ಏಶ್ಯನ್ ಆ್ಯತ್ಲೆಟಿಕ್ಸ್ಗೆ ಭಾರತ ತಂಡ
Team Udayavani, Apr 19, 2019, 6:00 AM IST
ಹೊಸದಿಲ್ಲಿ: ದೋಹಾದಲ್ಲಿ ಮುಂದಿನ ವಾರ ಆರಂಭವಾಗಲಿರುವ “ಏಶ್ಯನ್ ಆ್ಯತ್ಲೆಟಿಕ್ಸ್ ಚಾಂಪಿಯನ್ಶಿಪ್’ ಕೂಟಕ್ಕಾಗಿ 43 ಕ್ರೀಡಾಳುಗಳ ಭಾರತ ತಂಡ ಪ್ರಕಟವಾಗಿದೆ.
ಎಪ್ರಿಲ್ 21ರಿಂದ ಈ ಕೂಟ ಆರಂಭವಾಗಲಿದ್ದು, ಇತ್ತೀಚೆಗಷ್ಟೇ ಉದ್ದೀಪನಾ ನಿಷೇಧದಿಂದ ಹೊರ ಬಂದಿರುವ ಜಾವೆಲಿನ್ ತ್ರೋವರ್ ದವೀಂದರ್ ಸಿಂಗ್ ಕಾಂಗ್ ಈ ತಂಡದಲ್ಲಿ ಸ್ಥಾನ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. 2017ರಲ್ಲಿ ಉದ್ದೀಪನಾ ಪರೀಕ್ಷೆಯಲ್ಲಿ ಅವರು ಅನುತೀರ್ಣರಾಗಿದ್ದರು.
43 ಕ್ರೀಡಾಪಟುಗಳ ತಂಡದಲ್ಲಿ ಭಾರತದ ಸ್ಟಾರ್ ಜಾವೆಲಿನ್ ತ್ರೋವರ್ ನೀರಜ್ ಜೋಪ್ರಾ ಹೆಸರಿಲ್ಲ. ಮೊಣಕೈ ನೋವಿನಿಂದ ಬಳಲುತ್ತಿರುವ ನೀರಜ್ ಈ ಕೂಟದಲ್ಲಿ ಭಾಗವಹಿಸದಿರಲು ನಿರ್ಧರಿಸಿದ್ದಾರೆ. ಉಳಿದಂತೆ ಮೊಹಮ್ಮದ್ ಅಫಾÕಲ್, ಜಿನ್ಸನ್ ಜಾನ್ಸನ್, ವನಿತೆಯರ 10, 000 ಮೀ ಓಟಗಾರ್ತಿ ಸಂಜೀವಿನಿ ಜಾಧವ್, ದ್ಯುತಿ ಚಂದ್, ಸ್ಟಿಪಲ್ಚೇಸರ್ ಸುಧಾ ಸಿಂಗ್ ತಂಡದಲ್ಲಿದ್ದಾರೆ.