ಬುಮ್ರಾ ತರ ಬೌಲಿಂಗ್ ಮಾಡ್ತೀನಿ ಎಂದ ಅಭಿಮಾನಿಗೆ ಐಸಿಸಿ ಅಣಕ
Team Udayavani, Jan 20, 2020, 11:15 AM IST
ಬೆಂಗಳೂರು: ರವಿವಾರ ಚಿನ್ನಸ್ವಾಮಿ ಅಂಗಳದಲ್ಲಿ ನಡೆದ ಆಸೀಸ್ ವಿರುದ್ಧದ ಪಂದ್ಯದ ವೇಳೆ ತಮಾಷೆಯ ಘಟನೆಯೊಂದು ನಡೆದಿದೆ. ಪ್ರೇಕ್ಷಕರೊಬ್ಬರು ತಾನು ಬುಮ್ರಾ ರೀತಿ ಬೌಲಿಂಗ್ ಮಾಡಬಲ್ಲೆ ಎಂಬ ಭಿತ್ತಿಚಿತ್ರ ಹಿಡಿದುಕೊಂಡಿದ್ದರು. ಅದನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್ ಸಮಿತಿಯ ಟ್ವೀಟರ್ ಖಾತೆಯಲ್ಲಿ ಹಾಸ್ಯ ಮಾಡಲಾಗಿದೆ.
ಅಭಿಮಾನಿಯ ಫೋಟೊವನ್ನು ಪೋಸ್ಟ್ ಮಾಡಿದ ಐಸಿಸಿ, ಸುಮ್ಮನೆ ಹೇಳಿದರಾಗದು, ಅದಕ್ಕೆ ಸಾಕ್ಷ್ಯ ತೋರಿಸಿ ಎಂದು ಕೇಳಿದೆ. ಅದಕ್ಕೆ ಸಾಕಷ್ಟು ಪ್ರತಿಕ್ರಿಯೆಗಳು ಬಂದಿದೆ.
ಅಭಿಮಾನಿಯೊಬ್ಬರು, ಮೊದಲು ನಮ್ಮ ಹೊಟ್ಟೆ, ಆಮೇಲೆ ಬುಮ್ರಾ ಹೊಟ್ಟೆಯನ್ನೊಮ್ಮೆ ನೋಡಿ ಕೊಳ್ಳೋಣ ಎಂದು ಅಣಕಿಸಿದ್ದಾರೆ.ಇನ್ನೊಬ್ಬರು ನಾನು ಟಾಮ್ ಕ್ರೂಸ್ ರೀತಿ ಅಭಿನಯಿಸಬಲ್ಲೆ ಎಂದಿದ್ದಾರೆ.
ಆಸೀಸ್ ವಿರುದ್ಧ ನಡೆದ ಪಂದ್ಯದಲ್ಲಿ ಭಾರತ ಭರ್ಜರಿಯಾಗಿ ಜಯಿಸಿದೆ. ಇದರೊಂದಿಗೆ ಮೂರು ಪಂದ್ಯಗಳ ಸರಣಿಯನ್ನು ಭಾರತ 2-1 ಅಂತರದಿಂದ ಜಯಿಸಿದೆ.
We’d like to see video proof ?#INDvAUS pic.twitter.com/Ti3s0OgkXx
— ICC (@ICC) January 19, 2020