ದೇವರ ಹೆಸರು ಬಳಸಿ ಆನ್ಲೈನ್ ಬೆಟ್ಟಿಂಗ್!
Team Udayavani, Oct 22, 2020, 11:30 PM IST
ಸಾಂದರ್ಭಿಕ ಚಿತ್ರ
ಜೈಪುರ: ಆನ್ಲೈನ್ ಮೂಲಕ ನಡೆಯುತ್ತಿದ್ದ ಐಪಿಎಲ್ ಬೆಟ್ಟಿಂಗ್ ದಂಧೆಯೊಂದನ್ನು ರಾಜಸ್ಥಾನದ ಪೊಲೀಸರು ಪತ್ತೆ ಹಚ್ಚಿದ್ದಾರೆ. ಇದಕ್ಕೆ ದೇವರ ಹೆಸರನ್ನು ದುರುಪಯೋಗ ಪಡಿಸಿಕೊಂಡಿರುವುದು ಬೇಸರದ ಸಂಗತಿ.
ವಾಟ್ಸ್ಆ್ಯಪ್ನಲ್ಲಿ ಜೈ ಮಾತಾದಿ, ಜೈ ಗೋವಿಂದ್ ಜಿ, ಬಾಲಾಜಿ ಮಹಾರಾಜ್ ಕೀ ಜೈ, ಖೊರಿಯರ್ ಮಾತಾಕಿ… ಹೀಗೆಲ್ಲ ಗುಂಪುಗಳನ್ನು ಸೃಷ್ಟಿಸಲಾಗಿದೆ. ಇಲ್ಲಿ ಬೆಟ್ಟಿಂಗ್ ಸಂಬಂಧಿ ಚಟುವಟಿಕೆಗಳನ್ನು ನಡೆಸಲಾಗಿದೆ. ಈ ದಂಧೆಯನ್ನು ರಾಕೇಶ್ ರಾಜ್ಕೋಟ್ ಎಂಬ ವ್ಯಕ್ತಿ ದುಬಾೖಯಲ್ಲಿ ಇದ್ದುಕೊಂಡೇ ಡೈಮಂಡೆಕ್ಸ್$c.ಕಾಮ್ ಎಂಬ ವೆಬ್ಸೈಟ್ ಮೂಲಕ ನಿಯಂತ್ರಿಸುತ್ತಿದ್ದಾನೆ!
ಕೋಟ್ಯಂತರ ರೂ. ಹಂಚಲು ಬೆಟ್ಟಿಂಗ್ ಪಡೆ ಸಿದ್ಧವಾಗಿದೆ ಎಂಬ ಮಾಹಿತಿ ಜೈಪುರ ವಿಶೇಷ ಪೊಲೀಸ್ ಪಡೆಗೆ ಲಭಿಸಿತು. ಇದನ್ನು ಬೆನ್ನತ್ತಿ ಹೊರಟ ಪೊಲೀಸರು, ಜೈಪುರದ ಕೋಟ್ವಾಲಿ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ದಾಳಿ ನಡೆಸಿದರು. ಈ ವೇಳೆ ರಾಜ್ಕೋಟ್ ಜಿಲ್ಲೆಯ ರಣಧೀರ್ ಸಿಂಗ್, ಅಜೆ¾àರ್ನ ಕೃಪಾಲ್ ಸಿಂಗ್ ಅವರನ್ನು ಬಂಧಿಸಲಾಗಿದೆ. ದಾಳಿಯಲ್ಲಿ 4.18 ಕೋಟಿ ರೂ. ನಗದು, 2 ನಗದು ಯಂತ್ರ, 9 ಮೊಬೈಲ್ ಫೋನ್ಗಳು ವಶಪಡಿಸಿಕೊಳ್ಳಲಾಗಿದೆ. ಆರೋಪಿಗಳ ವಿರುದ್ಧ ಬೇರೆಬೇರೆ ಪ್ರಕರಣಗಳಡಿ ದೂರು ದಾಖಲಿಸಿಕೊಳ್ಳಲಾಗಿದೆ.