ಚಹರ್‌ಗೆ ಮಂಡಿನೋವು: ಎರಡು ವಾರ ವಿಶ್ರಾಂತಿ

Team Udayavani, Apr 30, 2018, 6:55 AM IST

ಪುಣೆ: ಮುಂಬೈ ವಿರುದ್ಧ ಶನಿವಾರ ನಡೆದ ಪಂದ್ಯದ ವೇಳೆ ಚೆನ್ನೈ ತಂಡದ ವೇಗಿ ದೀಪಕ್‌ ಚಹರ್‌ ಮಂಡಿನೋವಿಗೆ ಒಳಗಾದ ಕಾರಣ ಎರಡು ವಾರ ವಿಶ್ರಾಂತಿ ಪಡೆಯಲಿದ್ದಾರೆ.

ತನ್ನ ಮೂರನೇ ಓವರಿನ ಮೊದಲ ಎಸೆತ ಹಾಕಿದ ವೇಳೆ ಚಹರ್‌ ನೋವಿಗೆ ಒಳಗಾದರು. ಆ ಎಸೆತದ ಬಳಿಕ ಅವರು ಮೈದಾನ ತೊರೆದರು ಮತ್ತು ಆಬಳಿಕ ಮರಳಲಿಲ್ಲ.  ಈ ಹಿಂದೆಯೂ ಅವರಿಗೆ ಮಂಡಿ ನೋವು ಕಾಣಿಸಿತ್ತು. ಕೆಲವು ವಾರ ಅವರು ವಿಶ್ರಾಂತಿ ಪಡೆಯಲಿದ್ದಾರೆ ಎಂದು ಕೋಚ್‌ ಸ್ಟೀಫ‌ನ್‌ ಫ್ಲೆಮಿಂಗ್‌ ಹೇಳಿದ್ದಾರೆ.

ತಂದೆ ನಿಧನರಾದ ಕಾರಣ ತವರಿಗೆ ಮರಳಿದ್ದ ದಕ್ಷಿಣ ಆಫ್ರಿಕಾದ ಲುಂಗಿ ಎನ್‌ಗಿಡಿ ಅವರು ತಂಡವನ್ನು ಸೇರಿಕೊಂಡಿದ್ದಾರೆ ಎಂದು ಫ್ಲೆಮಿಂಗ್‌ ದೃಢಪಡಿಸಿದರು.

ಚಹರ್‌ ಈ ಐಪಿಎಲ್‌ನಲ್ಲಿ ಏಳು ಪಂದ್ಯಗಳನ್ನಾಡಿದ್ದು ಆರು ವಿಕೆಟ್‌ ಪಡೆದಿದ್ದಾರೆ. ಹೈದರಾಬಾದ್‌ ವಿರುದ್ಧ 15 ರನ್ನಿಗೆ 3 ವಿಕೆಟ್‌ ಕಿತ್ತು ಗೆಲುವಿನ ರೂವಾರಿಯಾಗಿ ಕಾಣಿಸಿಕೊಂಡಿದ್ದರು.