ಸತತ 21 ಮೇಡನ್ ಓವರ್ ಎಸೆದ ಖ್ಯಾತಿಯ ಬಾಪು ನಾಡಕರ್ಣಿ ನಿಧನ
Team Udayavani, Jan 18, 2020, 4:38 PM IST
ಮುಂಬಯಿ: ಟೆಸ್ಟ್ ಇತಿಹಾಸದಲ್ಲಿ ಸತತ 21 ಮೇಡನ್ ಓವರ್ ಎಸೆದ ಖ್ಯಾತಿಯ ಮಾಜಿ ಆಲ್ರೌಂಡರ್ ಬಾಪು ನಾಡಕರ್ಣಿ (86) ಶುಕ್ರವಾರ ಮುಂಬಯಿಯಲ್ಲಿ ನಿಧನ ಹೊಂದಿದರು.
ನಾಶಿಕ್ನಲ್ಲಿ ಜನಿಸಿದ ನಾಡಕರ್ಣಿ ಎಡಗೈ ಬ್ಯಾಟ್ಸ್ಮನ್ ಹಾಗೂ ಸ್ಪಿನ್ ಬೌಲಿಂಗ್ ಮೂಲಕ ತಮ್ಮ ಛಾಪು ಮೂಡಿಸಿದ್ದರು. 1955-1968ರ ಅವಧಿಯಲ್ಲಿ ಭಾರತವನ್ನು 41 ಟೆಸ್ಟ್ಗಳಲ್ಲಿ ಪ್ರತಿನಿಧಿಸಿದ ಅವರು 1,414 ರನ್ ಜತೆಗೆ 88 ವಿಕೆಟ್ ಉರುಳಿಸಿದ್ದರು. 43ಕ್ಕೆ 6 ವಿಕೆಟ್ ಉರುಳಿಸಿದ್ದು ಅತ್ಯುತ್ತಮ ಸಾಧನೆ.
191 ಪ್ರಥಮ ದರ್ಜೆ ಪಂದ್ಯಗಳಿಂದ 500ಕ್ಕೂ ಹೆಚ್ಚು ವಿಕೆಟ್ ಹಾಗೂ 8,880 ರನ್ ಸಂಪಾದಿಸಿದ ಹೆಗ್ಗಳಿಕೆ ನಾಡಕರ್ಣಿ ಅವರದಾಗಿದೆ. ಸತತ 21 ಓವರ್ ಮೇಡನ್ ಎಸೆದ ಚೆನ್ನೈ ಟೆಸ್ಟ್ ನಲ್ಲಿ ಅವರ ಬೌಲಿಂಗ್ ಫಿಗರ್ ಹೀಗಿತ್ತು: 32-27-5-0.