ಮಹಿಳಾ ಟಿ20: ಸೋತರೂ ಸರಣಿ ಗೆದ್ದ ಭಾರತ “ಎ’
Team Udayavani, Dec 17, 2017, 7:30 AM IST
ಬೆಳಗಾವಿ: ಕೊನೆ ಕ್ಷಣದಲ್ಲಿ ಭಾರತ ಆಟಗಾರ್ತಿಯರು ಹ್ಯಾಟ್ರಿಕ್ ರನೌಟ್ ಆಗುವ ಮೂಲಕ ಅಂತಿಮ ಟಿ20 ಪಂದ್ಯದಲ್ಲಿ ಬಾಂಗ್ಲಾ ವಿರುದ್ಧ ಭಾರತ 39 ರನ್ ಸೋಲು ಅನುಭವಿಸಿದೆ. ಸೋತರೂ ಮೊದಲೆರಡು ಪಂದ್ಯ ಗೆದ್ದಿದ್ದರಿಂದ ಭಾರತ 2-1ರಿಂದ ಸರಣಿ ಗೆದ್ದಿತು.
ಇಲ್ಲಿನ ಆಟೋ ನಗರದ ಕೆಎಸ್ಸಿಎ ಮೈದಾನದಲ್ಲಿ ಶನಿವಾರ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಬಾಂಗ್ಲಾ 20 ಓವರ್ಗೆ 7 ವಿಕೆಟ್ಗೆ 112 ರನ್ ಪೇರಿಸಿತು. ಈ ಗುರಿ ಬೆನ್ನಟ್ಟಿದ ಭಾರತದ ಆಟಗಾರ್ತಿಯರು ಸತತ ವಿಕೆಟ್ ಕಳೆದುಕೊಂಡರು. ಅಂತಿಮವಾಗಿ 8 ವಿಕೆಟ್ ನಷ್ಟಕ್ಕೆ 73 ರನ್ಗಳಿಸಿ ಸೋಲು ಅನುಭವಿಸಿತು.
ಹ್ಯಾಟ್ರಿಕ್ ರನೌಟ್ ಪಂದ್ಯದ ತಿರುವು: 9.1ನೇ ಓವರ್ನಲ್ಲಿ ಸ್ವಾಗತಿಕಾ ರಥ, 9.2ಕ್ಕೆ ಎ.ಎ. ಪಾಟೀಲ್ ಹಾಗೂ 9.3 ಓವರ್ಗೆ ತನಿಯಾ ಭಾಟಿಯಾ ರನೌಟ್ ಆದರು. ಈ ಮೂವರು ಆಟಗಾರ್ತಿಯರು ಎರಡಂಕಿ ರನ್ ಗಳಿಸಿದ್ದು ಬಿಟ್ಟರೆ 7 ಆಟಗಾರ್ತಿಯರು ಒಂದಂಕಿ ದಾಟಲೂ ಹೆಣಗಾಡಿದರು.
ಇದಕ್ಕೂ ಮೊದಲು ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಬಾಂಗ್ಲಾದ ರುಮಾನಾ ಅಹ್ಮದ್ ಭರ್ಜರಿ 46 ರನ್ ಗಳಿಸಿ ತಂಡಕ್ಕೆ ಅಸರೆಯಾಗಿ ನಿಂತರು. ಆರಂಭಿಕ ಆಟಗಾರರಾದ ಸರ್ಮಿನ್ ಸುಲ್ತಾನ ಹಾಗೂ ಮುರ್ಶಿದಾ ಖತಾನ್ ಕ್ರಮವಾಗಿ 10, 12 ರನ್ ಗಳಿಸಿ ಔಟಾದರು. ಸಲ್ಮಾ ಖತುನ್ 21 ರನ್ ಗಳಿಸಿದರು. ಭಾರತ ತಂಡದ ನಾಯಕಿ ಎ.ಎ.ಪಾಟೀಲ ಹಾಗೂ ಟಿ.ಪಿ. ಕುನ್ವೇರ್ ತಲಾ 2 ವಿಕೆಟ್ ಕಬಳಿಸಿದರು.
ಸಂಕ್ಷಿಪ್ತ ಸ್ಕೋರ್: ಬಾಂಗ್ಲಾ ಎ 20 ಓವರ್ 112/7 (ರುಮಾನಾ ಅಹ್ಮದ್ 46, ಸಲ್ಮಾ 21, ಎ.ಎ. ಪಾಟೀಲ 17ಕ್ಕೆ 2) ಭಾರತ ಎ ತಂಡ 20 ಓವರ್ಗೆ 73/8 (ರಮ್ಯಾ 19, ತರನ್ನುಮ್ ಪಠಾಣ್ 15, ನಹೀದಾ ಅಖ್ತರ್ 14ಕ್ಕೆ 2)
– ಭೈರೋಬಾ ಕಾಂಬಳೆ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
T20 WC; ‘ಎಲ್ಲವೂ ಸುಳ್ಳು…’: ತಂಡದ ಆಯ್ಕೆ ಬಗ್ಗೆ ಮಹತ್ವದ ಅಪ್ಡೇಟ್ ನೀಡಿದ ರೋಹಿತ್ ಶರ್ಮಾ
CSK; ಐಪಿಎಲ್ ನಿಂದ ಹೊರಬಿದ್ದ ಕಾನ್ವೆ; ಚೆನ್ನೈ ಪಾಳಯಕ್ಕೆ ಇಂಗ್ಲೆಂಡ್ ವೇಗಿ ಸೇರ್ಪಡೆ
IPL 2024; ಧೋನಿ ಐಪಿಎಲ್ ಭವಿಷ್ಯದ ಬಗ್ಗೆ ಮಹತ್ವದ ಹೇಳಿಕೆ ನೀಡಿದ ಸುರೇಶ್ ರೈನಾ
T20 World Cup; ರೋಹಿತ್, ವಿರಾಟ್ ಆರಂಭಿಕರು? ಅಚ್ಚರಿಯ ಮುಖಗಳಿಲ್ಲ?
IPL; ಪಂಜಾಬ್ ಕಿಂಗ್ಸ್-ಮುಂಬೈ ಇಂಡಿಯನ್ಸ್ : ಒಂದೇ ದೋಣಿಯ ಪಯಣಿಗರು