ದ್ವಿತೀಯ ಟೆಸ್ಟ್: ಸರೆಲ್ ಇರ್ವೀ ಚೊಚ್ಚಲ ಶತಕ; ದಕ್ಷಿಣ ಆಫ್ರಿಕಾ ಚೇತರಿಕೆ
Team Udayavani, Feb 25, 2022, 6:34 PM IST
ಕ್ರೈಸ್ಟ್ಚರ್ಚ್: ಎಡಗೈ ಓಪನರ್ ಸರೆಲ್ ಇರ್ವೀ ಬಾರಿಸಿದ ಚೊಚ್ಚಲ ಶತಕದ ನೆರವಿನಿಂದ ನ್ಯೂಜಿಲ್ಯಾಂಡ್ ಎದುರಿನ ದ್ವಿತೀಯ ಟೆಸ್ಟ್ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ಉತ್ತಮ ಆರಂಭ ಪಡೆದಿದೆ. 3 ವಿಕೆಟಿಗೆ 238 ರನ್ ಗಳಿಸಿ ಮೊದಲ ದಿನದಾಟ ಮುಗಿಸಿದೆ.
ಸರೆಲ್ ಇರ್ವೀ 108 ರನ್ ಬಾರಿಸಿದರು. ಇದು ಅವರ ದ್ವಿತೀಯ ಟೆಸ್ಟ್. 221 ಎಸೆತಗಳನ್ನು ನಿಭಾಯಿಸಿ ನಿಂತ ಇರ್ವೀ 14 ಬೌಂಡರಿ ಹೊಡೆದರು. ನಾಯಕ ಡೀನ್ ಎಲ್ಗರ್ ಅವರೊಂದಿಗೆ ಮೊದಲ ವಿಕೆಟಿಗೆ 111 ರನ್ ಒಟ್ಟುಗೂಡಿಸಿದರು. ಎಲ್ಗರ್ ಗಳಿಕೆ 41 ರನ್.
ಐಡನ್ ಮಾರ್ಕ್ರಮ್ (42) ಅವರೊಂದಿಗೆ ದ್ವಿತೀಯ ವಿಕೆಟಿಗೆ 87 ರನ್ ಒಟ್ಟುಗೂಡಿಸಿದ ಇರ್ವೀ ಮತ್ತೊಂದು ಉಪಯುಕ್ತ ಜತೆಯಾಟದಲ್ಲಿ ಪಾಲ್ಗೊಂಡರು. ಆದರೆ ಇವರಿಬ್ಬರನ್ನು 199ರ ಮೊತ್ತದಲ್ಲಿ ಒಟ್ಟೊಟ್ಟಿಗೇ ಪೆವಿಲಿಯನ್ಗೆ ಕಳುಹಿಸುವ ಮೂಲಕ ನ್ಯೂಜಿಲ್ಯಾಂಡ್ ನಿಟ್ಟುಸಿರೆಳೆಯಿತು. ಡುಸೆನ್ 13, ಬವುಮ 22 ರನ್ ಮಾಡಿ ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ.
ಟಿಮ್ ಸೌಥಿ, ಮ್ಯಾಟ್ ಹೆನ್ರಿ ಮತ್ತು ನೀಲ್ ವ್ಯಾಗ್ನರ್ 3 ವಿಕೆಟ್ಗಳನ್ನು ಹಂಚಿಕೊಂಡರು. ಮೊದಲ ಟೆಸ್ಟ್ ಪಂದ್ಯವನ್ನು ಇನ್ನಿಂಗ್ಸ್ ಹಾಗೂ 276 ರನ್ನುಗಳ ಭಾರೀ ಅಂತರದಿಂದ ಗೆದ್ದ ನ್ಯೂಜಿಲ್ಯಾಂಡ್ 1-0 ಮುನ್ನಡೆ ಯಲ್ಲಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Madhya Pradesh Rally; ಕೈಯಿಂದ ಮೀಸಲಾತಿ ಕಸಿಯುವ ಯತ್ನ: ಪ್ರಧಾನಿ ಮೋದಿ
ಕೊಲೆಗಾಗಿಯೇ ಚಾಕು ಖರೀದಿಸಿದ್ದ ಫಯಾಜ್: ಮೂರೂವರೆ ತಾಸು ಸ್ಥಳ ಮಹಜರು ಮಾಡಿದ ಸಿಐಡಿ ತಂಡ
Congress ಅಭ್ಯರ್ಥಿ ಡಿ.ಕೆ. ಸುರೇಶ್ 6 ಮಂದಿ ಆಪ್ತರ ಮನೆ ಮೇಲೆ ಐಟಿ ದಾಳಿ
Congress ವಿರುದ್ಧ ಬಿಜೆಪಿ ಕ್ಯೂಆರ್ ಕೋಡ್ ಸಮರ
Lok Sabha Elections; ಕುಮಾರಸ್ವಾಮಿ ಪರ ಕೊನೆಗೂ ಪ್ರಚಾರಕ್ಕೆ ಬಾರದ ಸುಮಲತಾ