ಡೆಲ್ಲಿಗೆ ಐದು ವಿಕೆಟ್ ಗೆಲುವು

Team Udayavani, Apr 21, 2019, 6:00 AM IST

ಹೊಸದಿಲ್ಲಿ: ಪಂಜಾಬ್‌ ಎದುರಿನ ಶನಿವಾರದ ಕೋಟ್ಲಾ ಕದನದಲ್ಲಿ ಆತಿಥೇಯ ಡೆಲ್ಲಿ ಕ್ಯಾಪಿಟಲ್ಸ್ 5 ವಿಕೆಟ್‌ಗಳಿಂದ ಗೆಲುವು ದಾಖಲಿಸಿದೆ. ಮೊದಲು ಬ್ಯಾಟಿಂಗ್‌ ನಡೆಸಿದ ಪಂಜಾಬ್‌ 7 ವಿಕೆಟಿಗೆ 163 ರನ್‌ ಗಳಿಸಿದರೆ, ಡೆಲ್ಲಿ ತಂಡವು 19.4 ಓವರ್‌ಗಳಲ್ಲಿ 5 ವಿಕೆಟಿಗೆ 166 ರನ್‌ ಬಾರಿಸಿ ವಿಜಯಿಯಾಯಿತು.

ಡೆಲ್ಲಿ ಚೇಸಿಂಗ್‌ ವೇಳೆ ಶಿಖರ್‌ ಧವನ್‌ ಮತ್ತು ಶ್ರೇಯಸ್‌ ಅಯ್ಯರ್‌ ಅವರಿಂದ ಅರ್ಧಶತಕ ದಾಖಲಾಯಿತು. ಅವರಿಬ್ಬರು ದ್ವಿತೀಯ ವಿಕೆಟಿಗೆ 92 ರನ್‌ ಪೇರಿಸಿದ್ದರಿಂದ ಡೆಲ್ಲಿ ಸುಲಭ ಗೆಲುವು ಕಾಣುವಂತಾಯಿತು. ಧವನ್‌ 56 ರನ್ನಿಗೆ ಔಟಾದರೆ ಅಯ್ಯರ್‌ 58 ರನ್‌ ಗಳಿಸಿ ಅಜೇಯರಾಗಿ ಉಳಿದರು.

ಒಂದೆಡೆ ವಿಕೆಟ್ ಉರುಳಿತ್ತಿದ್ದರೂ 13ನೇ ಓವರ್‌ ತನಕ ಕ್ರೀಸಿಗೆ ಅಂಟಿಕೊಂಡ ಗೇಲ್ 37 ಎಸೆತಗಳಿಂದ 69 ರನ್‌ ಬಾರಿಸಿ ತಂಡದ ರಕ್ಷಣೆಗೆ ನಿಂತರು. ಅವರ ಎಂದಿನ ಸ್ಫೋಟಕ ಆಟದಲ್ಲಿ 5 ಸಿಕ್ಸರ್‌, 6 ಬೌಂಡರಿ ಒಳಗೊಂಡಿತ್ತು.

ಕೆ.ಎಲ್. ರಾಹುಲ್ (12), ಮಾಯಾಂಕ್‌ ಅಗರ್ವಾಲ್ (2), ಡೇವಿಡ್‌ ಮಿಲ್ಲರ್‌ (7) ಅಗ್ಗಕ್ಕೆ ಔಟಾದರೂ ಗೇಲ್ ತಮ್ಮ ಸಹಜ ಆಟವಾಡುತ್ತ ಹೋದರು. ಗೇಲ್ ನಿರ್ಗಮನದ ಬಳಿಕ ಮನದೀಪ್‌ ಸಿಂಗ್‌ (30), ನಾಯಕ ಆರ್‌. ಅಶ್ವಿ‌ನ್‌ (16) ಮತ್ತು ಹರ್‌ಪ್ರೀತ್‌ ಬ್ರಾರ್‌ (20) ಸೇರಿಕೊಂಡು ತಂಡದ ಮೊತ್ತವನ್ನು 160ರ ಗಡಿ ದಾಟಿಸಿದರು.

40 ರನ್ನಿಗೆ 3 ವಿಕೆಟ್ ಕಿತ್ತ ನೇಪಾಲದ ಸ್ಪಿನ್ನರ್‌ ಸಂದೀಪ್‌ ಲಮಿಶಾನೆ ಡೆಲ್ಲಿಯ ಯಶಸ್ವಿ ಬೌಲರ್‌. ಕಾಗಿಸೊ ರಬಾಡ ಮತ್ತು ಅಕ್ಷರ್‌ ಪಟೇಲ್ ತಲಾ 2 ವಿಕೆಟ್ ಉರುಳಿಸಿದರು

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ