ಐದು ವರ್ಷದ ನಂತರ ಬ್ಯಾಟ್ ಹಿಡಿದ ಸಚಿನ್ ತೆಂಡೂಲ್ಕರ್: ಮೊದಲ ಎಸೆತದಲ್ಲೇ ಬೌಂಡರಿ
Team Udayavani, Feb 9, 2020, 3:25 PM IST
ಮೆಲ್ಬೋರ್ನ್: ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಸುಮಾರು ಐದು ವರ್ಷಗಳ ಬಳಿಕ ಮೈದಾನದಲ್ಲಿ ಬ್ಯಾಟ್ ಬೀಸಿದ್ದಾರೆ. ಇಲ್ಲಿ ನಡೆದ ಬುಷ್ ಫೈರ್ ಸಹಾಯಾರ್ಥ ಪಂದ್ಯದಲ್ಲಿ ಸಚಿನ್ ಬ್ಯಾಟಿಂಗ್ ನಡೆಸಿದರು.
ಇಂದು ಪಾಂಟಿಂಗ್ ಇಲೆವೆನ್ ಮತ್ತು ಗಿಲ್ ಕ್ರಿಸ್ಟ್ ಇಲೆವೆನ್ ನಡುವಿನ ಪಂದ್ಯ ನಡೆಯಿತು. ಪಾಂಟಿಂಗ್ ಇಲೆವೆನ್ ತಂಡದ ಕೋಚ್ ಆಗಿದ್ದ ಸಚಿನ್ ಇನ್ನಿಂಗ್ಸ್ ಬ್ರೇಕ್ ವೇಳೆ ಬ್ಯಾಟಿಂಗ್ ನಡೆಸಿದರು. ಇದಕ್ಕೂ ಒಂದು ವಿಶೇಷ ಕಾರಣವಿತ್ತು.
ಸಚಿನ್ ಬ್ಯಾಟಿಂಗ್ ಮಾಡುವುದು ಮೊದಲು ನಿಗಧಿಯಾಗಿರಲಿಲ್ಲ. ಆದರೆ ಆಸೀಸ್ ಆಟಗಾರ್ತಿ ಎಲ್ಸಿ ಪೆರ್ರಿ ಸಚಿನ್ ಗೆ ವಿಶೇಷ ಕೋರಿಕೆ ಸಲ್ಲಿಸಿದ್ದರು. ನೀವು ನಿವೃತ್ತಿಯಿಂದ ಹೊರಬಂದು ನಮಗಾಗಿ ಒಂದು ಓವರ್ ಆಡಬೇಕು. ನಮಗೆ ಇದರಿಂದ ಸಂತಸವಾಗಲಿದೆ. ಮತ್ತು ದೇಣಿಗೆಯೂ ಹೆಚ್ಚಾಗಲಿದೆ ಎಂದು ಮನವಿ ಮಾಡಿದ್ದರು.
ಇದರಂತೆ ಇನ್ನಿಂಗ್ಸ್ ಬ್ರೇಕ್ ವೇಳೆ ಸಚಿನ್ ತೆಂಡೂಲ್ಕರ್ ಬ್ಯಾಟಿಂಗ್ ಮಾಡಿದರು. ಎಲ್ಸಿ ಪೆರ್ರಿ ಬೌಲಿಂಗ್ ಮಾಡಿದರು. ಪೆರ್ರಿ ಮೊದಲ ಎಸೆತವನ್ನೇ ಸಚಿನ್ ಬೌಂಡರಿಗೆ ಬಾರಿಸಿದರು.
ಸಚಿನ್ ತೆಂಡೂಲ್ಕರ್ ಗೆ ಭುಜದ ನೋವಿದೆ. ವೈದ್ಯರು ಕ್ರಿಕೆಟ್ ಆಡಬಾರದು ಎಂದಿದ್ದರೂ ಉತ್ತಮ ಉದ್ದೇಶಕ್ಕಾಗಿ ಸಚಿನ್ ಕ್ರಿಕೆಟ್ ಆಡಿ ರಂಜಿಸಿದರು. 2013ರಲ್ಲಿ ನಿವೃತ್ತಿಯಾಗಿದ್ದ ಸಚಿನ್ 2014ರ ಪ್ರದರ್ಶನ ಪಂದ್ಯದಲ್ಲಿ ಆಡಿದ್ದರು.
ಸಹಾಯಾರ್ಥ ಪಂದ್ಯದಲ್ಲಿ ಪಾಂಟಿಂಗ್ ಇಲೆವೆನ್ ತಂಡ 1 ರನ್ ನಿಂದ ಗೆಲುವು ಸಾಧಿಸಿತು. ಪಾಂಟಿಂಗ್ ಇಲೆವೆನ್ 104 ರನ್ ಗಳಿಸಿದ್ದರೆ, ಗಿಲ್ ಕ್ರಿಸ್ಟ್ ಇಲೆವೆನ್ 103 ರನ್ ಗಳಿಸಿತು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Patna: ಪಾಟ್ನಾದಲ್ಲಿ ನಿತೀಶ್ ಕುಮಾರ್ ಪಕ್ಷದ ನಾಯಕನ ಗುಂಡಿಕ್ಕಿ ಹತ್ಯೆ… ಆರೋಪಿಗಳು ಪರಾರಿ
Ramakrishna Mission: ರಾಮಕೃಷ್ಣ ಮಠ, ಮಿಷನ್ನ ಅಧ್ಯಕ್ಷರಾಗಿ ಕನ್ನಡಿಗ ಸ್ವಾಮೀಜಿ ಆಯ್ಕೆ
Sam Pitroda: ಪಿತ್ರೋಡಾ ಹೇಳಿಕೆ, ನಮ್ಮ ಅಭಿಪ್ರಾಯ ಅಲ್ಲ: ಕಾಂಗ್ರೆಸ್
Lok Sabha Election: ಸೀನಿಯರ್ ಖೂಬಾಗೆ ಜ್ಯೂನಿಯರ್ ಖಂಡ್ರೆ ಸವಾಲು
Vote: ಉದಾಸೀನ ಮಾಡದಿರಿ, ತಪ್ಪದೇ ಮತ ಹಾಕಿ…