ಇಂದಿನಿಂದ ದುಬೈ ಕಬಡ್ಡಿ ಲೀಗ್‌:ಭಾರತ-ಪಾಕ್‌ ನಡುವೆ ಉದ್ಘಾಟನಾ ಪಂದ್ಯ

Team Udayavani, Jun 22, 2018, 11:15 AM IST

ದುಬೈ: ಭಾರತ ಸೇರಿದಂತೆ 6 ತಂಡಗಳ ನಡುವಿನ, 9 ದಿನಗಳ ದುಬೈ ಪ್ರೀಮಿಯರ್‌ ಅಂತಾರಾಷ್ಟ್ರೀಯ ಕಬಡ್ಡಿ ಟೂರ್ನಿ ಶುಕ್ರವಾರದಿಂದ ದುಬೈನಲ್ಲಿ ಆರಂಭವಾಗಲಿದೆ. ಭಾರತ ಮತ್ತು ಪಾಕಿಸ್ತಾನ ಒಂದೇ ಬಣ (“ಎ’) ದಲ್ಲಿದ್ದು ಶುಕ್ರವಾರದ ಉದ್ಘಾಟನಾ ಪಂದ್ಯದಲ್ಲಿ ಮುಖಾಮುಖೀಯಾಗುತ್ತಿವೆ.

ಭಾಗವಹಿಸುತ್ತಿರುವ ರಾಷ್ಟ್ರಗಳು: ಭಾರತ, ಇರಾನ್‌, ಪಾಕಿಸ್ತಾನ, ರಿಪಬ್ಲಿಕ್‌ ಆಫ್ ಕೊರಿಯಾ, ಕೀನ್ಯಾ ಮತ್ತು ಅರ್ಜೆಂಟೀನಾ ತಂಡಗಳು ಪಾಲ್ಗೊಳ್ಳುತ್ತಿವೆ.

ಪ್ರೊಕಬಡ್ಡಿ ಮಾದರಿಯ ನಿಯಮಗಳೇ ಈ ಲೀಗ್‌ಗೂ ಅನ್ವಯವಾಗಲಿದೆ. “ಎ’ ವಿಭಾಗದ ಭಾರತ ಪಾಕ್‌ ಮತ್ತು ಕೀನ್ಯಾ ತಂಡಗಳಿವೆ. “ಬಿ’ ವಿಭಾಗದಲ್ಲಿ ಇರಾನ್‌, ರಿಪಬ್ಲಿಕ್‌ ಆಫ್ ಕೊರಿಯಾ ಮತ್ತು ಅರ್ಜೆಂಟೀನಾ ತಂಡಗಳು ಸ್ಥಾನ ಪಡೆದಿವೆ. ಲೀಗ್‌ ಹಂತದಲ್ಲಿ ಪ್ರತಿಯೊಂದು ತಂಡ ಉಳಿದೆರಡು ತಂಡಗಳ ವಿರುದ್ಧ 2 ಪಂದ್ಯಗಳನ್ನು ಆಡಲಿದೆ. ಅತ್ಯಧಿಕ ಅಂಕ ಸಂಪಾದಿಸಿದ ಪ್ರತಿ ವಿಭಾಗದ 2 ತಂಡಗಳು ಸೆಮಿಫೈನಲ್‌ ಪ್ರವೇಶಿಸಲಿವೆ. ಜೂ.30ರಂದು ಪ್ರಶಸ್ತಿ ಸಮರ ನಡೆಯಲಿದೆ.

ಭಾರತದ ಪಂದ್ಯಗಳು: ಪಾಕಿಸ್ತಾನ ವಿರುದ್ಧ ಜೂ. 22 (ರಾತ್ರಿ 8.00) ಮತ್ತು ಜೂ. 25 (ರಾತ್ರಿ 9.00), ಕೀನ್ಯಾ ವಿರುದ್ಧ ಜೂ. 23 (ರಾತ್ರಿ 9.00) ಮತ್ತು ಜೂ. 26 (ರಾತ್ರಿ 9.00).

ಭಾರತ ತಂಡ: ಅಜಯ್‌ ಠಾಕೂರ್‌ (ನಾಯಕ),ಮಂಜಿತ್‌ ಚಿಲ್ಲರ್‌, ಗಿರೀಶ್‌ ಮಾರುತಿ, ಎರ್ನಾಕ್‌,ಸುರ್ಜಿತ್‌, ರಾಜುಲಾಲ್‌ ಚೌಧರಿ, ಸುರೇಂದರ್‌ ನಾಡ,ಮೋಹಿತ್‌ ಚಿಲ್ಲರ್‌, ದೀಪಕ್‌ ನಿವಾಸ್‌ ಹೂಡ, ಸಂದೀಪ್‌ ನರ್ವಾಲ್‌, ಪ್ರದೀಪ್‌ ನರ್ವಾಲ್‌, ರೋಹಿತ್‌ ಕುಮಾರ್‌, ರಿಷಾಂಕ್‌ ದೇವಾಡಿಗ, ರಾಹುಲ್‌ ಚೌಧರಿ, ಮೋನು ಗೋಯತ್‌.

ನೇರ ಪ್ರಸಾರ: ಸ್ಟಾರ್‌ ಸ್ಫೋರ್ಟ್ಸ್ 2

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ