ವೇಟ್ಲಿಫ್ಟಿಂಗ್ನಲ್ಲಿ ಭಾರತ ಬಲಾಡ್ಯ:ರಿಜಿಜು
Team Udayavani, Jul 17, 2019, 5:20 AM IST
ಹೊಸದಿಲ್ಲಿ: ವೇಟ್ಲಿಫ್ಟಿಂಗ್ನಲ್ಲಿ ಚೀನ ಮತ್ತು ಉತ್ತರ ಕೊರಿಯಕ್ಕೆ ಸಡ್ಡು ಹೊಡೆಯುವಷ್ಟು ಬಲಾಢ್ಯವಾಗುವ ಸಾಮರ್ಥ್ಯ ಭಾರತಕ್ಕಿದೆ ಎಂದು ಕೇಂದ್ರ ಕ್ರೀಡಾ ಸಚಿವ ಕಿರಣ್ ರಿಜಿಜು ಹೇಳಿದ್ದಾರೆ.
ಸಮೋವದ ಅಪಿಯಾದಲ್ಲಿ ನಡೆದ ಕಾಮನ್ವೆಲ್ತ್ ಚಾಂಪಿಯನ್ಶಿಪ್ನಲ್ಲಿ ಭಾಗವಹಿಸಿ ವಾಪಸಾದ ತಂಡವನ್ನು ಸ್ವಾಗತಿಸುವ ವೇಳೆ ಸಚಿವರು ಭಾರತದ ಕ್ರೀಡಾಪಟುಗಳ ನಿರ್ದಿಷ್ಟವಾಗಿ ವೇಟ್ಲಿಫ್ಟರ್ಗಳ ಸಾಧನೆಯನ್ನು ಶ್ಲಾ ಸಿದ್ದು, ವೇಟ್ಲಿಫ್ಟಿಂಗ್ನ ಬಲಾಡ್ಯ ದೇಶವಾಗುವ ಸಾಮರ್ಥ್ಯ ನಮಗಿದೆ ಎಂದಿದ್ದಾರೆ.
ಕಾಮನ್ವೆಲ್ತ್ ಚಾಂಪಿಯನ್ಶಿಪ್ನ ಯುವ, ಕಿರಿಯ ಮತ್ತು ಹಿರಿಯ ವಿಭಾಗದಲ್ಲಿ ಭಾರತ ಹಲವು ರಾಷ್ಟ್ರೀಯ, ಕಾಮನ್ವೆಲ್ತ್ ವಿಶ್ವ ಮತ್ತು ಏಶ್ಯಾ ಮಟ್ಟದ ದಾಖಲೆಗಳನ್ನು ಮಾಡಿರುವುದಲ್ಲದೆ ಒಟ್ಟು 35 ಪದಕಗಳನ್ನು ಗೆಲ್ಲುವ ಮೂಲಕ ಅತ್ಯುತ್ತಮ ಸಾಧನೆ ಮಾಡಿದೆ. ಈ 37 ಕ್ರೀಡಾಪಟುಗಳನ್ನು ರಿಜಿಜು ಅಭಿನಂದಿಸಿದ್ದಾರೆ.