೊಳ್ಳಬೇಡಿ: ಡಿಕೆಶಿ

ಎರಡು ದಿನದಲ್ಲಿ ಚಿನ್ನ ಮತ್ತು ಬೆಳ್ಳಿ ಬೆಲೆಯಲ್ಲಿ ಭಾರೀ ಇಳಿಕೆ: ಇಂದಿನ ದರ ಎಷ್ಟು ಗೊತ್ತಾ?

ಎರಡು ದಿನದಲ್ಲಿ ಚಿನ್ನ ಮತ್ತು ಬೆಳ್ಳಿ ಬೆಲೆಯಲ್ಲಿ ಭಾರೀ ಇಳಿಕೆ: ಇಂದಿನ ದರ ಎಷ್ಟು ಗೊತ್ತಾ?

ರೈತರ ಬೆಳೆ ಸಮೀಕ್ಷೆಗೆ ಕೃಷಿ ಸಚಿವರಿಂದ ಆಪ್ ಲೋಕಾರ್ಪಣೆ

ರೈತರ ಬೆಳೆ ಸಮೀಕ್ಷೆಗೆ ಕೃಷಿ ಸಚಿವರಿಂದ ಆ್ಯಪ್ ಲೋಕಾರ್ಪಣೆ




ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಮಾನಸಿಕ ಸ್ಥೈರ್ಯ ವೃದ್ಧಿಗೆ “ಮೆಂಟಲ್‌ ಸ್ಟ್ರೆಂತ್‌ ಮ್ಯಾಟರ್ಸ್”

ಮಾನಸಿಕ ಸ್ಥೈರ್ಯ ವೃದ್ಧಿಗೆ “ಮೆಂಟಲ್‌ ಸ್ಟ್ರೆಂತ್‌ ಮ್ಯಾಟರ್ಸ್”

ಯುಎಇಯಲ್ಲಿ ಐಪಿಎಲ್ ಆಯೋಜಿಸಲು ಅಧಿಕೃತ ಒಪ್ಪಿಗೆ ಪತ್ರ ನೀಡಿದ ಕೇಂದ್ರ ಸರ್ಕಾರ

ಯುಎಇಯಲ್ಲಿ ಐಪಿಎಲ್ ಆಯೋಜಿಸಲು ಅಧಿಕೃತ ಒಪ್ಪಿಗೆ ಪತ್ರ ನೀಡಿದ ಕೇಂದ್ರ ಸರ್ಕಾರ

ಐಪಿಎಲ್‌ ಶೀರ್ಷಿಕೆ ಪ್ರಾಯೋಜಕತ್ವ ಸ್ಪರ್ಧೆಯಲ್ಲಿ ಪತಂಜಲಿ

ಐಪಿಎಲ್‌ ಶೀರ್ಷಿಕೆ ಪ್ರಾಯೋಜಕತ್ವ ಸ್ಪರ್ಧೆಯಲ್ಲಿ ಪತಂಜಲಿ

ಪಾಲೆರ್ಮೊ ಲೇಡೀಸ್‌ ಟೆನಿಸ್‌ ಫಿಯೋನಾ ಫೆರೊ ಚಾಂಪಿಯನ್‌

ಪಾಲೆರ್ಮೊ ಲೇಡೀಸ್‌ ಟೆನಿಸ್‌ ಫಿಯೋನಾ ಫೆರೊ ಚಾಂಪಿಯನ್‌

ಬಾಂಗ್ಲಾದ ಮಾಜಿ ಸ್ಪಿನ್ನರ್‌ ಮೊಶರ್ರಫ್ ಗೆ ಕೋವಿಡ್ 19 ಪಾಸಿಟಿವ್‌

ಬಾಂಗ್ಲಾದ ಮಾಜಿ ಸ್ಪಿನ್ನರ್‌ ಮೊಶರ್ರಫ್ ಗೆ ಕೋವಿಡ್ 19 ಪಾಸಿಟಿವ್‌

MUST WATCH

udayavani youtube

ಕೂಲಿ ಕೆಲಸದ ಜೊತೆಗೆ ವಿದ್ಯಾಭ್ಯಾಸ ಮಾಡಿ SSLCಯಲ್ಲಿ616 ಅಂಕ : ಶಿಕ್ಷಣ ಸಚಿವರಿಂದ ಅಭಿನಂದನೆ

udayavani youtube

ಕೋವಿಡ್ ತಡೆಗೆ ಸಿದ್ಧವಾಯ್ತ ವಿಶ್ವದ‌ ಮೊದಲ ಲಸಿಕೆ? ಪುಟಿನ್ ಪುತ್ರಿಗೂ ವ್ಯಾಕ್ಸಿನ್?

udayavani youtube

ಮಿತ್ತಬಾಗಿಲು ಗ್ರಾಮದ ಕಾಡುಮನೆ ಬಳಿ ಭಾರಿ ಭೂಕುಸಿತ: ಆತಂಕದಲ್ಲಿ ನಿವಾಸಿಗಳು

udayavani youtube

SSLC ಪರೀಕ್ಷೆಯಲ್ಲಿ ರಾಜ್ಯದಲ್ಲಿ ದ್ವಿತೀಯ ಸ್ಥಾನ ಹಂಚಿಕೊಂಡ ನಿಧಿ ರಾವ್

udayavani youtube

ದೇಶದ ಕೃಷಿಕ ಒಬ್ಬ ಉದ್ಯಮಿ ಯಾಗಬೇಕು ಪ್ರಧಾನಿಗಳ ಆಶಾಯ | Narendra Modi Agriculture



ಹೊಸ ಸೇರ್ಪಡೆ

ಅನುಭವದಿಂದ ಕಲಿತುಕೊಳ್ಳೋಣ

ಜೀವಯಾನ: ಅನುಭವದಿಂದ ಕಲಿತುಕೊಳ್ಳೋಣ

100 ಮಂಕೀಸ್‌ನಲ್ಲಿ ಪ್ರಮೋದ್‌

100 ಮಂಕೀಸ್‌ನಲ್ಲಿ ಪ್ರಮೋದ್‌

ಕೆ.ಜಿ.ಹಳ್ಳಿ ಗಲಭೆ: ಪತ್ರಕರ್ತರ ಮೇಲೆ ಹಲ್ಲೆ ಖಂಡಿಸಿ ಪತ್ರಕರ್ತರಿಂದ ಪತ್ರ ಚಳುವಳಿ

ಕೆ.ಜಿ.ಹಳ್ಳಿ ಗಲಭೆ: ಪತ್ರಕರ್ತರ ಮೇಲೆ ಹಲ್ಲೆ ಖಂಡಿಸಿ ಪತ್ರಕರ್ತರಿಂದ ಪತ್ರ ಚಳುವಳಿ

k-s-eshwarappa

ಇಂತಹ ಗೂಂಡಾಗಿರಿಯನ್ನು ಉಳಿದ ಮುಸ್ಲಿಮರು ಖಂಡಿಸಬೇಕು: ಕೆ.ಎಸ್ ಈಶ್ವರಪ್ಪ

ದರ್ಶನ್‌ ಚಿತ್ರರಂಗ ಎಂಟ್ರಿಗೆ 23 ವರ್ಷ

ದರ್ಶನ್‌ ಚಿತ್ರರಂಗ ಎಂಟ್ರಿಗೆ 23 ವರ್ಷ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.