ಪ್ಯಾಟ್ ಕಮಿನ್ಸ್ ನಂ.1 ಟೆಸ್ಟ್ ಬೌಲರ್
Team Udayavani, Feb 18, 2019, 12:30 AM IST
ದುಬಾೖ: ಶ್ರೀಲಂಕಾ ವಿರುದ್ಧದ ಡರ್ಬನ್ ಟೆಸ್ಟ್ ಪಂದ್ಯವನ್ನು ಒಂದು ವಿಕೆಟ್ನಿಂದ ಕಳೆದುಕೊಂಡ ಬಳಿಕ ದಕ್ಷಿಣ ಆಫ್ರಿಕಾ ವೇಗಿ ಕಾಗಿಸೊ ರಬಾಡ ನಂಬರ್ ವನ್ ಬೌಲರ್ ಪಟ್ಟವನ್ನು ಕಳೆದುಕೊಂಡಿದ್ದಾರೆ. ಅವರೀಗ 3ನೇ ಸ್ಥಾನಕ್ಕೆ ಇಳಿದಿದ್ದು, ಆಸ್ಟ್ರೇಲಿಯದ ಪ್ಯಾಟ್ ಕಮಿನ್ಸ್ ಬೌಲಿಂಗ್ ವಿಭಾಗದ ಅಗ್ರಸ್ಥಾನ ಅಲಂಕರಿಸಿದ್ದಾರೆ.
ಬೌಲಿಂಗ್ ಲೆಜೆಂಡ್ ಗ್ಲೆನ್ ಮೆಕ್ಗ್ರಾತ್ ಬಳಿಕ ಟೆಸ್ಟ್ ಬೌಲಿಂಗ್ ಯಾದಿಯ ಅಗ್ರಸ್ಥಾನಕ್ಕೆ ನೆಗೆದ ಆಸ್ಟ್ರೇಲಿಯದ ಬೌಲರ್ ಎಂಬುದು ಪ್ಯಾಟ್ ಕಮಿನ್ಸ್ ಹೆಗ್ಗಳಿಕೆ. ಇಂಗ್ಲೆಂಡಿನ ಜೇಮ್ಸ್ ಆ್ಯಂಡರ್ಸನ್ 2ನೇ ಸ್ಥಾನದಲ್ಲಿದ್ದಾರೆ. ಡರ್ಬನ್ ಟೆಸ್ಟ್ನಲ್ಲಿ ರಬಾಡ 145 ರನ್ನಿಗೆ 3 ವಿಕೆಟ್ ಉರುಳಿಸಿ ಅತ್ಯಂತ ದುಬಾರಿಯಾಗಿ ಗೋಚರಿಸಿದ್ದರು.
ಶ್ರೀಲಂಕಾದ ಎಡಗೈ ಬೌಲರ್ ವಿಶ್ವ ಫೆರ್ನಾಂಡೊ 26 ಸ್ಥಾನ ಮೇಲೇರಿದ್ದು, ಜೀವನಶ್ರೇಷ್ಠ 49ನೇ ಸ್ಥಾನ ಅಲಂಕರಿಸಿದ್ದಾರೆ. ಕಸುನ್ ರಜಿತ 10 ಸ್ಥಾನಗಳ ಪ್ರಗತಿ ಕಂಡಿದ್ದಾರೆ (59). ಡರ್ಬನ್ನಲ್ಲಿ ಟೆಸ್ಟ್ ಪದಾರ್ಪಣೆ ಮಾಡಿದ ಲಸಿತ್ ಎಂಬುಲೆªàನಿಯ 68ನೇ ರ್ಯಾಂಕಿಂಗ್ನೊಂದಿಗೆ ಖಾತೆ ತೆರೆದಿದ್ದಾರೆ.
ಪೆರೆರ 58 ಸ್ಥಾನ ನೆಗೆತ
ಈ ಪಂದ್ಯದಲ್ಲಿ ಶ್ರೀಲಂಕಾದ ಅಮೋಘ ಗೆಲುವಿಗೆ ಕಾರಣರಾದ ಕುಸಲ್ ಪೆರೆರ ಬ್ಯಾಟಿಂಗ್ ರ್ಯಾಂಕಿಂಗ್ನಲ್ಲಿ ಒಮ್ಮೆಲೇ 58 ಸ್ಥಾನ ಮೇಲೇರಿ 40ನೇ ಸ್ಥಾನಕ್ಕೆ ಬಂದಿದ್ದಾರೆ. ಇದು ಅವರ ಜೀವನಶ್ರೇಷ್ಠ ರ್ಯಾಂಕಿಂಗ್ ಆಗಿದೆ. ಡರ್ಬನ್ನಲ್ಲಿ 51 ಹಾಗೂ ಅಜೇಯ 153 ರನ್ ಬಾರಿಸುವ ಮೂಲಕ ಗೆಲುವಿನ ಹೀರೋ ಆಗಿ ಮೂಡಿಬಂದಿದ್ದರು.
ದಕ್ಷಿಣ ಆಫ್ರಿಕಾ ಪರ ಕೀಪರ್ ಕ್ವಿಂಟನ್ ಡಿ ಕಾಕ್ 8ನೇ ಸ್ಥಾನಕ್ಕೆ ಬಂದಿದ್ದು, ಜೀವನಶ್ರೇಷ್ಠ 6ನೇ ರ್ಯಾಂಕಿಂಗನ್ನು ಸಮೀಪಿಸಿದ್ದಾರೆ. ಡಿ ಕಾಕ್ 2 ವರ್ಷಗಳ ಹಿಂದೆ 6ನೇ ರ್ಯಾಂಕಿಂಗ್ ಹೊಂದಿದ್ದರು.
ಟಾಪ್-10 ಟೆಸ್ಟ್ ಬೌಲರ್
1. ಪ್ಯಾಟ್ ಕಮಿನ್ಸ್ 878
2. ಜೇಮ್ಸ್ ಆ್ಯಂಡರ್ಸನ್ 862
3. ಕಾಗಿಸೊ ರಬಾಡ 849
4. ವೆರ್ನನ್ ಫಿಲಾಂಡರ್ 821
5. ರವೀಂದ್ರ ಜಡೇಜ 794
6. ಟ್ರೆಂಟ್ ಬೌಲ್ಟ್ 771
7. ಮೊಹಮ್ಮದ್ ಅಬ್ಟಾಸ್ 770
8. ಜಾಸನ್ ಹೋಲ್ಡರ್ 770
9. ಟಿಮ್ ಸೌಥಿ 767
10. ಆರ್. ಅಶ್ವಿನ್ 763
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Raksha Ramaiah: ಯಾರಿಗೆ ಟಿಕೆಟ್ ಕೊಟ್ಟರೂ ಅಭ್ಯರ್ಥಿ ಪರ ಕೆಲಸ ಮಾಡ್ತೇವೆ; ರಕ್ಷಾ ರಾಮಯ್ಯ
World’s largest ಅನಕೊಂಡ ಅನಾ ಜೂಲಿಯಾ ಸಾವು; ಆಗಿದ್ದೇನು?
Politics: ಅಮಿತ್ ಶಾ ಓರ್ವ ಗೂಂಡಾ, ರೌಡಿ: ಯತೀಂದ್ರ
Pralhad Joshi ವಿರುದ್ದ ಸಿಡಿದೆದ್ದ ದಿಂಗಾಲೇಶ್ವರ ಶ್ರಿಗಳಿಗೆ ವೀರಶೈವ ಮಹಾಸಭಾ ಬೆಂಬಲ
Online Bitcoin Gambling Enterprises: An Overview to Betting with Cryptocurrency