ಜಪಾನ್ ಟೆನಿಸ್ ತಾರೆ ಒಸಾಕಾ ನಿರ್ಗಮನ
Team Udayavani, Jul 28, 2021, 6:10 AM IST
ಟೋಕಿಯೋ : ವಿಶ್ವ ನಂ.2 ಮಹಿಳಾ ಟೆನಿಸ್ ಆಟಗಾರ್ತಿ ಆತಿಥೇಯ ಜಪಾನಿನ ನವೋಮಿ ಒಸಾಕಾ ಆಘಾತಕಾರಿ ಸೋಲನುಭವಿಸಿದ್ದಾರೆ. ಈ ಬಾರಿ ಒಲಿಂಪಿಕ್ಸ್ ಮಹಿಳಾ ಸಿಂಗಲ್ಸ್ನಲ್ಲಿ ಒಸಾಕಾ ಚಿನ್ನವನ್ನು ಗೆದ್ದೇ ಗೆಲ್ಲುತ್ತಾರೆಂದು ಊಹಿಸಲಾಗಿತ್ತು. ಆದರೆ ಎಲ್ಲ ಲೆಕ್ಕಾಚಾರಗಳೂ ತಲೆಕೆಳಗಾಗಿವೆ.
ಮೂರನೇ ಸುತ್ತಿನಲ್ಲಿ ಅವರು ಚೆಕ್ ಗಣರಾಜ್ಯದ ಮರ್ಕೆಟ ವಾಂಡ್ರೊಸೊವಾ ವಿರುದ್ದ 6-1, 6-4ರಿಂದ ಸೋಲನುಭವಿಸಿದರು. ವಾಂಡ್ರೊಸೊವಾ ಫ್ರೆಂಚ್ ಓಪನ್ ಗ್ರ್ಯಾನ್ಸ್ಲ್ಯಾಮ್ನಲ್ಲಿ ಫೈನಲ್ಗೇರಿದ್ದರು ಎನ್ನುವುದನ್ನು ಇಲ್ಲಿ ಗಮನಿಸಬೇಕು. ಜಪಾನ್ನಲ್ಲಿ ಹುಟ್ಟಿ, ಅಮೆರಿಕದಲ್ಲಿ ಬೆಳೆದ ಒಸಾಕಾ ಈ ಪಂದ್ಯದಲ್ಲಿ ತಿಣುಕಾಡಿದರು. ಅವರ ಸಹಜ ಆಟ ಇಲ್ಲಿ ಕಂಡು ಬರಲಿಲ್ಲ. ತನ್ನದೇ ನೆಲದಲ್ಲಿ, ಅದೂ ಒಲಿಂಪಿಕ್ಸ್ನಲ್ಲಿ ಆಡಿದ ಪರಿಣಾಮ ಒಸಾಕಾ ಒತ್ತಡಕ್ಕೆ ಸಿಲುಕಿದರು ಎಂದು ಗೆದ್ದ ವಾಂಡ್ರೊಸೊವಾ ಹೇಳಿದ್ದು ಪರಿಸ್ಥಿತಿಯ ಸ್ಪಷ್ಟ ಚಿತ್ರಣವಿದ್ದಂತಿತ್ತು.
ಟೋಕ್ಯೊ ಒಲಿಂಪಿಕ್ಸ್ ಉದ್ಘಾಟನಾ ಸಮಾರಂಭದಲ್ಲಿ ಕ್ರೀಡಾಜ್ಯೋತಿಯನ್ನು ಬೆಳಗುವ ಹೊಣೆ ಹೊತ್ತಿದ್ದ ಒಸಾಕಾ ಸೋತಿದ್ದು ಇಡೀ ಜಪಾನೀಯರಿಗೆ ನಿರಾಶೆ ಮೂಡಿಸಿದೆ. ಜಪಾನ್ನಲ್ಲಿ ಆಕೆ ಸೂಪರ್ ಸ್ಟಾರ್ ಎನ್ನುವುದನ್ನು ಗಮನಿಸಬೇಕು. ಪಂದ್ಯದಲ್ಲಿ ಸೋತ ಬಳಿಕ, ಒಸಾಕಾ ಮೈದಾನದಿಂದ ನೇರವಾಗಿ ಹೊರ ನಡೆದರು, ಮಾಧ್ಯಮದವರಿಗೂ ಪ್ರತಿಕ್ರಿಯೆ ನೀಡಲಿಲ್ಲ. ಇತ್ತೀಚೆಗೆ ಒಸಾಕಾ ಮಾಧ್ಯಮದವರನ್ನು ದೂರವಿಟ್ಟಿದ್ದಾರೆ. ವಿಂಬಲ್ಡನ್ನಲ್ಲೂ ಅವರು ಮಾಧ್ಯಮದವರಿಗೆ ಪ್ರತಿಕ್ರಿಯೆ ನೀಡದೇ, ಕೂಟದಿಂದಲೇ ಹೊರ ನಡೆದಿದ್ದರು, ಆಗದು ವಿವಾದವಾಗಿತ್ತು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Lok Sabha Election; ದಕ್ಷಿಣ ಕನ್ನಡದಲ್ಲಿ ಹೊಸ ಮುಖಗಳ ಹುರುಪಿನ ಸೆಣಸಾಟ
Defense Expenditure: 2023ರಲ್ಲಿ ವಿಶ್ವದಲ್ಲೇ ಭಾರತಕ್ಕೆ ನಾಲ್ಕನೇ ಸ್ಥಾನ
Editorial: ಹಿರಿಯ ನಾಗರಿಕರಿಗೂ ಆರೋಗ್ಯ ವಿಮೆ: ದಿಟ್ಟ ನಿರ್ಧಾರ
Bhojshala: ವೈಜ್ಞಾನಿಕ ಸಮೀಕ್ಷೆಗೆ 8 ವಾರ ಕಾಲಾವಕಾಶ ಕೋರಿದ ಎಎಸ್ಐ
Kollam; ವಿಪಕ್ಷಗಳ ಮೇಲೆ ಆರೋಪ ಹೊರಿಸಿ ಪೇಚಿಗೆ ಸಿಲುಕಿದ ಬಿಜೆಪಿ ಅಭ್ಯರ್ಥಿ!