ನ್ಯೂಜಿಲ್ಯಾಂಡ್ ವಿರುದ್ಧದ ಟಿ20 ಸರಣಿಗೆ ಪಾಕ್ ತಂಡ
Team Udayavani, Jan 11, 2018, 11:35 AM IST
ಲಾಹೋರ್: ಈ ತಿಂಗಳ ಅಂತ್ಯದಲ್ಲಿ ನ್ಯೂಜಿಲ್ಯಾಂಡ್ ವಿರುದ್ಧ ನಡೆಯಲಿರುವ ಮೂರು ಪಂದ್ಯಗಳ ಟ್ವೆಂಟಿ20 ಸರಣಿಗೆ ಬುಧವಾರ ಪಾಕಿಸ್ಥಾನ ತಂಡವನ್ನು ಆಯ್ಕೆ ಮಾಡಲಾಗಿದೆ. ಅಹ್ಮದ್ ಶೆಹಜಾದ್ ಅವರನ್ನು ಮರಳಿ ತಂಡಕ್ಕೆ ಸೇರಿಸಿಕೊಳ್ಳಲಾಗಿದ್ದರೆ ಕಮ್ರಾನ್ ಅಕ್ಮಲ್ ಅವರನ್ನು ಕಡೆಗಣಿಸಲಾಗಿದೆ.
ಕಳೆದ ನವೆಂಬರ್ನಲ್ಲಿ ಲಾಹೋರ್ನಲ್ಲಿ ಶ್ರೀಲಂಕಾ ವಿರುದ್ಧ ನಡೆದ ಮೂರನೇ ಟ್ವೆಂಟಿ20 ಪಂದ್ಯಕ್ಕೆ 26ರ ಹರೆಯದ ಶೆಹಜಾದ್ ಅವರನ್ನು ತಂಡದಿಂದ ಕೈಬಿಡಲಾಗಿತ್ತು. ಆದರೆ ಇತ್ತೀಚೆಗೆ ಅವರ ಉತ್ತಮ ಫಾರ್ಮ್ನ ಆಧಾರದಲ್ಲಿ ತಂಡಕ್ಕೆ ಮತ್ತೆ ಮರಳಲು ಯಶಸ್ವಿಯಾದರು. ಆದರೆ 35ರ ಹರೆಯದ ಅಕ್ಮಲ್ಗೆ ಅದೃಷ್ಟ ಒಲಿಯಲಿಲ್ಲ. ದೇಶೀಯ ಕ್ರಿಕೆಟ್ ಕೂಟಗಳಲ್ಲಿ ಉತ್ತಮ ಪ್ರದರ್ಶನ ನೀಡಿದರೂ ಯಾವುದೇ ಪ್ರಯೋಜನವಾಗಿಲ್ಲ. ರಾಷ್ಟ್ರೀಯ ಟ್ವೆಂಟಿ20 ಕೂಟದಲ್ಲಿ 432 ರನ್ ಗಳಿಸುವ ಮೂಲಕ ಅಕ್ಮಲ್ ಗರಿಷ್ಠ ರನ್ ಗಳಿಸಿದ ಆಟಗಾರ ಎಂದೆನಿಸಿಕೊಂಡಿದ್ದರು. ಕಳೆದ ವಾರ ನಡೆದ ದೇಶೀಯ ವನ್ಡೇ ಕಪ್ನಲ್ಲಿ ದ್ವಿಶತಕ ಕೂಡ ಬಾರಿಸಿದ್ದರು.
ನ್ಯೂಜಿಲ್ಯಾಂಡ್ ವಿರುದ್ಧದ ಏಕದಿನ ಸರಣಿಗೆ ಆಯ್ಕೆಯಾಗದ ಆಲ್ರೌಂಡರ್ ಇಮದ್ ವಸೀಮ್ ಮಂಡಿ ನೋವಿನಿಂದಾಗಿ ಟ್ವೆಂಟಿ20 ಸರಣಿಗೆ ಆಯ್ಕೆಯಾಗಿಲ್ಲ ಎಂದು ಮುಖ್ಯ ಆಯ್ಕೆಗಾರ ಇಂಝಮಾಮ್ ಉಲ್ ಹಕ್ ಹೇಳಿದ್ದಾರೆ.
ಪಾಕಿಸ್ಥಾನ ತಂಡ
ಸರ್ಪರಾಜ್ ಅಹ್ಮದ್ (ನಾಯಕ), ಫಖಾರ್ ಜಮಾನ್, ಅಹ್ಮದ್ ಶೆಹಜಾದ್, ಬಾಬರ್ ಅಜಂ, ಶೋಯಿಬ್ ಮಲಿಕ್, ಹ್ಯಾರಿಸ್ ಸೊಹೈಲ್, ಮೊಹಮ್ಮದ್ ಹಫೀಜ್, ಮೊಹಮ್ಮದ್ ನವಾಜ್, ಶಾದಾಬ್ ಖಾನ್, ಫಹೀಮ್ ಅಶ್ರಫ್, ಆಮಿರ್ ಯಾಮಿನ್, ಮೊಹಮ್ಮದ್ ಆಮಿರ್, ಹಸನ್ ಅಲಿ, ರುಮ್ಮಾನ್ ರಯೀಸ್, ಉಮರ್ ಅಮಿನ್.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Bidar; ನೇಹಾ ಪ್ರಕರಣದಲ್ಲಿ ಬಿಜೆಪಿ ರಾಜಕೀಯ ಮಾಡುವುದು ಸರಿಯಲ್ಲ: ಸಿಎಂ ಸಿದ್ಧರಾಮಯ್ಯ
Students Notes: ಸ್ಕ್ರೀನ್ ಶಾರ್ಟ್ಗಳೆಂದು ಪುಸ್ತಕವಾಗದಿರಲಿ
ತೆಲುಗಿನಲ್ಲಿ ಮಾಲಾಶ್ರೀ ಚಿತ್ರ; ಮಾರಕಾಸ್ತ್ರ ಈಗ ಮಾರಣಾಯುಧಂ
Devadurga: ಅಪಘಾತದಲ್ಲಿ ಬೈಕ್ ಸವಾರರಿಬ್ಬರು ಸಾವು
Arunachal Pradesh: ಧಾರಾಕಾರ ಮಳೆ… ಭೂಕುಸಿತ, ಕೊಚ್ಚಿಹೋದ ಚೀನಾ ಗಡಿ ಸಂಪರ್ಕ ಹೆದ್ದಾರಿ