ಬೋಪಣ್ಣ ಜೋಡಿಗೆ ಸೋಲು
Team Udayavani, Jan 12, 2018, 9:22 AM IST
ಸಿಡ್ನಿ: ಭಾರತದ ರೋಹನ್ ಬೋಪಣ್ಣ-ಫ್ರಾನ್ಸ್ನ ಎಡ್ವರ್ಡ್ ರೋಜರ್ ವೆಸಲಿನ್ “ಸಿಡ್ನಿ ಇಂಟರ್ನ್ಯಾಶನಲ್ ಟೆನಿಸ್’ ಪಂದ್ಯಾವಳಿಯ ಪುರುಷರ ಡಬಲ್ಸ್ ಸೆಮಿಫೈನಲ್ನಲ್ಲಿ ದಿಟ್ಟ ಹೋರಾಟದ ಬಳಿಕವೂ ಸೋಲನುಭವಿಸಿ ಹೊರಬಿದ್ದಿದ್ದಾರೆ. ಗುರುವಾರದ ಕಠಿನ ಕಾಳಗದಲ್ಲಿ ವಿಶ್ವದ ನಂಬರ್ ವನ್ ಜೋಡಿಯಾದ ಲುಕಾಸ್ ಕುಬಟ್ (ಪೋಲೆಂಡ್)- ಮಾರ್ಸೆಲೊ ಮೆಲೊ (ಬ್ರಝಿಲ್) ಸೇರಿಕೊಂಡು ಇಂಡೋ-ಫ್ರಾನ್ಸ್ ಜೋಡಿಯನ್ನು 6-4, 5-7, 10-8 ಅಂತರದಿಂದ ಮಣಿಸಿತು.
ದಿನದ ಇನ್ನೊಂದು ಸೆಮಿಫೈನಲ್ನಲ್ಲಿ ಜಾನ್ ಲೆನಾರ್ಡ್ (ಜರ್ಮನಿ)-ವಿಕ್ಟರ್ ಟ್ರೊಯಿಕಿ (ರೊಮೇನಿಯಾ) ಕೂಡಿ ಕೊಂಡು ದ್ವಿತೀಯ ಶ್ರೇಯಾಂಕದ ಜೀನ್ ಜೂಲಿಯನ್ ರೋಜರ್ (ಹಾಲೆಂಡ್)- ಹೊರಿಯ ಟೆಕು (ರೊಮೇನಿಯಾ) ವಿರುದ್ಧ 7-6 (5), 6-1 ಅಂತರದ ಜಯ ಒಲಿಸಿಕೊಂಡರು.