ಭಾರತ-ಆಸ್ಟ್ರೇಲಿಯ ಜೋಡಿಯ ಪ್ರೇಮಪರ್ವ!

Team Udayavani, Nov 30, 2020, 8:03 AM IST

ಸಿಡ್ನಿ,: ಭಾರತ- ಆಸ್ಟ್ರೇಲಿಯಾ ನಡುವಿನ ಎರಡನೇ ಏಕದಿನ ಪಂದ್ಯವು ವಿಶೇಷ ಘಟನೆಗೆ ಸಾಕ್ಷಿಯಾಯಿತು. ಒಂದು ಕಡೆ ಕೊಹ್ಲಿ-ಅಯ್ಯರ್‌ ರನ್‌ ಬೆನ್ನಟ್ಟಲು ಹೋರಾಟ ನಡೆಸುತ್ತಿದ್ದರು. ಭಾರತದ ಮೊತ್ತ 2ಕ್ಕೆ 126 ರನ್‌ ಆಗಿತ್ತು. ಆಗ ಪ್ರೇಕ್ಷಕರ ಗ್ಯಾಲರಿಯಲ್ಲಿ ವಿಚಿತ್ರವೊಂದು ಕಂಡುಬಂತು.

ಭಾರತೀಯ ಮೂಲದ ಯುವಕನೊಬ್ಬ, ಆಸ್ಟ್ರೇಲಿಯ ಯುವತಿಯೊಬ್ಬಳಿಗೆ ಪ್ರೇಮ ನಿವೇದನೆ ಮಾಡುತ್ತಿದ್ದ. ಇದಕ್ಕೆ ಆಕೆಯ ಅಂಗೀಕಾರವೂ ಸಿಕ್ಕಿತು. ಈ ದೃಶ್ಯ ನೇರ ಪ್ರಸಾರ ಕಂಡಿತು. ಇದಕ್ಕೆ ಸಂಬಂಧಿಸಿದ ಟ್ವೀಟ್‌ ಎಲ್ಲಕಡೆ ಹರಿದಾಡಿತು. ಫೀಲ್ಡಿಂಗ್ ಮಾಡುತ್ತಿದ್ದ ಆಸೀಸ್ ಆಟಗಾರ ಗ್ಲೆನ್ ಮ್ಯಾಕ್ಸ್‌ವೆಲ್‌ ಚಪ್ಪಾಳೆ ತಟ್ಟಿ ಸಂಭ್ರಮಿಸಿದರು!

ಕೊಹ್ಲಿ 22 ಸಾವಿರ ರನ್‌ ಪೂರ್ತಿ

ಭಾರತ ತಂಡದ ನಾಯಕ ವಿರಾಟ್‌ ಕೊಹ್ಲಿ ರವಿವಾರದ ಏಕದಿನ ಪಂದ್ಯದ ವೇಳೆ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ 22 ಸಾವಿರ ರನ್‌ ಪೂರ್ತಿಗೊಳಿಸಿದರು. ಅವರು ಈ ಸಾಧನೆಗೈದ ವಿಶ್ವದ 8ನೇ ಹಾಗೂ ಭಾರತ 3ನೇ ಬ್ಯಾಟ್ಸ್‌ಮನ್‌. ಕೊಹ್ಲಿ 462 ಇನ್ನಿಂಗ್ಸ್‌ಗಳಿಂದ 22,011 ರನ್‌ ಪೇರಿಸಿದ್ದಾರೆ. ಅತೀ ಕಡಿಮೆ 418 ಪಂದ್ಯಗಳಿಂದ ಈ ಮೈಲುಗಲ್ಲು ನೆಟ್ಟದ್ದು ಕೊಹ್ಲಿ ಪಾಲಿನ ಹೆಗ್ಗಳಿಕೆ.

34,357 ರನ್‌ ಬಾರಿಸಿದ ಸಚಿನ್‌ ತೆಂಡುಲ್ಕರ್‌ ಅಗ್ರಸ್ಥಾನದಲ್ಲಿದ್ದಾರೆ. ಭಾರತದ ಮತ್ತೋರ್ವ ಸಾಧಕ ರಾಹುಲ್‌ ದ್ರಾವಿಡ್‌. ಅವರ ಗಳಿಕೆ 24,208 ರನ್‌.