ಪಾಕ್ ವಿರುದ್ಧದ ಡೇವಿಸ್ ಕಪ್ ರೋಹಿತ್ ರಾಜ್ಪಾಲ್ ನಾಯಕ
Team Udayavani, Nov 4, 2019, 11:35 PM IST
ಹೊಸದಿಲ್ಲಿ: ಭಾರತದ ಮಾಜಿ ಟೆನಿಸಿಗ, ರಾಷ್ಟ್ರೀಯ ಆಯ್ಕೆ ಸಮಿತಿಯ ಮಾಜಿ ಅಧ್ಯಕ್ಷ ರೋಹಿತ್ ರಾಜ್ಪಾಲ್ ಅವರನ್ನು ಮುಂಬರುವ ಪಾಕಿಸ್ಥಾನ ವಿರುದ್ಧದ ಡೇವಿಸ್ ಕಪ್ ಪಂದ್ಯಾವಳಿಗಾಗಿ ಭಾರತ ತಂಡದ “ಆಡದ ನಾಯಕ’ನ ನ್ನಾಗಿ ನೇಮಿಸಲಾಗಿದೆ. ಇದರೊಂದಿಗೆ ಮಹೇಶ್ ಭೂಪತಿ ನಾಯಕತ್ವ ಕೊನೆಗೊಂಡಿದೆ.
ರಾಜಕೀಯ ಕಾರಣಗಳಿಂದ ಮುಂದೂಡಲ್ಪಟ್ಟ ಈ ಪಂದ್ಯಾವಳಿ ನ. 29 ಮತ್ತು 30ರಂದು ಇಸ್ಲಾಮಾ ಬಾದ್ನಲ್ಲಿ ನಡೆಯಬೇಕಿದೆ.
“ಅಖೀಲ ಭಾರತ ಟೆನಿಸ್ ಅಸೋ.ನ (ಎಐಟಿಎ) ಮಾಜಿ ಅಧ್ಯಕ್ಷ ಅನಿಲ್ ಖನ್ನಾ ಮತ್ತು ಅಧಿಕಾರಿ ಪ್ರವೀಣ್ ಮಹಾಜನ್ ಅವರು ರೋಹಿತ್ ರಾಜ್ಪಾಲ್ ಹೆಸರನ್ನು ಸೂಚಿಸಿದ್ದು, ಇದಕ್ಕೆ ಎಲ್ಲರೂ ಸಮ್ಮತಿಸಿದರು. ಅವರು ಆಡದ ನಾಯಕರಾಗಿ ಪಾಕಿಸ್ಥಾನಕ್ಕೆ ತೆರಳಲಿದ್ದಾರೆ ಹಾಗೂ ಈ ಸರಣಿಗಷ್ಟೇ ನಾಯಕರಾಗಿ ಇರುತ್ತಾರೆ’ ಎಂಬುದಾಗಿ ಎಐಟಿಎ ಮೂಲಗಳು ತಿಳಿಸಿವೆ.
ಆದರೆ ಈ ಕೂಟವನ್ನು ಇಸ್ಲಾಮಾಬಾದ್ನಿಂದ ಸ್ಥಳಾಂತರಿ ಸುವಂತೆ ಎಐಟಿಎ ಈಗಾಗಲೇ ಅಂತಾರಾಷ್ಟ್ರೀಯ ಟೆನಿಸ್ ಫೆಡರೇಶನ್ಗೆ (ಐಟಿಎಫ್) ಮನವಿ ಮಾಡಿದ್ದು, ಶೀಘ್ರವೇ ಐಟಿಎಫ್ ತನ್ನ ನಿರ್ಧಾರವನ್ನು ಪ್ರಕಟಿಸಲಿದೆ.
90ರ ದಶಕದ ಆಟಗಾರ
ರೋಹಿತ್ ರಾಜ್ಪಾಲ್ 1990ರಲ್ಲಿ ಕೊರಿಯಾ ವಿರುದ್ಧ ಸಿಯೋಲ್ನಲ್ಲಿ ಡೇವಿಸ್ ಕಪ್ಗೆ ಪದಾರ್ಪಣೆ ಮಾಡಿದ್ದರು. ಅವರು ಭಾರತವನ್ನು ಪ್ರತಿನಿಧಿಸಿದ ಏಕೈಕ ಸಂದರ್ಭ ಇದಾಗಿದೆ. ಅಂದಿನ ಕೂಟದಲ್ಲಿ ಭಾರತ 0-5 ಹೀನಾಯ ಸೋಲುಂಡಿತ್ತು.
48ರ ಹರೆಯದ ರೋಹಿತ್ ರಾಜ್ಪಾಲ್ ಕಳೆದ ವರ್ಷ ಟೆನಿಸ್ ಆಯ್ಕೆ ಸಮಿತಿಯ ಅಧ್ಯಕ್ಷರೂ ಆಗಿದ್ದರು. ಬಿಜೆಪಿ ರಾಜ್ಯ ಘಟಕದ ಸದಸ್ಯನೂ ಆಗಿರುವ ರಾಜ್ಪಾಲ್, ಪ್ರಸ್ತುತ ದಿಲ್ಲಿ ಲಾನ್ ಟೆನಿಸ್ ಅಸೋಸಿಯೇಸನ್ನ ಅಧ್ಯಕ್ಷರಾಗಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Sumalatha Ambareesh: ಟ್ವೀಟ್ನಲ್ಲಿ ಸಂಸದೆ ಸುಮಲತಾ ಅಂಬರೀಶ್ ವಿವೇಕದ ಪಾಠ
B.S.Yediyurappa: ಶಾಸಕ ಪ್ರಭು ಚವ್ಹಾಣ ಹೆಸರು ಹೇಳುತ್ತಿದ್ದಂತೆ ಬಿಎಸ್ವೈ ಗರಂ
Shimoga: ಈಶ್ವರಪ್ಪ ಪರ ಪ್ರಚಾರ ನಡೆಸಿದ್ದ ಮಹಿಳೆ ಮೇಲೆ ಹಲ್ಲೆ- ದೂರು
Bramavara: “ನನ್ನನ್ನು ಕ್ಷಮಿಸಿ’ ಎಂದು ಹೇಳಿ ನಾಪತ್ತೆ
Bird flu: ಕೇರಳದಲ್ಲಿ ಹಕ್ಕಿಜ್ವರ ಭೀತಿ; ಚೆಕ್ಪೋಸ್ಟ್ಗಳಲ್ಲಿ ತಪಾಸಣೆ