ಇಂದೋರ್: IPL ಬೆಟ್ಟಿಂಗ್ ಜಾಲ ಬಯಲು; 7 ಸೆರೆ, 4.3 ಲಕ್ಷ ರೂ.ವಶ
Team Udayavani, May 9, 2018, 4:26 PM IST
ಇಂದೋರ್, ಮಧ್ಯ ಪ್ರದೇಶ : ಇಂದೋರ್ ಪೊಲೀಸರು ಇಲ್ಲಿ ಐಪಿಎಲ್ ಬೆಟ್ಟಿಂಗ್ ಜಾಲವನ್ನು ಭೇದಿಸಿದ್ದಾರೆ ಮತ್ತು ಇದರಲ್ಲಿ ಶಾಮೀಲಾಗಿದ್ದ ಏಳು ಮಂದಿಯನ್ನು ಬಂಧಿಸಿದ್ದಾರೆ ಎಂದು ಅಧಿಕಾರಿಯೋರ್ವರು ತಿಳಿಸಿದ್ದಾರೆ.
ಬಂಧಿತ ಆರೋಪಿಗಳಿಂದ ಪೊಲೀಸರು 4.3 ಲಕ್ಷ ರೂ. ನಗದನ್ನು ವಶಪಡಿಸಿಕೊಂಡಿದ್ದಾರೆ.
ಖಚಿತ ಸುಳಿವಿನ ಆಧಾರದಲ್ಲಿ ಪೊಲೀಸರು ನಗರದ ರಾಜೇಂದ್ರ ನಗರ ಪ್ರದೇಶದಲ್ಲಿನ ಅಪಾರ್ಟ್ಮೆಂಟ್ ಒಂದಕ್ಕೆ ನಿನ್ನೆ ಮಂಗಳವಾರ ರಾತ್ರಿ ದಾಳಿ ನಡೆಸಿದರು ಎಂದು ಎಸ್ಪಿ ಎಸ್ ಕೆ ಎಸ್ ತೋಮರ್ ತಿಳಿಸಿದರು.