ಜೂನಿಯರ್ ವಿಶ್ವಕಪ್ ಹಾಕಿ: ಭಾರತದ ಮೊದಲ ಎದುರಾಳಿ ಫ್ರಾನ್ಸ್
Team Udayavani, Oct 21, 2021, 5:55 AM IST
ಭುವನೇಶ್ವರ: ಮತ್ತೊಂದು ಜೂನಿಯರ್ ವಿಶ್ವಕಪ್ ಹಾಕಿ ಪಂದ್ಯಾವಳಿಗೆ ಕ್ಷಣಗಣನೆ ಆರಂಭ ಗೊಂಡಿದೆ. ನ. 24ರಿಂದ ಡಿ. 5ರ ತನಕ ಭುವನೇಶ್ವರದ “ಕಳಿಂಗ ಸ್ಟೇಡಿಯಂ’ನಲ್ಲಿ ಈ ಪ್ರತಿಷ್ಠಿತ ಕೂಟ ನಡೆಯಲಿದೆ.
ಪ್ರಶಸ್ತಿ ಉಳಿಸಿಕೊಳ್ಳುವ ಗುರಿಯೊಂದಿಗೆ ಕಣಕ್ಕಿಳಿಯಲಿರುವ ಆತಿಥೇಯ ಭಾರತಕ್ಕೆ ಫ್ರಾನ್ಸ್ನಿಂದ ಮೊದಲ ಸವಾಲು ಎದುರಾಗಲಿದೆ (ನ. 24).
ಅಂತಾರಾಷ್ಟ್ರೀಯ ಹಾಕಿ ಫೆಡರೇಶನ್ (ಎಫ್ಐಎಚ್) ಬುಧ ವಾರ ಗುಂಪುಗಳನ್ನು ರಚಿಸಿ ವೇಳಾ ಪಟ್ಟಿಯನ್ನು ಪ್ರಕಟಿಸಿತು.
ಭಾರತ ತುಸು ಸುಲಭದ್ದೆನಿಸಿದ “ಬಿ’ ವಿಭಾಗದಲ್ಲಿ ಸ್ಥಾನ ಪಡೆದಿದೆ. ಇಲ್ಲಿನ ಉಳಿದ ತಂಡಗಳೆಂದರೆ ಕೆನಡಾ ಮತ್ತು ಪೋಲೆಂಡ್. “ಎ’ ವಿಭಾಗದಲ್ಲಿ ಬೆಲ್ಜಿಯಂ, ಚಿಲಿ, ಮಲೇಶ್ಯ ಮತ್ತು ದಕ್ಷಿಣ ಆಫ್ರಿಕಾ; “ಸಿ’ ವಿಭಾಗದಲ್ಲಿ ಕೊರಿಯಾ, ನೆದರ್ಲೆಂಡ್ಸ್, ಸ್ಪೇನ್ ಮತ್ತು ಯುನೈಟೆಡ್ ಸ್ಟೇಟ್ಸ್; “ಡಿ’ ವಿಭಾಗದಲ್ಲಿ ಆರ್ಜೆಂಟೀನಾ, ಈಜಿಪ್ಟ್, ಜರ್ಮನಿ ಮತ್ತು ಪಾಕಿಸ್ಥಾನ ತಂಡಗಳಿವೆ.
ಭಾರತದ ಉಳಿದ ಲೀಗ್ ಪಂದ್ಯ ಗಳು ನ. 25 (ಕೆನಡಾ) ಮತ್ತು ನ. 27ರಂದು (ಪೋಲೆಂಡ್) ನಡೆಯ ಲಿವೆ. ಡಿ. 3ರಂದು ಸೆಮಿಫೈನಲ್, ಡಿ. 5ರಂದು ಫೈನಲ್ ಏರ್ಪಡಲಿದೆ.
ಇದನ್ನೂ ಓದಿ:ಆಸ್ಟ್ರೇಲಿಯದ ಮೇಲೂ ಸವಾರಿ ಮಾಡಿದ ಭಾರತ
ಇಂಗ್ಲೆಂಡ್ ಬದಲು ಪೋಲೆಂಡ್
ಕೋವಿಡ್-19 ಕಠಿನ ಮಾರ್ಗ ಸೂಚಿಯ ಕಾರಣ ಇಂಗ್ಲೆಂಡ್ ಈ ಕೂಟದಿಂದ ಹಿಂದೆ ಸರಿದಿದೆ. ಹೀಗಾಗಿ ಪೋಲೆಂಡ್ಗೆ ಅವಕಾಶ ಲಭಿಸಿತು.
ವನಿತಾ ಜೂ. ವಿಶ್ವಕಪ್
ಇದೇ ವೇಳೆ ವನಿತಾ ಜೂನಿಯರ್ ವಿಶ್ವಕಪ್ ಹಾಕಿ ಪಂದ್ಯಾವಳಿಯ ವೇಳಾಪಟ್ಟಿಯನ್ನೂ ಬಿಡುಗಡೆ ಮಾಡಲಾಯಿತು. ಇದು ಡಿ. 5ರಿಂದ 16ರ ತನಕ ದಕ್ಷಿಣ ಆಫ್ರಿಕಾದ ಪೊಚೆಫ್ಸೂಮ್ನಲ್ಲಿ ನಡೆಯಲಿದೆ.
ಭಾರತ “ಸಿ’ ವಿಭಾಗದಲ್ಲಿದೆ. ಹಾಲಿ ಚಾಂಪಿಯನ್ ಆರ್ಜೆಂಟೀನಾ, ಜಪಾನ್ ಮತ್ತು ರಶ್ಯ ಈ ವಿಭಾಗದ ಉಳಿದ ತಂಡಗಳು. ಭಾರತ ತನ್ನ ಮೊದಲ ಪಂದ್ಯವನ್ನು ರಶ್ಯ ವಿರುದ್ಧ ಡಿ. 6ರಂದು ಆಡಲಿದೆ. ಬಳಿಕ ಆರ್ಜೆಂಟೀನಾ (ಡಿ. 7) ಮತ್ತು ಜಪಾನ್ (ಡಿ. 9) ವಿರುದ್ಧ ಸೆಣಸಲಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
ವಸಂತ ಕಾಲ ಬಂದಾಗ…ತಾಪಮಾನ ಏರಿಕೆ- ಭಾರತದಲ್ಲಿ ವಸಂತ ಋತು ಕಣ್ಮರೆ!
Pan India: ಯಶ್ ʼಟಾಕ್ಸಿಕ್ʼ ಸಿನಿಮಾದ ಪ್ರಮುಖ ಪಾತ್ರದಲ್ಲಿ ಶ್ರುತಿ ಹಾಸನ್ ನಟನೆ – ವರದಿ
ಪೊಲೀಸರ ಭರ್ಜರಿ ಕಾರ್ಯಾಚರಣೆ: ದಾಖಲೆ ಇಲ್ಲದೇ ಕಾರಿನಲ್ಲಿ ಸಾಗಿಸುತ್ತಿದ್ದ 2.93 ಕೋಟಿ ಜಪ್ತಿ
Kushtagi: ವಸತಿ ನಿಲಯದ ಅವ್ಯವಸ್ಥೆ; ವಿದ್ಯಾರ್ಥಿಗಳಿಂದ ಪ್ರತಿಭಟನೆ
Bengaluru:ನಗರ್ತಪೇಟೆಯಲ್ಲಿ ಬಿಜೆಪಿ ಪ್ರತಿಭಟನೆಯ ಕಿಚ್ಚು; ಕ್ರಮದ ಭರವಸೆ, ಪ್ರತಿಭಟನೆ ವಾಪಸ್