ಇಂಡಿಯನ್ ವೆಲ್ಸ್ ನಡಾಲ್, ಫೆಡರರ್ ಮುನ್ನಡೆ
Team Udayavani, Mar 12, 2019, 12:30 AM IST
ಇಂಡಿಯನ್ ವೆಲ್ಸ್: ವಿಶ್ವದ ನಂ. 2 ಆಟಗಾರ ರಫೆಲ್ ನಡಾಲ್ ಮತ್ತು ಸ್ವಿಸ್ ತಾರೆ ರೋಜರ್ ಫೆಡರರ್ “ಇಂಡಿಯನ್ ವೆಲ್ಸ್’ ಟೆನಿಸ್ ಕೂಟದ ತೃತೀಯ ಸುತ್ತು ಪ್ರವೇಶಿಸಿದ್ದಾರೆ. ಮಾಜಿ ವಿಶ್ವ ನಂ. ವನ್ ಆಟಗಾರ್ತಿ ಸೆರೆನಾ ವಿಲಿಯಮ್ಸ್ ಅನಾರೋಗ್ಯದಿಂದಾಗಿ ಕೂಟದಿಂದ ನಿರ್ಗಮಿಸಿದ್ದಾರೆ.
3 ಬಾರಿಯ “ಇಂಡಿಯನ್ ವೆಲ್ಸ್’ ಚಾಂಪಿಯನ್ ನಡಾಲ್ ಅಮೆರಿಕದ ಜೇರ್ಡ್ ಡೊನಾಲ್ಡ್ಸನ್ ಅವರನ್ನು 6-1, 6-1 ನೇರ ಸೆಟ್ಗಳಿಂದ ಸೋಲಿಸಿದರು. ಈ ಪಂದ್ಯ ಕೇವಲ 72 ನಿಮಿಷಗಳಲ್ಲಿ ಕೊನೆಗೊಂಡಿತು. ಪ್ರಸಕ್ತ ಋತುವಿನಲ್ಲಿ 3ನೇ ಕೂಟದಲ್ಲಿ ಪಾಲ್ಗೊಳ್ಳುತ್ತಿರುವ ನಡಾಲ್, “ಆಸ್ಟ್ರೇಲಿಯನ್ ಓಪನ್’ ಫೈನಲ್ನಲ್ಲಿ ನೊವಾಕ್ ಜೊಕೋವಿಕ್ ವಿರುದ್ಧ ಸೋಲುನುಭವಿಸಿದ್ದರು. ಮೆಕ್ಸಿಕೊ ಓಪನ್ ಪಂದ್ಯಾವಳಿಯಿಂದ ಬಹಳ ಬೇಗ ನಿರ್ಗಮಿಸಿದ್ದರು.
ಮುಂದಿನ ಪಂದ್ಯದಲ್ಲಿ ನಡಾಲ್ ಆರ್ಜೆಂಟೀನಾದ ಡೀಗೊ ಶಾರ್ಟ್ಸ್ಮನ್ ಅವರನ್ನು ಎದುರಿಸಲಿದ್ದಾರೆ. ಅವರು ಸ್ಪೇನಿನ ರಾಬರ್ಟೊ ಕಾರ್ಬ್ರಲ್ಲೆಸ್ ವಿರುದ್ಧ 6-3, 6-1 ಸೆಟ್ಗಳ ಗೆಲುವು ದಾಖಲಿಸಿದರು. ಶಾರ್ಟ್ಸ್ಮನ್ ವಿರುದ್ಧ ನಡಾಲ್ 6-0 ಗೆಲುವಿನ ದಾಖಲೆ ಹೊಂದಿದ್ದಾರೆ.
ಇನ್ನೊಂದು ಪಂದ್ಯದಲ್ಲಿ ರೋಜರ್ ಫೆಡರರ್ ಜರ್ಮನಿಯ ಪೀಟರ್ ಗೊಜೊವಿಕ್ ವಿರುದ್ಧ 6-1, 7-5 ನೇರ ಸೆಟ್ ಜಯ ಸಾಧಿಸಿದರು. ಫೆಡರರ್ ಅವರ ಮುಂದಿನ ಎದುರಾಳಿ ಸ್ವಿಜರ್ಲ್ಯಾಂಡಿನವರೇ ಆದ ಸ್ಟಾನಿಸ್ಲಾಸ್ ವಾವ್ರಿಂಕ. ಅವರು ಹಂಗೇರಿಯ ಮಾರ್ಟನ್ ಫುಕೊವಿಕ್ಸ್ ಅವರನ್ನು ಭಾರೀ ಹೋರಾಟದ ಆನಂತರ 6-4, 6-7 (5-7), 7-5ರಿಂದ ಸೋಲಿಸಿದರು.
ಸೆರೆನಾಗೆ ಉಸಿರಾಟ ತೊಂದರೆ
ವನಿತಾ ಸಿಂಗಲ್ಸ್ನಲ್ಲಿ ಗಾರ್ಬಿನ್ ಮುಗುರುಜಾ ವಿರುದ್ಧ 6-3, 1-0 ಮುನ್ನಡೆಯಲ್ಲಿದ್ದಾಗ ಉಸಿರಾಟದ ತೊಂದರೆ ಅನುಭವಿಸಿದ ಸೆರೆನಾ ವಿಲಿಯಮ್ಸ್ ಪಂದ್ಯವನ್ನು ತ್ಯಜಿಸಿ ಕೂಟದಿಂದ ಹೊರನಡೆದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
ಲೋಕಸಭಾ ಚುನಾವಣೆ: ಪಕ್ಷೇತರ ಅಭ್ಯರ್ಥಿಯಾಗಿ ಕಣಕ್ಕಿಳಿಯಲಿದ್ದಾರ ಸೂರಜ ನಾಯ್ಕ ಸೋನಿ ?
JDS; ಮೂವರು ಅಭ್ಯರ್ಥಿಗಳ ಪಟ್ಟಿ ಪ್ರಕಟ: ಕೋಲಾರಕ್ಕೆ ಮಲ್ಲೇಶ್ ಬಾಬು
Rameshwaram Cafe ಪ್ರಕರಣ: ಇಬ್ಬರು ಶಂಕಿತರ ಮಾಹಿತಿ ನೀಡಿದವರಿಗೆ ಬಹುಮಾನ ಘೋಷಣೆ ಮಾಡಿದ NIA
LS Election; ದಿಂಗಾಲೇಶ್ವರ ಶ್ರೀ ಟೀಕೆ ನನಗೆ ಆಶೀರ್ವಾದ ಇದ್ದಂತೆ: ಪ್ರಹ್ಲಾದ್ ಜೋಶಿ
Kejriwal ಪತ್ನಿಯನ್ನು ರಾಬ್ರಿ ದೇವಿಗೆ ಹೋಲಿಸಿದ ಕೇಂದ್ರ ಸಚಿವ ಹರ್ದೀಪ್ ಪುರಿ