ರವೀಂದ್ರ ಜಡೇಜ ಮರಳಿ ನಂ.1
Team Udayavani, Jun 24, 2021, 6:30 AM IST
ದುಬಾೖ: ರವೀಂದ್ರ ಜಡೇಜ ಮರಳಿ ನಂ.1 ಟೆಸ್ಟ್ ಆಲ್ರೌಂಡರ್ ಸ್ಥಾನ ಅಲಂಕರಿಸಿದ್ದಾರೆ. ಈ ಸ್ಥಾನದಲ್ಲಿದ್ದ ವೆಸ್ಟ್ ಇಂಡೀಸ್ನ ಜಾಸನ್ ಹೋಲ್ಡರ್ ದ್ವಿತೀಯ ಸ್ಥಾನಕ್ಕೆ ಇಳಿದಿದ್ದಾರೆ.
ವೆಸ್ಟ್ ಇಂಡೀಸ್-ದಕ್ಷಿಣ ಆಫ್ರಿಕಾ ನಡುವಿನ 2 ಪಂದ್ಯಗಳ ಟೆಸ್ಟ್ ಸರಣಿ ಮುಗಿದ ಬಳಿಕ ರ್ಯಾಂಕಿಂಗ್ ಯಾದಿಯನ್ನು ಪರಿಷ್ಕರಿಸಲಾಯಿತು. ಈ ಸರಣಿಯ ಆರಂಭದಲ್ಲಿ ಹೋಲ್ಡರ್ 412 ಅಂಕಗಳೊಂದಿಗೆ ಅಗ್ರಸ್ಥಾನಿಯಾಗಿದ್ದರು. ಆದರೆ ಸರಣಿಯಲ್ಲಿ ಅನುಭವಿಸಿದ ವೈಫಲ್ಯದಿಂದ ಅವರು 28 ಅಂಕ ಕಳೆದುಕೊಳ್ಳಬೇಕಾಯಿತು. ಸದ್ಯ ಹೋಲ್ಡರ್ 384, ಜಡೇಜ 386 ಅಂಕ ಹೊಂದಿದ್ದಾರೆ.
ಬೆನ್ ಸ್ಟೋಕ್ಸ್ 3ನೇ (377), ಆರ್. ಅಶ್ವಿನ್ 4ನೇ (353) ಹಾಗೂ ಶಕಿಬ್ ಅಲ್ ಹಸನ್ 5ನೇ (338) ಸ್ಥಾನದಲ್ಲಿದ್ದಾರೆ.