138 ರನ್ ಮುನ್ನಡೆಯಲ್ಲಿ ಕಿವೀಸ್
Team Udayavani, Aug 26, 2019, 5:54 AM IST
ಕೊಲಂಬೊ: ಮಳೆಪೀಡಿತ ಕೊಲಂಬೊ ಟೆಸ್ಟ್ ಪಂದ್ಯದಲ್ಲಿ ಪ್ರವಾಸಿ ನ್ಯೂಜಿಲ್ಯಾಂಡ್ ಅಮೋಘ ಬ್ಯಾಟಿಂಗ್ ಪ್ರದರ್ಶನ ಮುಂದುವರಿಸಿದೆ. 4ನೇ ದಿನದಾಟದ ಅಂತ್ಯಕ್ಕೆ 138 ರನ್ನುಗಳ ಮುನ್ನಡೆ ಗಳಿಸಿದೆ.
ಶ್ರೀಲಂಕಾದ 244 ರನ್ನುಗಳ ಮೊದಲ ಇನ್ನಿಂಗ್ಸ್ಗೆ ಉತ್ತರವಾಗಿ ನ್ಯೂಜಿಲ್ಯಾಂಡ್ ದಾಖಲಿಸಿದ ಸ್ಕೋರ್ 5 ವಿಕೆಟಿಗೆ 382 ರನ್. ಕೀಪರ್ ಬ್ರಾಡ್ಲಿ ವಾಟಿÉಂಗ್ 81 ಮತ್ತು ಕಾಲಿನ್ ಡಿ ಗ್ರ್ಯಾಂಡ್ಹೋಮ್ 83 ರನ್ ಗಳಿಸಿ ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ. ಈ ಜೋಡಿಯಿಂದ ಮುರಿಯದ 6ನೇ ವಿಕೆಟಿಗೆ 113 ರನ್ ಒಟ್ಟುಗೂಡಿದೆ. 111 ರನ್ ಗಳಿಸಿ ಅಜೇಯರಾಗಿದ್ದ ಆರಂಭಕಾರ ಟಾಮ್ ಲ್ಯಾಥಂ 154ರ ತನಕ ಸಾಗಿದರು.
ಸೋಮವಾರ ಪಂದ್ಯದ ಕೊನೆಯ ದಿನ. ಆದರೆ ಇನ್ನೂ ಒಂದು ಇನ್ನಿಂಗ್ಸ್ ಕೂಡ ಪೂರ್ತಿಯಾಗದ ಕಾರಣ ಈ ಪಂದ್ಯ ಡ್ರಾಗೊಳ್ಳುವುದು ಬಹುತೇಕ ಖಚಿತ. ಆಗ ಶ್ರೀಲಂಕಾ 2 ಪಂದ್ಯಗಳ ಸರಣಿಯನ್ನು ತನ್ನದಾಗಿಸಿಕೊಳ್ಳಲಿದೆ. ಗಾಲೆ ಪಂದ್ಯವನ್ನು ಲಂಕಾ 6 ವಿಕೆಟ್ಗಳಿಂದ ಗೆದ್ದಿತ್ತು.
ಸಂಕ್ಷಿಪ್ತ ಸ್ಕೋರ್: ಶ್ರೀಲಂಕಾ-244. ನ್ಯೂಜಿಲ್ಯಾಂಡ್-5 ವಿಕೆಟಿಗೆ 382.