ಗುಜರಾತ್‌ನಲ್ಲೊಂದು ನಕಲಿ ಐಪಿಎಲ್‌! ಹರ್ಷಾ ಭೋಗ್ಲೆಯಂತೆ ಕಾಮೆಂಟರಿ..

ಗುಜರಾತ್‌ನ ಮೆಹ್ಸಾನ ಜಿಲ್ಲೆಯ ಗದ್ದೆಯಲ್ಲಿ ನಡೆಯಿತು ಮೋಸ; ಬೇಸ್ತುಬಿದ್ದ ರಷ್ಯಾ ಬುಕ್ಕಿಗಳು

Team Udayavani, Jul 12, 2022, 7:30 AM IST

thumb ipl 2 fhah

ಹೊಸದಿಲ್ಲಿ: ಮೋಸ ಮಾಡುವುದನ್ನು ನೀವು ನೋಡಿರುತ್ತೀರಿ, ಕೇಳಿರುತ್ತೀರಿ, ಆದರೆ ಯಾರಾದರೂ ಮೋಸ ಮಾಡಿದ್ದನ್ನು ಕೇಳಿ ಹೊಟ್ಟೆ ಹಿಡಿದುಕೊಂಡು ನಕ್ಕಿದ್ದೀರಾ?

ಗುಜರಾತ್‌ನ ಮೆಹ್ಸಾನ ಜಿಲ್ಲೆಯ ಮೋಲಿಪುರದಲ್ಲಿ ನಡೆದ ಈ ನಕಲಿ ಐಪಿಎಲ್‌ ಕಥೆ ಕೇಳಿದರೆ, ಯಾರಿಗೂ ನಗು ತಡೆದುಕೊಳ್ಳಲು ಸಾಧ್ಯವಿಲ್ಲ. ಈ ಬಾರಿ ಐಪಿಎಲ್‌ ಮುಗಿದಿದ್ದು ಮೇ 29ಕ್ಕೆ. ಅದಾದ ಮೂರು ವಾರಗಳ ಅನಂತರ ಗುಜರಾತ್‌ನ ಗುಂಪೊಂದು ಒಂದು ಗದ್ದೆಯಲ್ಲಿ ನಕಲಿ ಐಪಿಎಲ್‌ ಶುರು ಮಾಡಿದೆ. ಸಣ್ಣ ಹಳ್ಳಿಯೊಂದರಲ್ಲಿ ಪ್ರತಿಯೊಂದನ್ನೂ ಐಪಿಎಲ್‌ನಂತೆಯೇ ಮರುಸೃಷ್ಟಿ ಮಾಡಲಾಗಿದೆ. ಗುರಿ ರಷ್ಯಾ ಬೆಟ್ಟಿಂಗ್‌ ಹುಚ್ಚರ ಪಡೆ ಹಣ ಹೂಡುವಂತೆ ಮಾಡುವುದು !

ಏನೇನು ಮಾಡಿದ್ದಾರೆ ಗೊತ್ತಾ?
ಮೆಹ್ಸಾನ ಜಿಲ್ಲೆಯ ವಡನಗರ ತಾಲೂಕಿನ ಮೋಲಿಪುರ ಎಂಬ ಹಳ್ಳಿಯಲ್ಲಿರುವ ಗದ್ದೆಯನ್ನು ಶೋಯಬ್‌  ಎಂಬಾತ ಬಾಡಿಗೆಗೆ ಪಡೆದ. ಈತನೇ ಇಡೀ ವಂಚನೆಯ ಸೂತ್ರದಾರ. ಆತ ಮೊದಲು ಗದ್ದೆಯಲ್ಲಿ ಐಪಿಎಲ್‌ ವಾತಾವರಣ ಸೃಷ್ಟಿ ಮಾಡಿದ. ಊರಲ್ಲಿರುವ 21 ಮಂದಿ ಗದ್ದೆ ಕೆಲಸದವರನ್ನು ಆಟಗಾರರಾಗಿ ತಯಾರು ಮಾಡಿದ. ಹಾಗೆಯೇ ನಿರುದ್ಯೋಗಿ ಯುವಕರೂ ಇದರಲ್ಲಿ ಸೇರಿಕೊಂಡರು. ಅವರಿಗೆಲ್ಲ ಅಸ್ತಿತ್ವ ಇಲ್ಲದ ತಂಡಗಳ ಜೆರ್ಸಿಗಳನ್ನು ನೀಡಲಾಯಿತು. ಒಂದು ಪಂದ್ಯಕ್ಕೆ ಒಬ್ಬೊಬ್ಬರಿಗೆ ತಲಾ 400 ರೂ.!

ನಕಲಿ ಮೈದಾನದಲ್ಲಿ ಹ್ಯಾಲೋಜನ್‌ ಲೈಟ್‌ಗಳನ್ನು ಹಾಕಲಾಗಿತ್ತು. ಕೆಮರಾಮನ್‌ ಬಳಸಿ, ಐದು ಎಚ್‌ಡಿ ಕೆಮರಾಗಳ ಮೂಲಕ ಒಂದು ಯೂಟ್ಯೂಬ್‌ ಚಾನೆಲ್‌ನಲ್ಲಿ ಪಂದ್ಯಗಳ ನೇರಪ್ರಸಾರವೂ ನಡೆಯಿತು. ಶಕಿಬ್‌, ಸೈಫಿ, ಮೊಹಮ್ಮದ್‌ ಕೊಲು ಎಂಬ ಮೂವರನ್ನು ಅಂಪಾಯರ್‌ಗಳಾಗಿ ನೇಮಿಸಲಾಯಿತು. ಉತ್ತರಪ್ರದೇಶದ ಮೀರತ್‌ನ ಸಾದಿಖ್‌ ಗೆ ಖ್ಯಾತ ವೀಕ್ಷಕ ವಿವರಣೆಕಾರ ಹರ್ಷಾ ಭೋಗ್ಲೆಯ ಧ್ವನಿಯನ್ನು ಅನುಕರಿಸುವುದಕ್ಕೆ ಬರುತ್ತದೆ. ಈತನಿಂದ ಭೋಗ್ಲೆ ಅವರ ಶೈಲಿಯಲ್ಲೇ ವೀಕ್ಷಕ ವಿವರಣೆ ಮಾಡಿಸಲಾಯಿತು!

ರಷ್ಯಾ ಬುಕ್ಕಿಗಳಿಂದ ಬೆಟ್ಟಿಂಗ್‌ಗೆ ಆಹ್ವಾನ
ಒಂದು ಟೆಲಿಗ್ರಾಮ್‌ ಚಾನೆಲ್‌ ಶುರು ಮಾಡಿ, ರಷ್ಯಾದ ಬುಕ್ಕಿಗಳಿಗೆ ಬೆಟ್ಟಿಂಗ್‌ಗೆ ಆಹ್ವಾನ ನೀಡಲಾಯಿತು. ಇದಕ್ಕೆ ರಷ್ಯಾದವರನ್ನೇ ಆಯ್ದುಕೊಳ್ಳುವುದಕ್ಕೂ ಒಂದು ಕಾರಣವಿದೆ. ಇಡೀ ವಂಚನೆಯ ಸೂತ್ರದಾರ ಶೋಯಬ್‌ 8 ತಿಂಗಳು ರಷ್ಯಾದಲ್ಲಿ ಬೆಟ್ಟಿಂಗ್‌ಗೆ ಹೆಸರಾಗಿದ್ದ ಪಬ್‌ವೊಂದರಲ್ಲಿ ಕೆಲಸ ಮಾಡಿದ್ದ. ಅಲ್ಲಿ ಆಸಿಫ್ ಮೊಹಮ್ಮದ್‌ ಎಂಬಾತನ ಪರಿಚಯವಾಗಿತ್ತು. ಈ ಆಸಿಫ್ ಪಬ್‌ನಲ್ಲಿ ಬೆಟ್ಟಿಂಗ್‌ಗೆ ತಮ್ಮ ಜೀವನವನ್ನೇ ಅಡವಿಟ್ಟುಕೊಂಡಿದ್ದ ಕೆಲ ವ್ಯಕ್ತಿಗಳ ಪರಿಚಯ ಮಾಡಿಕೊಟ್ಟು, ಮೋಸ ಮಾಡುವ ಐಡಿಯಾವನ್ನು ಕೊಟ್ಟ! ಅದೇ ಐಡಿಯಾವನ್ನು ಇಟ್ಟುಕೊಂಡು ಶೋಯಬ್‌ ಗುಜರಾತ್‌ಗೆ ಮರಳಿದ.

ಅಂಪಾಯರ್‌ಗಳಿಗೆ ವಾಕಿಟಾಕಿಗಳನ್ನು ನೀಡಲಾಗಿತ್ತು. ಅವುಗಳ ಮೂಲಕ ಶೋಯಬ್‌ ಈಗ ಬೌಂಡರಿ ಬಾರಿಸಬೇಕು, ಸಿಕ್ಸರ್‌ ಬಾರಿಸಬೇಕು ಎಂದು ಅಂಪಾಯರ್‌ಗಳಿಗೆ ಸೂಚನೆ ನೀಡುತ್ತಿದ್ದ. ಅದನ್ನು ಅಂಪಾಯರ್‌ಗಳು ಬ್ಯಾಟ್ಸ್‌ಮನ್‌, ಬೌಲರ್‌ಗಳಿಗೆ ಸನ್ನೆ ಮಾಡಿ ತಿಳಿಸುತ್ತಿದ್ದರು. ಮುಂದೆ ಹಾಗೆಯೇ ನಡೆಯುತ್ತಿತ್ತು!

ಈ ಐಪಿಎಲ್‌ 15 ದಿನಗಳ ಕಾಲ ನಡೆದಿತ್ತು. ಇನ್ನೇನು ಕ್ವಾರ್ಟರ್‌ ಫೈನಲ್‌ ಪಂದ್ಯ ನಡೆಯಬೇಕೆನ್ನುವಷ್ಟರಲ್ಲಿ, ಪೊಲೀಸರಿಗೆ ವಿಷಯ ಗೊತ್ತಾಗಿದೆ. ಇಷ್ಟರಲ್ಲಿ ರಷ್ಯಾದ ಒಬ್ಬರು 3 ಲಕ್ಷ ರೂ.ಗಳನ್ನು ವರ್ಗಾಯಿಸಿಯೂ ಆಗಿತ್ತು! ಪೊಲೀಸರು ನಾಲ್ವರನ್ನು ಬಂಧಿಸಿ ವಿಚಾರಣೆ ನಡೆಸುತ್ತಿದ್ದಾರೆ.

ನಕ್ಕು ಸುಸ್ತಾದ ಹರ್ಷಾ ಭೋಗ್ಲೆ!
ತಮ್ಮನ್ನೇ ಅನುಸರಿಸಿ ಒಬ್ಟಾತ ವೀಕ್ಷಕ ವಿವರಣೆ ಮಾಡಿದ್ದನ್ನು ಪತ್ರಿಕೆಯಲ್ಲಿ ಓದಿ, ಖ್ಯಾತ ವೀಕ್ಷಕ ವಿವರಣೆಕಾರ ಹರ್ಷಾ ಭೋಗ್ಲೆ ಸುಸ್ತಾಗುವಷ್ಟು ನಕ್ಕಿದ್ದಾರಂತೆ. ಪ್ರಖ್ಯಾತ ಉದ್ಯಮಿ ಆನಂದ್‌ ಮಹೀಂದ್ರಾ ಕೂಡ ತಬ್ಬಿಬ್ಟಾಗಿದ್ದಾರೆ.

ಟಾಪ್ ನ್ಯೂಸ್

tdy-19

2023ರ ದ್ವಿತೀಯ ಪಿಯು ವಾರ್ಷಿಕ ಪರೀಕ್ಷಾ ವೇಳಾಪಟ್ಟಿ ಪ್ರಕಟ

ತೆಕ್ಕಟ್ಟೆ: ರಸ್ತೆ ಬದಿಯ ಹೊಂಡಕ್ಕೆ ಬಿದ್ದ ಈಚರ್‌ ವಾಹನ; ತಪ್ಪಿದ ಭಾರೀ ಅನಾಹುತ

ತೆಕ್ಕಟ್ಟೆ: ರಸ್ತೆ ಬದಿಯ ಹೊಂಡಕ್ಕೆ ಬಿದ್ದ ಈಚರ್‌ ವಾಹನ; ತಪ್ಪಿದ ಭಾರೀ ಅನಾಹುತ

1-daadad

ಸಿನಿಮಾ ರಂಗದಿಂದಲೇ ನಾನು ಚಿರಂಜೀವಿ: ಇಫಿಯಲ್ಲಿ ಚಿರಂಜೀವಿ ಭಾವುಕ

ಮದರಸಾ ವಿದ್ಯಾರ್ಥಿಗಳಿಗೆ ಇನ್ನು ಸ್ಕಾಲರ್‌ಶಿಪ್‌ ಇಲ್ಲ

ಮದರಸಾ ವಿದ್ಯಾರ್ಥಿಗಳಿಗೆ ಇನ್ನು ಸ್ಕಾಲರ್‌ಶಿಪ್‌ ಇಲ್ಲ

1-aSASA

ಡಬ್ಬಲ್ ಇಂಜಿನ್ ಸರಕಾರವಿದ್ದರೂ ಶರಾವತಿ ಸಂತ್ರಸ್ತರಿಗೆ ನ್ಯಾಯವಿಲ್ಲ: ಸಿದ್ದರಾಮಯ್ಯ ಕಿಡಿ

Satish Jaraki

ಕಾಂಗ್ರೆಸ್ ಸರ್ಕಾರದಲ್ಲೇ ಹೆಚ್ಚು ಹಿಂದೂಗಳ ರಕ್ಷಣೆ: ಸತೀಶ್ ಜಾರಕಿಹೊಳಿ

1-adasdsad

ಚಿಕ್ಕಮಗಳೂರು: ಬಸ್ -ಟಿಪ್ಪರ್ ಮುಖಾಮುಖಿ; ಮಹಿಳೆ ಸಾವು, 15 ಮಂದಿಗೆ ಗಾಯ



ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಫಿಫಾ ವಿಶ್ವಕಪ್‌: ಕೆನಡಾವನ್ನು ಹೊರದಬ್ಬಿದ ಕ್ರೊವೇಶಿಯಾ

ಫಿಫಾ ವಿಶ್ವಕಪ್‌: ಕೆನಡಾವನ್ನು ಹೊರದಬ್ಬಿದ ಕ್ರೊವೇಶಿಯಾ

ವಿಜಯ್ ಹಜಾರೆ ಟ್ರೋಫಿ: ಪಂಜಾಬ್ ವಿರುದ್ಧ ಗೆದ್ದು ಸೆಮಿ ಎಂಟ್ರಿಕೊಟ್ಟ ಕರ್ನಾಟಕ

ವಿಜಯ್ ಹಜಾರೆ ಟ್ರೋಫಿ: ಪಂಜಾಬ್ ವಿರುದ್ಧ ಗೆದ್ದು ಸೆಮಿ ಎಂಟ್ರಿಕೊಟ್ಟ ಕರ್ನಾಟಕ

Ruturaj Gaikwad smashed seven sixes in an over

ಒಂದೇ ಓವರ್ ನಲ್ಲಿ 7 ಸಿಕ್ಸರ್ ಹೊಡೆದ ಋತುರಾಜ್ ಗಾಯಕ್ವಾಡ್: ದ್ವಿಶತಕದ ಸಾಧನೆ

does Saudi Arabia players get rolls royce?

ಅರ್ಜೆಂಟೀನಾ ವಿರುದ್ಧ ಗೆದ್ದ ಸೌದಿ ಆಟಗಾರರಿಗೆ ರೋಲ್ಸ್ ರಾಯ್ಸ್ ಕಾರು ಸಿಗುತ್ತಾ? ಏನಿದು ಸುದ್ದಿ?

Riots In Brussels Over Belgium’s World Cup Loss To Morocco

ಮೊರಾಕ್ಕೊ ವಿರುದ್ಧ ವಿಶ್ವಕಪ್ ಸೋಲು: ಬೆಲ್ಜಿಯಂನಲ್ಲಿ ಅಭಿಮಾನಿಗಳಿಂದ ಹಿಂಸಾಚಾರ

MUST WATCH

udayavani youtube

ಶ್ರೀ ದುರ್ಗಾ ಆದಿಶಕ್ತಿ ಕ್ಷೇತ್ರ ದೊಡ್ಡಣಗುಡ್ಡೆ ಕ್ಷೇತ್ರದಲ್ಲಿ ‘ದೀಪೋತ್ಸವ’ ಸಂಭ್ರಮ

udayavani youtube

ಅಸ್ತಮಾ ರೋಗಿಗಳು ಮನೆಯಲ್ಲಿಯೇ ಚಿಕಿತ್ಸೆ ಪಡೆಯುವುದು ಹೇಗೆ ? |Girija Surgicals

udayavani youtube

ಕುಕ್ಕೆ ಸುಬ್ರಹ್ಮಣ್ಯಕ್ಕೆ ಕ್ರಿಕೆಟಿಗ ಕೆ.ಎಲ್.ರಾಹುಲ್ ಭೇಟಿ

udayavani youtube

ಶಾರೀಕ್ ಜೊತೆಗಿದ್ನಾ ಇನ್ನೋರ್ವ ವ್ಯಕ್ತಿ ? ಪೊಲೀಸ್ ಆಯುಕ್ತರು ಹೇಳಿದ್ದೇನು..

udayavani youtube

ಶಾರಿಕ್ ಜೊತೆಗಿದ್ನಾ ಇನ್ನೋರ್ವ ವ್ಯಕ್ತಿ ? ವೈರಲ್ ಆಗುತ್ತಿದೆ ಸಿಸಿಟಿವಿ ಫೂಟೇಜ್…

ಹೊಸ ಸೇರ್ಪಡೆ

ಮಲ್ಪೆ: ವಿದ್ಯುತ್‌ ಪ್ರವಹಿಸಿ ಬೋಟ್‌ ಕಾರ್ಮಿಕ ಸಾವು

ಮಲ್ಪೆ: ವಿದ್ಯುತ್‌ ಪ್ರವಹಿಸಿ ಬೋಟ್‌ ಕಾರ್ಮಿಕ ಸಾವು

1-ADDSDASD

ಹಾರನ್ ಹೊಡೆದ ಎಂಬ ಕ್ಷುಲ್ಲಕ ಕಾರಣಕ್ಕೆ ಮನಸೋ ಇಚ್ಛೆ ಚಾಕು ಇರಿತ

tdy-19

2023ರ ದ್ವಿತೀಯ ಪಿಯು ವಾರ್ಷಿಕ ಪರೀಕ್ಷಾ ವೇಳಾಪಟ್ಟಿ ಪ್ರಕಟ

ತೆಕ್ಕಟ್ಟೆ: ರಸ್ತೆ ಬದಿಯ ಹೊಂಡಕ್ಕೆ ಬಿದ್ದ ಈಚರ್‌ ವಾಹನ; ತಪ್ಪಿದ ಭಾರೀ ಅನಾಹುತ

ತೆಕ್ಕಟ್ಟೆ: ರಸ್ತೆ ಬದಿಯ ಹೊಂಡಕ್ಕೆ ಬಿದ್ದ ಈಚರ್‌ ವಾಹನ; ತಪ್ಪಿದ ಭಾರೀ ಅನಾಹುತ

1-daadad

ಸಿನಿಮಾ ರಂಗದಿಂದಲೇ ನಾನು ಚಿರಂಜೀವಿ: ಇಫಿಯಲ್ಲಿ ಚಿರಂಜೀವಿ ಭಾವುಕ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.