ಪ್ರೊ ಕಬಡ್ಡಿ: ಪಾಟ್ನಾ ಪೈರೇಟ್ಸ್-ತಮಿಳ್ ತಲೈವಾಸ್ ಪಂದ್ಯ ಟೈ
Team Udayavani, Nov 16, 2022, 11:07 PM IST
ಪುಣೆ: ಪಾಟ್ನಾ ಪೈರೇಟ್ಸ್ ಎದುರಿನ ಪ್ರೊ ಕಬಡ್ಡಿ ಮುಖಾಮುಖಿಯಲ್ಲಿ ಸೋಲನ್ನು ತಪ್ಪಿಸಿಕೊಂಡ ತಮಿಳ್ ತಲೈವಾಸ್ ಟೈ ಫಲಿತಾಂಶದಿಂದ ನಿಟ್ಟುಸಿರು ಬಿಟ್ಟಿದೆ. ಕೊನೆಯ ಕ್ಷಣದಲ್ಲಿ ದಿಟ್ಟ ಹೋರಾಟ ನೀಡಿದ ತಮಿಳ್ 33-33 ಅಂತರದಿಂದ ಪಂದ್ಯವನ್ನು ಸಮಬಲಕ್ಕೆ ತರಲು ಯಶಸ್ವಿಯಾಯಿತು.
ಪಾಟ್ನಾ ಪರ ರೈಡರ್ ಸಚಿನ್ ಸರ್ವಾಧಿಕ 14 ಅಂಕ ಆಲ್ರೌಂಡರ್ ರೋಹಿತ್ ಗುಲಿಯ 9 ಅಂಕ ಗಳಿಸಿದರೆ, ತಮಿಳ್ ರೈಡರ್ ನರೇಂದರ್ 16 ಅಂಕ ತಂದಿತ್ತರು. ಮತ್ತೋರ್ವ ರೈಡರ್ ಅಜಿಂಕ್ಯ ಪವಾರ್ 7 ಅಂಕ ಗಳಿಸುವಲ್ಲಿ ಯಶಸ್ವಿಯಾದರು. ಡಿಫೆಂಡರ್ ಸಾಹಿಲ್ ಗುಲಿಯಾ 4 ಅಂಕ ಗಳಿಸಿದರು.
ಯೋಧಾಸ್ ಭರ್ಜರಿ ಜಯ: ದ್ವಿತೀಯ ಪಂದ್ಯದಲ್ಲಿ ಯೋಧಾಸ್ 50-31 ಅಂಕಗಳ ಭಾರೀ ಅಂತರದಿಂದ ಡೆಲ್ಲಿಯನ್ನು ಕೆಡವಿತು. ಯೋಧಾಸ್ ರೈಡರ್ ಪದೀಪ್ ನರ್ವಾಲ್ 22 ಅಂಕಗಳೊಂದಿಗೆ aಮಿಂಚಿದರು. ಡೆಲ್ಲಿ ಆಲ್ರೌಂಡರ್ ವಿಜಯ್ ಮಲಿಕ್ 13 ಅಂಕ ಗಳಿಸಿ ಕೊಟ್ಟರು.