ಫ್ರೆಂಚ್ ಓಪನ್ ಬ್ಯಾಡ್ಮಿಂಟನ್: ಭಾರತಕ್ಕೆ ಸೋಲಿನ ದಿನ
Team Udayavani, Oct 23, 2019, 11:35 PM IST
ಪ್ಯಾರಿಸ್: ಫ್ರೆಂಚ್ ಓಪನ್ ಬ್ಯಾಡ್ಮಿಂಟನ್ನಲ್ಲಿ ಬುಧವಾರ ಭಾರತಕ್ಕೆ ಸೋಲಿನ ದಿನವಾಗಿ ಪರಿಣಮಿಸಿದೆ. ಪುರುಷರ ಸಿಂಗಲ್ಸ್ ವಿಭಾಗದ ಮೊದಲ ಸುತ್ತಿನಲ್ಲೇ ಕೆ. ಶ್ರೀಕಾಂತ್, ಪಿ. ಕಶ್ಯಪ್, ಸಮೀರ್ ವರ್ಮ ಎಡವಿದರು. ಮಿಕ್ಸೆಡ್ ಡಬಲ್ಸ್ನಲ್ಲಿ ಸಾತ್ವಿಕ್ ಸಾಯಿರಾಜ್ ರಾಂಕಿರೆಡ್ಡಿ-ಅಶ್ವಿನಿ ಪೊನ್ನಪ್ಪ, ಪ್ರಣವ್ ಜೆರ್ರಿ ಚೋಪ್ರಾ-ಎನ್. ಸಿಕ್ಕಿ ರೆಡ್ಡಿ ಕೂಡ ಪರಾಭವಗೊಂಡರು.
ಕೆ. ಶ್ರೀಕಾಂತ್ ಅವರನ್ನು ಚೈನೀಸ್ ತೈಪೆಯ ಚೊ ಟೀನ್ ಚೆನ್ 15-21, 21-7, 21-14ರಿಂದ ಮಣಿಸಿದರು. ಪಿ. ಕಶ್ಯಪ್ ಅವರನ್ನು ಹಾಂಕಾಂಗ್ನ ಎನ್ಜಿಕಾ ಲಾಂಗ್ ಆ್ಯಂಗಸ್ 21-11, 21-9ರಿಂದ ಹಿಮ್ಮೆಟ್ಟಿಸಿದರು. ಸಮೀರ್ ವರ್ಮ 20-22, 21-18, 21-18ರಿಂದ ಜಪಾನಿನ ಕೆಂಟ ನಿಶಿಮೊಟೊ ಅವರಿಗೆ ಶರಣಾದರು. ಸೈನಾ ನೆಹ್ವಾಲ್ ಪಂದ್ಯ ತಡರಾತ್ರಿ ನಡೆಯಲಿದೆ.