ಸೇಡು ತೀರಿಸಿಕೊಂಡ ಆರ್‌ಸಿಬಿ

Team Udayavani, Apr 22, 2019, 9:49 AM IST

ಬೆಂಗಳೂರು: ಚೆನ್ನೈ ಎದುರಿನ ಉದ್ಘಾಟನಾ ಪಂದ್ಯದಲ್ಲಿ ಅನುಭವಿಸಿದ ಹೀನಾಯ ಸೋಲಿಗೆ ಆರ್‌ಸಿಬಿ ರವಿವಾರ ರಾತ್ರಿ ತವರಿನ ಅಂಗಳದಲ್ಲಿ ಸೇಡು ತೀರಿಸಿಕೊಂಡಿದೆ. ಅಂಕಪಟ್ಟಿಯ ಅಗ್ರ ಮತ್ತು ಕೊನೆಯ ಸ್ಥಾನದಲ್ಲಿರುವ ತಂಡಗಳ ಈ ರೋಚಕ ಸೆಣಸಾಟದಲ್ಲಿ ಆರ್‌ಸಿಬಿ 1 ರನ್ನಿನಿಂದ ಜಯಭೇರಿ ಬಾರಿಸಿತು.

ಮೊದಲು ಬ್ಯಾಟಿಂಗ್‌ ನಡೆಸಿದ ಆರ್‌ಸಿಬಿ 7 ವಿಕೆಟಿಗೆ 161 ರನ್‌ ಗಳಿಸಿದರೆ, ಚೆನ್ನೈ ತಂಡವು ಧೋನಿ (ಅಜೇಯ 84) ಅವರ ಅಮೋಘ ಬ್ಯಾಟಿಂಗಿನ ಹೊರತಾಗಿಯೂ ನಿಗದಿತ ಓವರ್‌ಗಳಲ್ಲಿ 8 ವಿಕೆಟಿಗೆ 160 ರನ್‌ ಗಳಿಸಲಷ್ಟೇ ಶಕ್ತವಾಗಿ ಶರಣಾಯಿತು.

ಮೊದಲ ಓವರಿನಲ್ಲೇ ವಾಟ್ಸನ್‌ ಮತ್ತು ರೈನಾ ಅವರನ್ನು ಸತತ ಎಸೆತಗಳಲ್ಲಿ ಕೆಡವಿದ ಸ್ಟೇನ್‌ ಚೆನ್ನೈಗೆ ಘಾತಕವಾಗಿ ಪರಿಣಮಿಸಿದರು. ಆದರೆ ಧೋನಿ ಅವರ ಸಾಹಸದ ಬ್ಯಾಟಿಂಗಿನಿಂದಾಗಿ ಚೆನ್ನೈ ಗೆಲ್ಲುವ ಸನಿಹಕ್ಕೆ ಬಂತು. ಅಂತಿಮ ಓವರಿನಲ್ಲಿ ತಂಡ ಗೆಲ್ಲಲು 26 ರನ್‌ ಗಳಿಸಬೇಕಿತ್ತು. ಮೊದಲ ಐದು ಎಸೆತಗಳಲ್ಲಿ ಧೋನಿ ಮೂರು ಸಿಕ್ಸರ್‌ ಸಹಿತ 24 ರನ್‌ ಕಸಿದರು. ಅಂತಿಮ ಎಸೆತದಲ್ಲಿ 2 ರನ್‌ ಬೇಕಿತ್ತು. ಆದರೆ ಶಾದೂಲ್‌ ಠಾಕುರ್‌ ರನೌಟ್‌ ಆಟ ಕಾರಣ ಚೆನ್ನೈ ಸೋಲು ಕಾಣುವಂತಾಯಿತು.

ಆರ್‌ಸಿಬಿ ಸರದಿಯಲ್ಲಿ ಆರಂಭಕಾರ ಪಾರ್ಥಿವ್‌ ಪಟೇಲ್‌ ಅವರ ಅರ್ಧ ಶತಕ ಹೊರತುಪಡಿಸಿದರೆ ಉಳಿದವರ್ಯಾರಿಂದಲೂ ದೊಡ್ಡ ಕೊಡುಗೆ ಸಂದಾಯವಾಗಲಿಲ್ಲ. 16ನೇ ಓವರ್‌ ತನಕ ಚೆನ್ನೈ ದಾಳಿ ನಿಭಾಯಿಸಿ ನಿಂತ ಪಾರ್ಥಿವ್‌ 37 ಎಸೆತಗಳಿಂದ 53 ರನ್‌ ಹೊಡೆದರು (2 ಬೌಂಡರಿ, 4 ಸಿಕ್ಸರ್‌). ಕಳೆದ ಪಂದ್ಯದಲ್ಲಿ ಸೆಂಚುರಿ ಬಾರಿಸಿದ್ದ ನಾಯಕ ವಿರಾಟ್‌ ಕೊಹ್ಲಿ ಇಲ್ಲಿ ಕೇವಲ 9 ರನ್ನಿಗೆ ಔಟಾದರು.

ಎಬಿ ಡಿ ವಿಲಿಯರ್ ಆಟ 25 ರನ್ನಿಗೆ ನಿಂತಿತು (19 ಎಸೆತ, 3 ಬೌಂಡರಿ, 1 ಸಿಕ್ಸರ್‌). ಅಕ್ಷದೀಪ್‌ ನಾಥ್‌ ನಿಧಾನ ಗತಿಯಲ್ಲಿ ಆಡಿ 24 ರನ್‌ ಮಾಡಿದರು. ಇವರಿಬ್ಬರ ವಿಕೆಟ್‌ ರವೀಂದ್ರ ಜಡೇಜ ಪಾಲಾಯಿತು. ಇಬ್ಬರೂ ಡು ಪ್ಲೆಸಿಸ್‌ಗೆ ಕ್ಯಾಚ್‌ ನೀಡಿದರು. ಮಾರ್ಕಸ್‌ ಸ್ಟೋಯಿನಿಸ್‌ ಆಟದಲ್ಲೂ ಬಿರುಸಿರಲಿಲ್ಲ. 14 ರನ್ನಿಗೆ 13 ಎಸೆತ ತೆಗೆದುಕೊಂಡರು. ಮೊಯಿನ್‌ ಅಲಿ ಬಿರುಸಿನ ಆಟಕ್ಕಿಳಿದರೂ ಇನ್ನಿಂಗ್ಸ್‌ ಬೆಳೆಸಲು ಸಾಧ್ಯವಾಗಲಿಲ್ಲ. 16 ಎಸೆತಗಳಿಂದ 26 ರನ್‌ ಮಾಡಿ (5 ಬೌಂಡರಿ) ಬ್ರಾವೋಗೆ ವಿಕೆಟ್‌ ಒಪ್ಪಿಸಿದರು. ಚೆನ್ನೈ ಪರ ದೀಪಕ್‌ ಚಹರ್‌, ರವೀಂದ್ರ ಜಡೇಜ ಮತ್ತು ಡ್ವೇನ್‌ ಬ್ರಾವೊ ತಲಾ 2 ವಿಕೆಟ್‌ ಉರುಳಿಸಿದರು.

ರಾಯಲ್‌ ಚಾಲೆಂಜರ್ ಬೆಂಗಳೂರು
ಪಾರ್ಥಿವ್‌ ಪಟೇಲ್‌ ಸಿ ವಾಟ್ಸನ್‌ ಬಿ ಬ್ರಾವೊ 53
ವಿರಾಟ್‌ ಕೊಹ್ಲಿ ಸಿ ಧೋನಿ ಬಿ ಚಹರ್‌ 9
ಎಬಿ ಡಿ ವಿಲಿಯರ್ ಸಿ ಡು ಪ್ಲೆಸಿಸ್‌ ಬಿ ಜಡೇಜ 25
ಅಕ್ಷದೀಪ್‌ ನಾಥ್‌ ಸಿ ಡು ಪ್ಲೆಸಿಸ್‌ ಬಿ ಜಡೇಜ 24
ಮಾರ್ಕಸ್‌ ಸ್ಟೋಯಿನಿಸ್‌ ಸಿ ಶೋರಿ ಬಿ ತಾಹಿರ್‌ 14
ಮೊಯಿನ್‌ ಅಲಿ ಸಿ ಠಾಕೂರ್‌ ಬಿ ಬ್ರಾವೊ 26
ಪವನ್‌ ನೇಗಿ ಸಿ ರಾಯುಡು ಬಿ ಚಹರ್‌ 5
ಉಮೇಶ್‌ ಯಾದವ್‌ ಔಟಾಗದೆ 1
ಡೇಲ್‌ ಸ್ಟೇನ್‌ ಔಟಾಗದೆ 0
ಇತರ 4
ಒಟ್ಟು (7 ವಿಕೆಟಿಗೆ) 161
ವಿಕೆಟ್‌ ಪತನ: 1-11, 2-58, 3-99, 4-124, 5-126, 6-150, 7-160.
ಬೌಲಿಂಗ್‌:
ದೀಪಕ್‌ ಚಹರ್‌ 4-0-25-2
ಶಾದೂಲ್‌ ಠಾಕೂರ್‌ 4-0-40-0
ರವೀಂದ್ರ ಜಡೇಜ 4-0-29-2
ಡ್ವೇನ್‌ ಬ್ರಾವೊ 4-0-34-2
ಇಮ್ರಾನ್‌ ತಾಹಿರ್‌ 4-0-31-1

ಚೆನ್ನೈ ಸೂಪರ್‌ ಕಿಂಗ್ಸ್‌
ಶೇನ್‌ ವಾಟ್ಸನ್‌ ಸಿ ಸ್ಟೋಯಿನಿಸ್‌ ಬಿ ಸ್ಟೇನ್‌ 5
ಫಾ ಡು ಪ್ಲೆಸಿಸ್‌ ಸಿ ಡಿ ವಿಲಿಯರ್ ಬಿ ಯಾದವ್‌ 5
ಸುರೇಶ್‌ ರೈನಾ ಬಿ ಸ್ಟೇನ್‌ 0
ಅಂಬಾಟಿ ರಾಯುಡು ಬಿ ಚಾಹಲ್‌ 29
ಕೇದಾರ್‌ ಜಾಧವ್‌ ಸಿ ಡಿ ವಿಲಿಯರ್ ಬಿ ಯಾದವ್‌ 9
ಎಂ.ಎಸ್‌. ಧೋನಿ ಔಟಾಗದೆ 84
ರವೀಂದ್ರ ಜಡೇಜ ರನೌಟ್‌ 11
ಡ್ವೇನ್‌ ಬ್ರಾವೊ ಸಿ ಪಾರ್ಥಿವ್‌ ಬಿ ಸೈನಿ 5
ಶಾದೂìಲ್‌ ಠಾಕುರ್‌ ರನೌಟ್‌ 0
ಇತರ 12
ಒಟ್ಟು (20 ಓವರ್‌ಗಳಲ್ಲಿ 8 ವಿಕೆಟಿಗೆ) 160
ವಿಕೆಟ್‌ ಪತನ: 1-6, 2-6, 3-17, 4-28, 5-83, 6-108, 7-136, 8-160
ಬೌಲಿಂಗ್‌:
ಡೇಲ್‌ ಸ್ಟೇನ್‌ 4-0-29-2
ನವದೀಪ್‌ ಸೈನಿ 4-0-24-1
ಉಮೇಶ್‌ ಯಾದವ್‌ 4-0-47-2
ಪವನ್‌ ನೇಗಿ 1-0-7-0
ಮಾರ್ಕಸ್‌ ಸ್ಟೋಯಿನಿಸ್‌ 3-0-20-0
ಯಜುವೇಂದ್ರ ಚಾಹಲ್‌

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ

  • ಧಾರವಾಡ: ಎಲ್ಲೆಂದರಲ್ಲಿ ಸತ್ತು ಬೀಳುತ್ತಿವೆ ಕಪ್ಪೆ, ಇಲಿ, ಹಾವು, ಪಕ್ಷಿಗಳು, ಸುರಿಯುವ ಮಳೆಯಲ್ಲೂ ಸುಟ್ಟು ಹೋಗುತ್ತಿದೆ ಹಸಿರು ಹುಲ್ಲು, ತಿಳಿಯದೇ ಎರಡು ಹಿಡಿ...

  • ಕೊರಟಗೆರೆ: ಸರ್ಕಾರದಿಂದ 1 ಲಕ್ಷ ರೂ. ಸಹಾಯಧನ ಕೂಡಿಸುವುದಾಗಿ ನಂಬಿಸಿ ತಾಲೂಕಿನ 650 ಸ್ತ್ರೀ ಶಕ್ತಿ ಸಂಘಗಳಿಂದ ಕೋಟ್ಯಾಂತರ ರೂ. ಪಡೆದು ಕೊರಟಗೆರೆ ವಲಯ ಮೇಲ್ವಿಚಾರಕ...

  • ಚಿಕ್ಕನಾಯಕನಹಳ್ಳಿ: ಸಣ್ಣ ವಹಿವಾಟಿನ ವ್ಯಾಪಾರಿಗಳು ಹಾಗೂ ಗ್ರಾಹಕರಿಗೆ ಚಿಲ್ಲರೆ ಸಮಸ್ಯೆ ಯಾಗುವುದು ಸಾಮಾನ್ಯ. ಇದರಿಂದ ವ್ಯಾಪಾರಿಗಳಿಗೆ ನಷ್ಟ ಅಥವಾ ಗ್ರಾಹಕರು...

  • ಮಾಗಡಿ: ಒಂದು ವರ್ಷದಲ್ಲಿ ಒಂದು ಕೋಟಿ ಸಸಿ ನೆಡಲು ರೋಟರಿ ಮಾಗಡಿ ಸೆಂಟ್ರಲ್ ಸಂಸ್ಥೆ ತೀರ್ಮಾನ ಮಾಡಿದೆ ಎಂದು ರೋಟರಿ ಮಾಗಡಿ ಸೆಂಟ್ರಲ್ ಅಧ್ಯಕ್ಷ ಡಿ.ಎನ್‌. ಸಿದ್ದಲಿಂಗಯ್ಯ...

  • ರಾಮನಗರ: ನುರಿತ ಉಪನ್ಯಾಸಕರಿಂದ ಪಠ್ಯಕ್ರಮಗಳ ಉಪನ್ಯಾಸಗಳ ವೀಡಿಯೋ ರೆಕಾರ್ಡ್‌ಗಳನ್ನು ಯೂಟ್ಯೂಬ್‌ ಮೂಲಕ ವಿದ್ಯಾರ್ಥಿಗಳಿಗೆ ಲಭ್ಯವಾಗುವಂತೆ ನೂತನ ವ್ಯವಸ್ಥೆಯನ್ನು...

  • ಕೆ.ಆರ್‌.ಪೇಟೆ: ಹೇಮಾವತಿ ಜಲಾಶಯದಿಂದ ಕೆ.ಆರ್‌.ನಗರ ಮತ್ತು ಹೊಳೆನರಸೀಪುರ ತಾಲೂಕಿನ ನಾಲೆಗಳಿಗೆ ನೀರು ಹರಿಸುತ್ತಿರುವ ಮಾದರಿಯಲ್ಲಿ ತಾಲೂಕಿನ ತಾಲೂಕಿನ ನದಿ, ನಾಲೆಗಳಿಗೆ...