ನಾಗ್ಪುರ 2ನೇ ಏಕದಿನ ಪಂದ್ಯ:ಆಸೀಸ್ ವಿರುದ್ಧ ಭಾರತಕ್ಕೆ ರೋಚಕ ಗೆಲುವು
Team Udayavani, Mar 5, 2019, 4:03 PM IST
ನಾಗ್ಪುರ: ಮಂಗಳವಾರ ನಡೆದ ಏಕದಿನ ಸರಣಿಯ 2ನೇ ರೋಚಕ ಪಂದ್ಯದಲ್ಲಿ ಪ್ರವಾಸಿ ಆಸೀಸ್ ವಿರುದ್ಧ ಭಾರತ ಕೊನೆಯ ಓವರ್ನಲ್ಲಿ ರೋಚಕ ಗೆಲುವು ಸಾಧಿಸಿದೆ. ಈ ಮೂಲಕ ಸರಣಿಯಲ್ಲಿ 2-0 ಮುನ್ನಡೆ ಸಾಧಿಸಿದೆ.
ಭಾರತದ 251 ರನ್ಗಳ ಗುರಿ ಬೆನ್ನಟ್ಟಿದ ಆಸ್ಟ್ರೇಲಿಯಾ 49.3 ಓವರ್ಗಳಲ್ಲಿ 242 ರನ್ಗಳಿಸಿ ತನ್ನೆಲ್ಲಾ ವಿಕೆಟ್ ಕಳೆದುಕೊಂಡು ಸೋಲನ್ನು ಒಪ್ಪಿತು.
ಕೊನೆಯ ಓವರ್ನಲ್ಲಿ 6 ಎಸೆತದಲ್ಲಿ 11 ರನ್ ಅಗತ್ಯವಿತ್ತು. ಕೊನೆಯ ಓವರ್ ಎಸೆದ ವಿಜಯ್ ಶಂಕರ್ 52ರನ್ಗಳಿಸಿದ್ದ ಸ್ಟೋಯ್ನಿಸ್ ಅವರನ್ನು ಎಲ್ಬಿಡಬ್ಲ್ಯೂ ಮೂಲಕ ಪೆವಿಲಿಯನ್ಗೆ ಕಳುಹಿಸಿ ಆಸೀಸ್ಗೆ ಭಾರೀ ಅಘಾತ ನೀಡಿದರು. ಮೂರನೇ ಎಸೆತದಲ್ಲಿ ಝಂಪಾ ಅವರನ್ನು ಕ್ಲೀನ್ ಬೌಲ್ಡ್ ಮಾಡುವ ಮೂಲಕ ತಂಡಕ್ಕೆ ಜಯ ತಂದಿಟ್ಟರು.
ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ಭಾರತ ನಾಯಕ ವಿರಾಟ್ ಕೊಹ್ಲಿ ಅವರ ಭರ್ಜರಿ ಶತಕದ ನೆರವಿನಿಂದ 250 ರನ್ಗಳನ್ನು ಗಳಿಸಿತ್ತು. 48.2 ಒವರ್ಗಳಲ್ಲಿ ಎಲ್ಲಾ ವಿಕೆಟ್ಗಳನ್ನು ಭಾರತ ತಂಡ ಕಳೆದುಕೊಂಡಿತ್ತು.