ಕೊರೊನಾ ಭೀತಿ: ಏಪ್ರಿಲ್ 15 ಕ್ಕೆ ಐಪಿಎಲ್ ಮುಂದೂಡಿಕೆ ; ವರದಿ

Team Udayavani, Mar 13, 2020, 3:25 PM IST

ಹೊಸದಿಲ್ಲಿ : ಜಗತ್ತಿನೆಲ್ಲೆಡೆ ಆವರಿಸಿರುವ ಕೊರೊನಾ ವೈರಸ್ ಪ್ರಸಿದ್ಧ ಕ್ರಿಕೆಟ್ ಕೂಟ ಐಪಿಎಲ್ ನ 13 ನೇ ಆವೃತಿಯ ಮೇಲೂ ತನ್ನ ಕರಿ ಛಾಯೆಯನ್ನು ಬೀರಿದೆ.

ಐಪಿಎಲ್ 13 ನೇ ಆವೃತಿ ಕೊರೊನಾ ಭೀತಿಯಿಂದ ಈಗಾಗಲೇ ದಿಲ್ಲಿ, ಕರ್ನಾಟಕ ಸೇರಿದಂತೆ ಕೆಲ ರಾಜ್ಯಗಳಲ್ಲಿ ನಡೆಸಬಾರದೆಂದು ಕೇಂದ್ರಕ್ಕೆ ಮನವಿ ಮೂಲಕ ಕೇಳಿಕೊಂಡಿದೆ. ಐಪಿಎಲ್ ಒಂದು ವೇಳೆ ರದ್ದುಗೊಂಡರೆ ಕೋಟ್ಯಾಂತರ ರೂಪಾಯಿ ನಷ್ಟ ಆಗುತ್ತದೆ. ವೀಸಾ ರದ್ದುಗೊಂಡಿದ್ದರಿಂದ, ಐಪಿಎಲ್ ಮೊದಲ ಸುತ್ತಿನ ಪಂದ್ಯಾವಳಿಗಳಿಗೆ ವಿದೇಶಿ ಆಟಗಾರರು ಗೈರಾಗಲಿದ್ದಾರೆ.

ಈ ಬಾರಿಯ ಐಪಿಎಲ್ ನಿಗದಿಯಂತೆ ಮಾರ್ಚ್ 29 ರಿಂದ ನಡೆಯಬೇಕಿತ್ತು. ಮೂಲಗಳ ಪ್ರಕಾರ ಐಪಿಎಲ್ ಪಂದ್ಯಾಟಗಳು ಮುಂದೂಡಿಕೆಯಾಗಿ, ಏಪ್ರಿಲ್ 15 ರಿಂದ ಪ್ರಾರಂಭಗೊಳ್ಳಲಿವೆ ಎಂದು ವರದಿಯಾಗಿದೆ. ಈ ಕುರಿತು ಅಧಿಕೃತ ಘೋಷಣೆ ಬಾಕಿಯಿದ್ದು, ನಾಳೆ ನಡೆಯಲಿರುವ ಆಡಳಿತ ಮಂಡಳಿಯ ಸಮಿತಿ ಸಭೆಯಲ್ಲಿ ಅಂತಿಮ ನಿರ್ಧಾರ ಹೊರ ಬೀಳುವ ಸಾಧ್ಯತೆಯಿದೆ.