ಫೆಡರರ್-ಜೊಕೋವಿಕ್ ಫೈನಲ್ ಕಾದಾಟ
Team Udayavani, Jul 14, 2019, 5:37 AM IST
ಲಂಡನ್: ವಿಂಬಲ್ಡನ್ ಪುರುಷರ ವಿಭಾಗದ ಸಿಂಗಲ್ಸ್ ಫೈನಲ್ ಪಂದ್ಯ ರವಿವಾರ ನಡೆಯಲಿದೆ. ಪ್ರಶಸ್ತಿಗಾಗಿ ಮೂರನೇ ಶ್ರೇಯಾಂಕದ ಸ್ವಿಟ್ಜರ್ಲೆಂಡ್ನ ರೋಜರ್ ಫೆಡರರ್ ಹಾಗೂ ಹಾಲಿ ಚಾಂಪಿಯನ್ ಮತ್ತು ವಿಶ್ವದ ನಂಬರ್ ವನ್ ಖ್ಯಾತಿಯ ಸರ್ಬಿಯಾದ ಜೊಕೋವಿಕ್ ನಡುವೆ ಜಿದ್ದಾಜಿದ್ದಿನ ಹಣಾಹಣಿ ನಡೆಯಲಿದೆ.
ಜೊಕೋವಿಕ್ ಪ್ರಾಬಲ್ಯ
ಫೆಡರರ್ ಹಾಗೂ ಜೊಕೊವಿಕ್ ಇದುವರೆಗೆ ಒಟ್ಟು 47 ಸಲ ಪ್ರಮುಖ ಕೂಟಗಳಲ್ಲಿ ಮುಖಾಮುಖೀಯಾಗಿ ದ್ದಾರೆ. ಇದರಲ್ಲಿ ಜೊಕೊವಿಚ್ 25 ಪಂದ್ಯದಲ್ಲಿ ಗೆಲುವು ಗಳಿಸಿದ್ದರೆ ಫೆಡರರ್ 22 ಪಂದ್ಯದಲ್ಲಿ ಜಯ ಸಾಧಿಸಿದ್ದಾರೆ. ಕಳೆದ 20 ಮುಖಾ ಮುಖೀಯಲ್ಲಿ ಜೊಕೋವಿಕ್ 14ರಲ್ಲಿ ಜಯಭೇರಿ ಬಾರಿಸಿದ್ದಾರೆ. ಜೊಕೊ ಒಟ್ಟಾರೆ 4 ಸಲ ವಿಂಬಲ್ಡನ್ ಸಿಂಗಲ್ಸ್ ಚಾಂಪಿಯನ್ ಆಗಿದ್ದಾರೆ¬. ಒಟ್ಟಾಯಾಗಿ ಇದುವರೆಗೆ 15 ಸಿಂಗಲ್ಸ್ ಗ್ರ್ಯಾನ್ ಸ್ಲಾಮ್ ಪ್ರಶಸ್ತಿ ಗೆದ್ದಿದ್ದಾರೆ.
ಫೆಡರರ್ ಶನಿವಾರ ನಡೆದ ಸೆಮಿ ಫೈನಲ್ನಲ್ಲಿ ಸ್ಪೇನ್ನ ನಡಾಲ್ ಅವರನ್ನು 7-6 (7-3), 1-6, 6-3, 6-4 ಸೆಟ್ಗಳಿಂದ ಉರುಳಿಸಿದ್ದರೆ ಜೊಕೋವಿಕ್ ಕೂಡ ಸ್ಪೇನ್ನ ಬಾಟಿಸ್ಟ ಆಗುಟ್ ಅವರನ್ನು 6-2, 4-6, 6-3, 6-2 ಸೆಟ್ಗಳಿಂದ ಮಣಿಸಿದ್ದರು.
ಫೆಡರರ್ಗೆ ಅನುಭವದ ಬಲ
8 ಸಲ ವಿಂಬಲ್ಡನ್ ಸಿಂಗಲ್ಸ್ ಚಾಂಪಿಯನ್ ಆಗಿರುವ ಫೆಡರರ್ ತಮ್ಮೆಲ್ಲ ಅನುಭವವನ್ನು ಪಣಕ್ಕಿಟ್ಟು ಪಂದ್ಯ ಗೆಲ್ಲಲು ನಿರ್ಧರಿಸಿದ್ದಾರೆ. ಒಟ್ಟಾರೆ 21ನೇ ಸಿಂಗಲ್ಸ್ ಗ್ರ್ಯಾನ್ ಸ್ಲಾಮ್ಗೆ ಪ್ರಶಸ್ತಿ ಮೇಲೆ ಫೆಡರರ್ ಕಣ್ಣಿಟ್ಟಿದ್ದಾರೆ. ಗೆದ್ದರೆ ಪ್ರಶಸ್ತಿ ಗೆದ್ದ ಅತೀ ಹಿರಿಯ ಗ್ರ್ಯಾನ್ ಸ್ಲಾಮ್ ವಿಜೇತರೆಂಬ ಖ್ಯಾತಿ ಪಡೆಯಲಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
OTT: ಸದ್ದಿಲ್ಲದೆ ಓಟಿಟಿಗೆ ಬಂತು ʼಒಂದು ಸರಳ ಪ್ರೇಮಕಥೆ’: ಯಾವುದರಲ್ಲಿ ಸ್ಟ್ರೀಮಿಂಗ್?
Lok Sabha 2024: ಮೇಘಾಲಯದಲ್ಲಿ ಯಾವಾಗ ಜಾನ್ ಎಫ್ ಕೆನಡಿ ಹಿಟ್ಲರ್ ನನ್ನು ಬಂಧಿಸಿದ್ದು!
ನಿರ್ಮಾಪಕನಾದ ರಾಜಮೌಳಿ ಪುತ್ರ: ಎರಡು ಹೊಸ ಸಿನಿಮಾ ಅನೌನ್ಸ್; ಲೀಡ್ ರೋಲ್ ನಲ್ಲಿ ಫಾಫಾ
ಕಾಂಗ್ರೆಸ್ ಸರಕಾರ ಬಂದಾಗಿನಿಂದ ರಾಜ್ಯದಲ್ಲಿ ಹಿಂದೂಗಳಿಗೆ ರಕ್ಷಣೆಯೇ ಇಲ್ಲದಾಗಿದೆ: ಜೋಶಿ
Malpe: ಶ್ರೀ ವಡಭಾಂಡ ಬಲರಾಮ ದೇವಸ್ಥಾನ: ತೋರಣ ಮುಹೂರ್ತ, ಉಗ್ರಾಣ ಮುಹೂರ್ತ ಸಂಪನ್ನ