ಟೆಸ್ಟ್ ನಲ್ಲಿ ಚೊಚ್ಚಲ ದ್ವಿಶತಕದ ಸಾಧನೆ ಮಾಡಿದ ರೋಹಿತ್ ಶರ್ಮಾ
Team Udayavani, Oct 20, 2019, 12:23 PM IST
ರಾಂಚಿ: ಟೀಂ ಇಂಡಿಯಾ ಆರಂಭಿಕ ಆಟಗಾರ ರೊಹಿತ್ ಶರ್ಮಾ ಟೆಸ್ಟ್ ಕ್ರಿಕೆಟ್ ನ ಚೊಚ್ಚಲ ದ್ವಿಶತಕ ಸಿಡಿಸಿ ಸಂಭ್ರಮಿಸಿದ್ದಾರೆ. ಲುಂಗಿ ಎನ್ ಗಿಡಿ ಬೌಲಿಂಗ್ ನಲ್ಲಿ ಭರ್ಜರಿ ಸಿಕ್ಸರ್ ಬಾರಿಸಿ ಶರ್ಮಾ ಈ ಮೈಲಿಗಲ್ಲು ನೆಟ್ಟರು.
ಪ್ರವಾಸಿ ದಕ್ಷಿಣ ಆಫ್ರಿಕಾ ವಿರುದ್ಧದ ಸರಣಿಯ ಅಂತಿಮ ಟೆಸ್ಟ್ ಪಂದ್ಯದ ಮೊದಲ ಇನ್ನಿಂಗ್ಸ್ ನಲ್ಲಿ ರೋಹಿತ್ ಈ ಸಾಧನೆ ಮಾಡಿದರು.
ಹರಿಣಗಳ ವೇಗದ ಬೌಲಿಂಗ್ ವಿರುದ್ದ ಸಿಡಿದು ನಿಂತ ಶರ್ಮಾ ಭಾರತಕ್ಕೆ ಆಸರೆಯಾದರು. 249 ಎಸೆತ ಎದುರಿಸಿದ ರೋಹಿತ್ 24 ಬೌಂಡರಿ, ಐದು ಸಿಕ್ಸರ್ ಸಹಾಯದಿಂದ ದ್ವಿಶತಕದ ಗುರಿ ಮುಟ್ಟಿದರು.
ಸರಣಿಯಲ್ಲಿ ತನ್ನ ಬ್ಯಾಟಿಂಗ್ ವೈಭವವನ್ನು ಮುಂದುವರಿಸಿದ ಅವರು ಸರಣಿಯಲ್ಲಿ 500 ರನ್ ಪೂರ್ತಿಗೊಳಿಸಿದರು.