ಲಂಕಾ ವಿರುದ್ಧ ಗೆದ್ದು ಅಜೇಯ ಲೀಗ್ ಪಯಣ ಮುಗಿಸಿದ ಭಾರತೀಯ ಮಹಿಳೆಯರು
Team Udayavani, Feb 29, 2020, 12:23 PM IST
ಮೆಲ್ಬರ್ನ್: ಐಸಿಸಿ ಮಹಿಳಾ ಟಿ20 ವಿಶ್ವಕಪ್ ನ ಶ್ರೀಲಂಕಾ ವಿರುದ್ಧದ ಲೀಗ್ ಪಂದ್ಯವನ್ನು 7 ವಿಕೆಟ್ ಗಳಿಂದ ಭರ್ಜರಿಯಾಗಿ ಗೆಲ್ಲುವ ಮೂಲಕ ಭಾರತದ ಮಹಿಳೆಯರು ಅಜೇಯವಾಗಿ ಸೆಮಿಫೈನಲ್ ಪ್ರವೇಶಿಸಿದ್ದಾರೆ.
ಗೆಲ್ಲಲು 114 ರನ್ ಗಳ ಗುರಿಯನ್ನು ಪಡೆದ ಹರ್ಮನ್ ಪ್ರೀತ್ ಕೌರ್ ಪಡೆ ಶೆಫಾಲಿ ಶರ್ಮಾ (47) ಅವರ ಉತ್ತಮ ಬ್ಯಾಟಿಂಗ್ ನೆರವಿನಿಂದ ಈ ಗುರಿಯನ್ನು ಕೇವಲ 3 ವಿಕೆಟ್ ಗಳನ್ನು ಕಳೆದುಕೊಂಡು 14.4 ಓವರ್ ಗಳಲ್ಲೇ ತಲುಪಿ ಗೆಲುವಿನ ನಗುವನ್ನು ಬೀರಿತು.
ಮೊದಲು ಬ್ಯಾಟಿಂಗ್ ಮಾಡಿದ ಶ್ರೀಲಂಕಾ ಮಹಿಳಾ ಕ್ರಿಕೆಟ್ ಆಟಗಾರರು ನಿಗದಿತ 20 ಓವರ್ ಗಳಲ್ಲಿ 9 ವಿಕೆಟ್ ಗಳನ್ನು ಕಳೆದುಕೊಂಡು 113 ರನ್ ಗಳಿಸಿದರು. 33 ರನ್ ಗಳಿಸಿದ ಚಾಮರಿ ಅಟ್ಟಪಟ್ಟು ಅವರದ್ದೇ ಲಂಕಾ ಪರ ಗರಿಷ್ಠ ಗಳಿಕೆ. ಟೈಲ್ ಎಂಡ್ ನಲ್ಲಿ ಕವಿಶಾ ದಿಲ್ಹಾರಿ 16 ಎಸೆತಗಳಲ್ಲಿ 25 ರನ್ ಬಾರಿಸಿದರು.