ಹಾಕಿ: ಪಾಕಿಸ್ಥಾನಕ್ಕೆ ಒಲಿಂಪಿಕ್ಸ್ ಟಿಕೆಟ್ ಇಲ್ಲ
Team Udayavani, Oct 29, 2019, 5:29 AM IST
ಆ್ಯಮ್ಸ್ಟರ್ಡಮ್ (ನೆದರ್ಲೆಂಡ್ಸ್): ಮೂರು ಬಾರಿಯ ಒಲಿಂಪಿಕ್ ಹಾಕಿ ಚಾಂಪಿಯನ್ ಪಾಕಿಸ್ಥಾನ ಈ ಬಾರಿ ವಿಶ್ವದ ಮಹೋನ್ನತ ಕ್ರೀಡಾಕೂಟಕ್ಕೆ ಅರ್ಹತೆ ಪಡೆಯಲು ವಿಫಲವಾಗಿದೆ. ಮುಂದಿನ ವರ್ಷದ ಟೋಕಿಯೊ ಒಲಿಂಪಿಕ್ಸ್ನಿಂದ ಹೊರಗುಳಿಯಲಿದೆ.
ಆತಿಥೇಯ ನೆದರ್ಲೆಂಡ್ಸ್ ಎದುರಿನ ಸೋಮವಾರದ ಅರ್ಹತಾ ಸುತ್ತಿನ ಪಂದ್ಯದಲ್ಲಿ 6-1 ಅಂತರದ ಆಘಾತಕಾರಿ ಸೋಲನುಭವಿಸುವ ಮೂಲಕ ಪಾಕಿಸ್ಥಾನ ಒಲಿಂಪಿಕ್ಸ್ ರೇಸ್ನಿಂದ ಹೊರಬಿತ್ತು. ಆತಿಥೇಯರ ನಾಲ್ಕೂ ಗೋಲುಗಳು ಮೊದಲೆರಡು ಕ್ವಾರ್ಟರ್ಗಳಲ್ಲೇ ದಾಖಲಾಗಿದ್ದವು. ಪಾಕಿಸ್ಥಾನದ ಏಕೈಕ ಗೋಲನ್ನು 53ನೇ ನಿಮಿಷದಲ್ಲಿ ರಿಜ್ವಾನ್ ಅಲಿ ಹೊಡೆದರು.
ಶನಿವಾರದ ಮೊದಲ ಪಂದ್ಯ 4-4ರಿಂದ ಡ್ರಾ ಆಗಿತ್ತು. ರವಿವಾರದ ಮುಖಾಮುಖೀಯಲ್ಲಿ ಡಚ್ಚರು 10-5ರಿಂದ ಪಾಕಿಗೆ ಆಘಾತವಿಕ್ಕಿದರು.
ಪಾಕಿಸ್ಥಾನ 1960, 1968 ಮತ್ತು 1984ರಲ್ಲಿ ಒಲಿಂಪಿಕ್ ಚಾಂಪಿಯನ್ ಆಗಿತ್ತು. 1992ರಲ್ಲಿ ಕಂಚು ಗೆದ್ದ ಬಳಿಕ ಪಾಕಿಗೆ ಯಾವುದೇ ಒಲಿಂಪಿಕ್ ಪದಕ ಲಭಿಸಿಲ್ಲ.