ದಕ್ಷಿಣ ಆಫ್ರಿಕಾ ವಿರುದ್ದದ ಸರಣಿ ಗೆದ್ದ ವಿರಾಟ್ ಪಡೆ
Team Udayavani, Oct 13, 2019, 3:05 PM IST
ಪುಣೆ: ದ್ವಿತೀಯ ಟೆಸ್ಟ್ ಪಂದ್ಯದಲ್ಲಿ ಇನ್ನಿಂಗ್ಸ್ ಮತ್ತು 137 ರನ್ ಗಳ ಅಂತರದಿಣದ ಗೆದ್ದ ಭಾರತ ಸರಣಿಯನ್ನು 2-0 ಅಂತರದಿಂದ ಗೆದ್ದುಕೊಂಡಿದೆ.
ಮೊದಲ ಇನ್ನಿಂಗ್ಸ್ ನಲ್ಲಿ 326ರನ್ ಗಳ ಬೃಹತ್ ಲೀಡ್ ಪಡೆದಿದ್ದ ಭಾರತ ಮತ್ತೆ ದಕ್ಷಿಣ ಆಫ್ರಿಕಾವನ್ನು ಬ್ಯಾಟಿಂಗ್ ಗೆ ಇಳಿಸಿತು. ಫಾಲೋ ಆನ್ ಪಡೆದ ಹರಿಣಗಳು ಮತ್ತೆ ಬ್ಯಾಟಿಂಗ್ ವೈಫಲ್ಯ ಅನುಭವಿಸಿದರು.
ಡೀನ್ ಎಲ್ಗರ್ 48 ರನ್, ತೆಂಬ ಬವುಮ 38 ರನ್ ಮತ್ತು ವೆರ್ನಾನ್ ಫಿಲಾಂಡರ್ 37 ರನ್ ಗಳಿಸಿದ್ದಷ್ಟೇ ಹರಿಣಗಳ ಸಾಧನೆಯಾಯಿತು. ಅಂತಿಮವಾಗಿ 189 ರನ್ ಗಳಿಗೆ ತನ್ನೆಲ್ಲಾ ವಿಕೆಟ್ ಕಳೆದುಕೊಂಡರು.
ಭಾರತದ ಪರ ಉಮೇಶ್ ಯಾದವ್ ಮತ್ತು ರವೀಂದ್ರ ಜಡೇಜಾ ತಲಾ ಮೂರು ವಿಕೆಟ್ ಪಡೆದರೆ, ಅಶ್ವಿನ್ ಎರಡು ವಿಕೆಟ್ ಕಬಳಿಸಿದರು. ತಲಾ ಒಂದು ವಿಕೆಟ್ ಶಮಿ ಮತ್ತು ಇಶಾಂತ್ ಪಾಲಾಯಿತು.
2010 ರ ನಂತರ ದಕ್ಷಿಣ ಆಫ್ರಿಕಾ ಮೊದಲ ಬಾರಿಗೆ ಭಾರತದೆದುರು ಇನ್ನಿಂಗ್ಸ್ ಅಂತರದಿಂದ ಸೋಲನುಭವಿಸಿತು.
ಸಂಕ್ಷಿಪ್ತ ಸ್ಕೋರ್:
ಭಾರತ: 601-5 ಡಿಕ್ಲೆರ್
ದ.ಆಫ್ರಿಕಾ: 275 ಮತ್ತು 189