ಬೌಲಿಂಗ್ ಕೋಚ್ ಹುದ್ದೆಗೆ ಜೋಶಿ ಅರ್ಜಿ
Team Udayavani, Aug 7, 2019, 6:15 AM IST
ಮುಂಬಯಿ: ಮಾಜಿ ಸ್ಪಿನ್ನರ್ ಸುನೀಲ್ ಜೋಶಿ ಅವರು ಟೀಮ್ ಇಂಡಿಯಾದ ಬೌಲಿಂಗ್ ಕೋಚ್ ಹುದ್ದೆಗೆ ಅರ್ಜಿ ಸಲ್ಲಿಸಿದ್ದಾರೆ.
ಕೊಹ್ಲಿ ನೇತೃತ್ವದ ತಂಡಕ್ಕೆ ನುರಿತ ಸ್ಪಿನ್ನರೊಬ್ಬರ ಅಗತ್ಯವಿದೆ ಎಂಬ ನಂಬಕೆಯಿಂದ ಅರ್ಜಿ ಹಾಕಿದ್ದೇನೆ ಎಂದು ಅವರು ಹೇಳಿ ಕೊಂಡಿ ದ್ದಾರೆ. ಅನಿಲ್ ಕುಂಬ್ಳೆ ಅವರು ಮುಖ್ಯ ಕೋಚ್ ಆದ ಬಳಿಕ ಭಾರತೀಯ ತಂಡದಲ್ಲಿ ತಜ್ಞ ಸ್ಪಿನ್ ಸಲಹೆಗಾರರು ಇರಲಿಲ್ಲ. 2017ರ ಚಾಂಪಿಯನ್ಸ್ ಟ್ರೋಫಿ ಫೈನಲ್ನಲ್ಲಿ ಸೋತ ಬಳಿಕ ಕೊಹ್ಲಿ ಜತೆಗಿನ ವೈಮನಸ್ಸಿನಿಂದಾಗಿ ಕುಂಬ್ಳೆ ಕೋಚ್ ಹುದ್ದೆಯನ್ನು ತ್ಯಜಿಸಿದ್ದರು.
ಹೌದು, ನಾನು ಬೌಲಿಂಗ್ ಕೋಚ್ ಹುದ್ದೆಗೆ ಅರ್ಜಿ ಸಲ್ಲಿಸಿದ್ದೇನೆ. ಬಾಂಗ್ಲಾದೇಶ ತಂಡದ ಪರ ಎರಡೂವರೆ ವರ್ಷ ಕೋಚ್ ಹುದ್ದೆಯನ್ನು ಯಶಸ್ವಿಯಾಗಿ ನಿಭಾಯಿಸಿದ್ದೇನೆ. ಇದೀಗ ಹೊಸ ಸವಾಲಿಗೆ ಸಿದ್ಧನಾಗಿದ್ದೇನೆ. ಸದ್ಯ ಭಾರತ ತಂಡದಲ್ಲಿ ತಜ್ಞ ಸ್ಪಿನ್ ಕೋಚ್ ಇಲ್ಲ. ಹಾಗಾಗಿ ನನ್ನ ಸಾಧನೆಯನ್ನು ಪರಿಗಣಿಸಬಹುದು ಎಂದು ಜೋಶಿ ಹೇಳಿದ್ದಾರೆ.
ಅಂತಾರಾಷ್ಟ್ರೀಯ ಮತ್ತು ರಣಜಿ ತಂಡಕ್ಕೆ ಕೋಚಿಂಗ್ ನೀಡುವ ಮೊದಲು ಜೋಶಿ 1996ರಿಂದ 2001ರ ವರೆಗೆ ಭಾರತೀಯ ತಂಡದ ಪರ ಆಡಿದ್ದರು. 15 ಟೆಸ್ಟ್ ಆಡಿರುವ ಅವರು 41 ವಿಕೆಟ್ ಕೆಡಹಿದ್ದಾರೆ. ಏಕದಿನ ಕ್ರಿಕೆಟ್ನಲ್ಲಿ 69 ವಿಕೆಟ್ ಕಿತ್ತಿದ್ದಾರೆ. ಕರ್ನಾಟಕದ ತಾರೆ ಜೋಶಿ ಪ್ರಥಮ ದರ್ಜೆ ಕ್ರಿಕೆಟ್ನಲ್ಲಿ 615 ವಿಕೆಟ್ ಪಡೆದ ಸಾಧನೆ ಮಾಡಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
LS Election; ದಿಂಗಾಲೇಶ್ವರ ಶ್ರೀ ಟೀಕೆ ನನಗೆ ಆಶೀರ್ವಾದ ಇದ್ದಂತೆ: ಪ್ರಹ್ಲಾದ್ ಜೋಶಿ
Kejriwal ಪತ್ನಿಯನ್ನು ರಾಬ್ರಿ ದೇವಿಗೆ ಹೋಲಿಸಿದ ಕೇಂದ್ರ ಸಚಿವ ಹರ್ದೀಪ್ ಪುರಿ
Kannada Cinema; ಸ್ನೇಹಿತರ ಸುತ್ತ ‘ಪಾರ್ಟ್ನರ್’: ಟ್ರೇಲರ್, ಆಡಿಯೋದಲ್ಲಿ ಹೊಸಬರ ಚಿತ್ರ
Mukhtar Ansari ಸಾವಿನ ಪ್ರಕರಣ: ನ್ಯಾಯಾಂಗ ತನಿಖೆಗೆ ಆದೇಶಿಸಿದ ಕೋರ್ಟ್
ವಿಕಸಿತ ಭಾರತದಂತ ಬಲಾಢ್ಯ ಕಲ್ಪನೆ ಕಾಂಗ್ರೆಸ್ ಎಷ್ಟು ವರ್ಷ ಆಳ್ವಿಕೆ ಮಾಡಿದರೂ ಸಾಧ್ಯವಾಗದು