ಆರ್ಸಿಬಿಗೆ ಎಬಿ ಡಿ ವಿಲಿಯರ್ ಮೆಂಟರ್!
Team Udayavani, Mar 9, 2022, 7:50 AM IST
ಬೆಂಗಳೂರು: ಕಳೆದ ವರ್ಷ ಎಲ್ಲ ಮಾದರಿಯ ಕ್ರಿಕೆಟ್ಗೆ ವಿದಾಯ ಹೇಳಿದ್ದ ದಕ್ಷಿಣ ಆಫ್ರಿಕಾದ ಎಬಿ ಡಿ ವಿಲಿಯರ್ ಈ ಬಾರಿಯ ಐಪಿಎಲ್ನಲ್ಲಿ ಆರ್ಸಿಬಿ ತಂಡದ ಮೆಂಟರ್ ಆಗಿ ನೇಮಕಗೊಂಡಿದ್ದಾರೆಂದು ವರದಿಯಾಗಿದೆ.
ಮೈದಾನದಲ್ಲಿ ತಮ್ಮ ನೆಚ್ಚಿನ ಆಟಗಾರನ ಆಟವನ್ನು ನೋಡುವ ಅವಕಾಶವನ್ನು ಕಳೆದುಕೊಂಡಿರುವ ಆರ್ಸಿಬಿ ಅಭಿಮಾನಿಗಳು ಇದೀಗ ಟೂರ್ನಿಯ ಸಮಯದಲ್ಲಿ ತಂಡದ ಸಹಾಯಕ ಸಿಬಂದಿ ಬಳಗದಲ್ಲಿ ಎಬಿಡಿ ಅವರನ್ನು ಕಣ್ತುಂಬಿಸಿಕೊಳ್ಳಬಹುದಾಗಿದೆ.
ಮಾ.12ಕ್ಕೆ ಆರ್ಸಿಬಿ ನಾಯಕ ಘೋಷಣೆ
ಬೆಂಗಳೂರು: ಮೆಗಾ ಐಪಿಎಲ್ ಕ್ಷಣಗಣನೆ ಈಗಾಗಲೇ ಆರಂಭ ಗೊಂಡಿದೆ. ಉಳಿದಿರುವ ಅತೀ ದೊಡ್ಡ ಕುತೂಹಲವೆಂದರೆ ಆರ್ಸಿಬಿ ತಂಡದ ನೂತನ ನಾಯಕ ಯಾರು, ಕೊಹ್ಲಿ ಉತ್ತರಾಧಿಕಾರಿಯಾಗಿ ಯಾರು ಆಯ್ಕೆಯಾದಾರು ಎಂಬುದು.
ಈ ಕೌತುಕ ಮಾ. 12ರಂದು ತಣಿಯಲಿದೆ. ಅಂದು ತಂಡದ ನಾಯಕನ ಹೆಸರನ್ನು ಘೋಷಿಸಲಾಗುವುದು ಎಂದು ಫ್ರಾಂಚೈಸಿ ಪ್ರಕಟಿಸಿದೆ.