ಗೋಲ್ಡ್ ಕೋಸ್ಟ್: ಭಾರತೀಯ ಶೂಟರ್ ತಂದೆಗೆ ಎಚ್ಚರಿಕೆ
Team Udayavani, Apr 11, 2018, 7:00 AM IST
ಗೋಲ್ಡ್ ಕೋಸ್ಟ್: ಗೇಮ್ಸ್ಗೆ ಸ್ಪರ್ಧಿಗಳ ಜತೆಗೆ ಪೋಷಕರಿಗೆ ತೆರಳಲು ಸರಕಾರ ಅವಕಾಶ ನೀಡಿರಲಿಲ್ಲ. ಈ ಬೆನ್ನಲ್ಲೇ ಮಹಿಳಾ ಶೂಟರ್ವೊಬ್ಬರ ತಂದೆ ಗೋಲ್ಡ್ ಕೋಸ್ಟ್ನಲ್ಲಿ ತನ್ನ ಮಗಳಿದ್ದ ಶೂಟಿಂಗ್ ಕೇಂದ್ರದ ಡ್ರೆಸ್ಸಿಂಗ್ ಕೊಠಡಿಯೊಳಕ್ಕೆ ನುಗ್ಗಲೆತ್ನಿಸಿ ವಿವಾದಕ್ಕೊಳಗಾಗಿದ್ದಾರೆ. ಈ ಘಟನೆ ಗಂಭೀರ ಸ್ವರೂಪದ್ದಲ್ಲ. ಆಕಸ್ಮಾತ್ ಆಗಿದೆ. ಆ ಬಳಿಕ ಬಗೆಹರಿದಿದೆ. ಆಟಗಾರ್ತಿ ಇನ್ನಷ್ಟೆ ಸ್ಪರ್ಧೆ ಮಾಡಬೇಕಿದೆ. ಆಕೆಯ ಹೆಸರನ್ನು ಹೇಳಲು ಆಗುವುದಿಲ್ಲ. ಘಟನೆಯಲ್ಲಿ ಆಕೆಯಿಂದ ಯಾವುದೇ ತಪ್ಪಾಗಿಲ್ಲ. ಸ್ಪರ್ಧಿಯ ತಂದೆಗೆ ಎಚ್ಚರಿಕೆ ನೀಡಿ ಅವರನ್ನು ಹಿಂದಕ್ಕೆ ಕರೆದುಕೊಂಡಿದ್ದೇವೆ. ಈ ವೇಳೆ ಅವರು ಯಾವುದೇ ಸಮಸ್ಯೆ ಮಾಡಿಲ್ಲ ಎಂದು ಭಾರತೀಯ ರೈಫಲ್ ಸಂಸ್ಥೆ ಅಧ್ಯಕ್ಷ ರಣೀಂದರ್ ಸಿಂಗ್ ತಿಳಿಸಿದ್ದಾರೆ.