ಜಪಾನ್ ನಾಕೌಟ್ ಹಾದಿ ದುರ್ಗಮ; ಅನಿರೀಕ್ಷಿತವಾಗಿ ಗೆಲುವು ಸಾಧಿಸಿದ ಕೋಸ್ಟಾರಿಕ
Team Udayavani, Nov 27, 2022, 11:09 PM IST
ಅಲ್ ರಯಾನ್: ವಿಶ್ವಕಪ್ ಫುಟ್ಬಾಲ್ನಲ್ಲಿ ಅನಿರೀಕ್ಷಿತಗಳು ಸಂಭವಿಸಿದರೆ ಅದನ್ನು ಅಚ್ಚರಿ ಅನ್ನುವಂತಹದ್ದಿಲ್ಲ. ಕಾರಣ ಕ್ರಿಕೆಟ್ನಲ್ಲಿ ಟಿ20 ಪಂದ್ಯಗಳು ಹೇಗೋ, ವಿಶ್ವಕಪ್ ಫುಟ್ಬಾಲ್ ಹಾಗೆ. ಅದಕ್ಕೆ ಸ್ಪಷ್ಟ ಸಾಕ್ಷಿ ಭಾನುವಾರದ ಜಪಾನ್-ಕೋಸ್ಟಾರಿಕ ನಡುವಿನ ಪಂದ್ಯ.
ಒಂದೆಡೆ ಬಲಿಷ್ಠ ಜರ್ಮನಿಯನ್ನು 2-1 ಗೋಲುಗಳಿಂದ ಹೊಡೆದುರುಳಿಸಿ ಬಂದಿದ್ದ ಜಪಾನ್, ಇನ್ನೊಂದೆಡೆ ಸ್ಪೇನ್ ಕೈಯಲ್ಲಿ 7-0 ಆಘಾತ ಅನುಭವಿಸಿದ್ದ ಕೋಸ್ಟಾರಿಕ ತಂಡಗಳು “ಅಲ್ ರಯಾನ್ ಸ್ಟೇಡಿಯಂ’ನಲ್ಲಿ ಎದುರಾಗಿದ್ದವು. ನಾಕೌಟ್ ಕನಸಿನಲ್ಲಿ ವಿಹರಿಸುತ್ತಿದ್ದ ಜಪಾನ್ ಇಲ್ಲಿ ನೆಚ್ಚಿನ ತಂಡವಾಗಿತ್ತು. ಆದರೆ ಗೆಲುವಿನ ಫಲಿತಾಂಶ ಕೋಸ್ಟಾರಿಕ ಪರವಾಗಿ ಬಂತು. ಅದು ಏಕೈಕ ಗೋಲಿನ ಅಚ್ಚರಿಯ ಜಯ ಸಾಧಿಸಿ ನಾಕೌಟ್ ರೇಸ್ನಲ್ಲಿ ಉಳಿದುಕೊಂಡಿತು.
ಈ ಪಂದ್ಯ ಗೋಲಿಲ್ಲದೆ ಡ್ರಾಗೊಂಡೀತೆಂಬ ಸಾಧ್ಯತೆಯೇ ಹೆಚ್ಚಿತು. ಡ್ರಾ ಫಲಿತಾಂಶ ದಾಖಲಾದರೂ ಜಪಾನ್ಗೆ ಲಾಭವಾಗುತ್ತಿತ್ತು. ಅದು “ಇ’ ವಿಭಾಗದ ಅಗ್ರಸ್ಥಾನ ಅಲಂಕರಿಸುತ್ತಿತ್ತು. ಆದರೆ 81ನೇ ನಿಮಿಷದಲ್ಲಿ ಬಿರುಗಾಳಿಯಂತೆ ಬಂದ ಕೀಶರ್ ಫುಲ್ಲರ್ ಚೆಂಡನ್ನು ಜಪಾನ್ ಗೋಲುಪೆಟ್ಟಿಗೆಗೆ ರವಾನಿಸಿದರು. ಪಂದ್ಯದ ಫಲಿತಾಂಶ ಕೋಸ್ಟಾರಿಕ ಪರವಾಗಿ ಬರಲು ಈ ಒಂದು ಹೊಡೆತ ಧಾರಾಳವಾಯಿತು.
ಜಪಾನ್ ಬರೋಬ್ಬರಿ 5 ಬದಲಾವಣೆಗಳೊಂದಿಗೆ ಕಣಕ್ಕಿಳಿದಿತ್ತು. ಕೋಚ್ ಹಾಜಿಮ್ ಮೊರಿಯಾಸು ಇಷ್ಟೊಂದು ಪರಿವರ್ತನೆ ಏಕೆ ಮಾಡಿದರೆಂಬುದೇ ಅಚ್ಚರಿಯಾಗಿ ಕಂಡಿತು. ಆದರೆ ಎರಡೇ ಪಂದ್ಯಗಳಲ್ಲಿ ಜಪಾನ್ ತಂಡದ ಎಲ್ಲ 26 ಆಟಗಾರರೂ ವಿಶ್ವಕಪ್ ಆಡಿದ್ದು ಮಾತ್ರ ಸುಳ್ಳಲ್ಲ.
ಜರ್ಮನಿಗೆ ಜೀವದಾನ: ಈ ಜಯದಿಂದ ನಿಜವಾದ ಜೀವದಾನ ಲಭಿಸಿದ್ದು ಜರ್ಮನಿಗೆ. ಅದಿನ್ನೂ ಗೆಲುವಿನ ಖಾತೆ ತೆರೆದಿಲ್ಲ. ಜರ್ಮನ್ ಪಡೆ ತಡರಾತ್ರಿ ಸ್ಪೇನ್ ವಿರುದ್ಧ ಕಣಕ್ಕಿಳಿಯಲಿದ್ದು, ಅಂತಿಮ ಸ್ಥಾನದಿಂದ ಮೇಲೇರಿ ಬರಲು ಹರಸಾಹಸ ಮಾಡಲಿದೆ. ಹಾಗೆಯೇ ಈ ಸೋಲಿನಿಂದ ಜಪಾನ್ ನಾಕೌಟ್ ಹಾದಿಯೂ ದುರ್ಗಮಗೊಂಡಿದೆ. ಅಂತಿಮ ಲೀಗ್ ಪಂದ್ಯದಲ್ಲಿ ಅದು ಸ್ಪೇನ್ ವಿರುದ್ಧ ಆಡಲಿದೆ.
ಫಲಿತಾಂಶ
ಕೋಸ್ಟಾರಿಕ: 01
ಜಪಾನ್: 00
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
ಆನೆಗೊಂದಿ-ಕಡೆಬಾಗಿಲು ಚೆಕ್ ಪೋಸ್ಟ್ ಬಳಿ 32.95 ಲಕ್ಷ ರೂ.ದಾಖಲೆ ಇಲ್ಲದ ಹಣ ವಶಕ್ಕೆ
Ramanagara ಅಪಘಾತ; ವಿದ್ಯಾರ್ಥಿಗಳ ಪ್ರತಿಭಟನೆ
Telangana: ಜಾರ್ಖಂಡ್ ಗವರ್ನರ್ ಗೆ ಹೆಚ್ಚುವರಿ ಹೊಣೆಗಾರಿಕೆ, ತಮಿಳಿಸೈ ರಾಜೀನಾಮೆ ಅಂಗೀಕಾರ
Road mishap: ಆಟೋ ರಿಕ್ಷಾ – ಕಂಟೇನರ್ ಅಪಘಾತ; ಓರ್ವ ಮೃತ್ಯು, ನಾಲ್ವರಿಗೆ ಗಾಯ
ಶ್ರೀ ನಿತ್ಯಾನಂದ ಸ್ವಾಮಿ ಮಂದಿರ ಮಠ; ಧ್ಯಾನ ಮಂದಿರ, ಭೋಜನ ಶಾಲೆ ನಿರ್ಮಾಣ ಕಾಮಗಾರಿಗೆ ಚಾಲನೆ