ತಾನೀಗ ಸಂಪೂರ್ಣ ಫಿಟ್; ಸ್ಪರ್ಧೆಗೂ ತಯಾರಾಗಿದ್ದೇನೆ: ಪಿ.ವಿ. ಸಿಂಧು
Team Udayavani, Nov 6, 2020, 6:29 PM IST
ಹೈದರಾಬಾದ್: ಕಳೆದ ವಾರವಷ್ಟೇ “ನಾನು ನಿವೃತ್ತಿಯಾಗುತ್ತಿದ್ದೇನೆ’ (ಐ ರಿಟೈರ್ಡ್) ಎಂದು ಶಟ್ಲರ್ ಪಿ.ವಿ. ಸಿಂಧು ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಮಾಡಿ ದೇಶದ ಕ್ರೀಡಾಪ್ರೇಮಿಗಳನ್ನು ಅಚ್ಚರಿ ಹಾಗೂ ಆಘಾತದಲ್ಲಿ ಕೆಡವಿದ್ದರು. ಇದೀಗ ಶುಕ್ರವಾರ ಹೇಳಿಕೆಯೊಂದನ್ನು ನೀಡಿದ ಸಿಂಧು, ತಾನೀಗ ಸಂಪೂರ್ಣ ಫಿಟ್ ಆಗಿದ್ದೇನೆ. ಆರೋಗ್ಯ ವಿಚಾರದಲ್ಲಷ್ಟೇ ಅಲ್ಲ, ಸ್ಪರ್ಧೆಗೂ ತಯಾರಾಗಿದ್ದೇನೆ ಎಂದಿದ್ದಾರೆ.
“ಕೋವಿಡ್ ಸೋಂಕಿನ ಕಾಲಘಟ್ಟ ನನ್ನ ಕಣ್ಣು ತೆರೆಸಿದೆ. ನಮ್ಮ ದೈನಂದಿನ ದಿನಚರಿಯನ್ನು ಏಕಾಏಕಿ ನಿಲ್ಲಿಸಬೇಕಾದ ಸಂದರ್ಭ ಬಂದಾಗ ತುಂಬ ಕಷ್ಟವಾಗಿತ್ತು. ಎಲ್ಲದಕ್ಕೂ ಬಿಡುವು ನೀಡಿ ನಮ್ಮ ಬಗ್ಗೆ ನಾವು ಜಾಗರೂಕತೆ ವಹಿಸುವುದು ಎಷ್ಟು ಮುಖ್ಯ ಎನ್ನುವುದು ನನಗೆ ಅರ್ಥವಾದದ್ದೇ ಈ ಸಮಯದಲ್ಲಿ. ನಾನೀಗ ಸಂಪೂರ್ಣ ಫಿಟ್ ಆಗಿದ್ದು, ಬ್ಯಾಡ್ಮಿಂಟನ್ ಅಂಕಣಕ್ಕೆ ಮರಳುವ ತವಕದಲ್ಲಿದ್ದೇನೆ. ಜತೆಗೆ ನಿರಂತರ ಅಭ್ಯಾಸ ನಡೆಸುವ ಮೂಲಕ ಮುಂದಿನ ಕೂಟಗಳಿಗೆ ಸಜ್ಜಾಗುತ್ತಿದ್ದೇನೆ. ಏಶ್ಯದ ಟೂರ್ನ್ಮೆಂಟ್ಗಳನ್ನು ನಾನೀಗ ಎದುರು ನೋಡುತ್ತಿದ್ದೇನೆ’ ಎಂಬುದಾಗಿ ಸಿಂಧು ಹೇಳಿದ್ದಾರೆ.