ಯುಪಿ ಯೋಧಾಗೆ ಶರಣಾದ ಗುಜರಾತ್‌

ತಮಿಳ್‌ ವಿರುದ್ಧ ಪಾಟ್ನಾಕ್ಕೆ 51-25 ಭರ್ಜರಿ ಗೆಲುವು

Team Udayavani, Sep 10, 2019, 11:30 PM IST

ಕೋಲ್ಕತಾ: ಪ್ರೊ ಕಬಡ್ಡಿ ಕೋಲ್ಕತಾ ಚರಣದ ಸೋಮವಾರದ ಪಂದ್ಯದಲ್ಲಿ ಯುಪಿ ಯೋಧಾ ತಂಡ 33-26 ಅಂಕಗಳಿಂದ ಗುಜರಾತ್‌ ಫಾರ್ಚೂನ್‌ ಜೈಂಟ್ಸ್‌ ತಂಡವನ್ನು ಸೋಲಿಸಿದೆ. ಈ ಗೆಲುವಿನೊಂದಿಗೆ ಯುಪಿ ಪರಿಸ್ಥಿತಿ ತುಸು ಸುಧಾರಿಸಿದೆ. ಪ್ಲೇ-ಆಫ್ ಪೈಪೋಟಿಯಲ್ಲಿ ಅದು ತನ್ನ ಸ್ಥಾನವನ್ನು ಗಟ್ಟಿ ಮಾಡಿಕೊಂಡಿದೆ (42 ಅಂಕ). ಪರಾಜಿತ ಗುಜರಾತ್‌ ತಂಡದ ಪರಿಸ್ಥಿತಿ ಇನ್ನಷ್ಟು ಇಕ್ಕಟ್ಟಿಗೆ ಸಿಲುಕಿದ್ದು, ಪ್ಲೇ-ಆಫ್ ಸಾಧ್ಯತೆ ಕ್ಷೀಣಿಸಿದೆ (34 ಅಂಕ).

ದಿನದ ದ್ವಿತೀಯ ಪಂದ್ಯದಲ್ಲಿ ಪಾಟ್ನಾ ಪೈರೇಟ್ಸ್‌ ತಂಡ 51-25 ಭರ್ಜರಿ ಅಂತರದಿಂದ ತಮಿಳ್‌ ತಲೈವಾಸ್‌ ತಂಡವನ್ನು ಮಣಿಸಿತು. ಆದರೆ ಕೊನೆಯ 2 ಸ್ಥಾನದಲ್ಲಿರುವ ಈ ಎರಡೂ ತಂಡಗಳಿಗೆ ಪ್ಲೇ-ಆಫ್ ಪ್ರವೇಶ ಬಹುತೇಕ ಮುಚ್ಚಿದೆ.

ಯುಪಿ ಮೇಲುಗೈ
ಗುಜರಾತ್‌ ವಿರುದ್ಧ ಯುಪಿ ಮೊದಲಿನಿಂದಲೇ ಮೇಲುಗೈ ಸಾಧಿಸುತ್ತ ಬಂತು. ಗುಜರಾತ್‌ ಸಂಘಟಿತ ಹೋರಾಟದದಲ್ಲಿ ತೀವ್ರ ಹಿನ್ನಡೆ ಕಂಡಿತು. ದಾಳಿ ವಿಭಾಗದಲ್ಲಿ ಸಚಿನ್‌ ಏಕಾಂಗಿಯಾಗಿ ಹೋರಾಟ ನಡೆಸಿದರು. ಅವರು 11 ಬಾರಿ ಎದುರಾಳಿ ಕೋಟೆಯೊಳಗೆ ನುಗ್ಗಿ 10 ಅಂಕ ಗಳಿಸಿದರು. ಸುನೀಲ್‌ ಕುಮಾರ್‌ ಎಲ್ಲ ವಿಭಾಗಗಳಲ್ಲೂ ಅತ್ಯುತ್ತಮ ಆಟವಾಡಿದರು. ಅವರು 6 ಬಾರಿ ದಾಳಿ ನಡೆಸಿ, 7 ಅಂಕ ಗಳಿಸಿದರು. ಆದರೆ ಇವರಿಗೆ ಬೇರೆ ಆಟಗಾರರ ನೆರವು ಲಭಿಸದ ಕಾರಣ ತಂಡ ಸೋಲು ಕಾಣಬೇಕಾಯಿತು.

ವಿಜೇತ ಯುಪಿ ಪರ ಶ್ರೀಕಾಂತ್‌ ಜಾಧವ್‌ ಉತ್ತಮ ದಾಳಿ ನಡೆಸಿದರು. ಅವರು 13 ಯತ್ನಗಳಲ್ಲಿ 6 ಅಂಕ ತಂದು ಕೊಟ್ಟರು. ರಕ್ಷಣೆಯಲ್ಲಿ ಸುಮಿತ್‌ ಯಶಸ್ವಿ ಪ್ರದರ್ಶನ ನೀಡಿದರು. ಇವರು 8 ಯತ್ನಗಳಲ್ಲಿ 5 ಅಂಕ ಗಳಿಸಿದರು. ತಂಡದ ಸಂಘಟಿತ ಆಟ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿತು.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ