ಕೆಕೆಆರ್ ನ ‘ಮಾಸ್ಟರ್ ಸ್ಟ್ರೋಕ್’ ಟ್ವೀಟ್ ಗೆ ವ್ಯಂಗ್ಯವಾಡಿದ ರವೀಂದ್ರ ಜಡೇಜಾ
Team Udayavani, Jan 10, 2022, 10:12 AM IST
ಮುಂಬೈ: ಟೀಂ ಇಂಡಿಯಾದ ಆಲ್ ರೌಂಡರ್ ರವೀಂದ್ರ ಜಡೇಜಾ ಕ್ರಿಕೆಟ್ ಮೈದಾನದಲ್ಲಿ ನಿರ್ಭೀತಿಯಿಂದ ಆಡಿದಂತೆ ಸಾಮಾಜಿಕ ಜಾಲತಾಣದಲ್ಲೂ ಕೆಲವೊಮ್ಮೆ ತಮ್ಮ ಕಮೆಂಟ್ ಗಳಿಂದ ಗಮನ ಸೆಳೆಯುತ್ತಾರೆ. ಐಪಿಎಲ್ ಫ್ರಾಂಚೈಸಿ ಕೆಕೆಆರ್ ಮಾಡಿದ ಟ್ವೀಟ್ ಗೆ ಜಡೇಜಾ ತಮ್ಮ ಕಮೆಂಟ್ ನಿಂದ ಕಾಲೆಳೆದಿದ್ದಾರೆ.
ಆ್ಯಶಸ್ ಸರಣಿಯ ನಾಲ್ಕನೇ ಪಂದ್ಯದ ಚಿತ್ರವೊಂದನ್ನು ಐಪಿಎಲ್ ನ ಚಿತ್ರಕ್ಕೆ ಹೋಲಿಕೆ ಮಾಡಿ ಕೆಕೆಆರ್ ಟ್ವೀಟ್ ಮಾಡಿತ್ತು. ಆಸೀಸ್ ತಂಡವು ಇಂಗ್ಲೆಂಡ್ ಬ್ಯಾಟರ್ ನ ಸುತ್ತಲೂ ಫೀಲ್ಡರ್ ಗಳ ಚಕ್ರವ್ಯೂಹವನ್ನು ರಚಿಸಿತ್ತು. ಈ ಚಿತ್ರ ಮತ್ತು ಐಪಿಎಲ್ ನಲ್ಲಿ ಕೆಕೆಆರ್ ತಂಡವು 2016ರಲ್ಲಿ ರೈಸಿಂಗ್ ಪುಣೆ ಸೂಪರ್ ಜೈಂಟ್ಸ್ ತಂಡದ ಎಂ.ಎಸ್.ಧೋನಿ ವಿರುದ್ಧ ಇಂತಹದ್ದೇ ಫೀಲ್ಡಿಂಗ್ ರಚಿಸಿತ್ತು. ಈ ಎರಡೂ ಚಿತ್ರವನ್ನು ಪೋಸ್ಟ್ ಮಾಡಿ, “ಆ ಸಮಯದಲ್ಲಿ ಟೆಸ್ಟ್ ಕ್ರಿಕೆಟ್ನಲ್ಲಿ ಒಂದು ಶ್ರೇಷ್ಠ ನಡೆ ನಿಮಗೆ ಟಿ20 ಮಾಸ್ಟರ್ ಸ್ಟ್ರೋಕ್ ಅನ್ನು ನೆನಪಿಸುತ್ತದೆ” ಎಂದು ಕ್ಯಾಪ್ಶನ್ ನೀಡಿತ್ತು.
ಇದನ್ನೂ ಓದಿ:ಅಡಿಲೇಡ್ ಇಂಟರ್ನ್ಯಾಶನಲ್ ಟೆನಿಸ್: ಬೋಪಣ್ಣ-ರಾಮ್ಕುಮಾರ್ ಚಾಂಪಿಯನ್
ಕೆಕೆಆರ್ ನ ಈ ಟ್ವೀಟ್ ಗೆ ಕಮೆಂಟ್ ಮಾಡಿರುವ ರವೀಂದ್ರ ಜಡೇಜಾ,” ಇದು ಮಾಸ್ಟರ್ ಸ್ಟ್ರೋಕ್ ಏನಲ್ಲ. ಇದು ಜಸ್ಟ್ ಶೋ ಆಫ್” ಎಂದು ವ್ಯಂಗ್ಯವಾಡಿದ್ದಾರೆ.
Its not a master stroke!Just a show off?
— Ravindrasinh jadeja (@imjadeja) January 9, 2022