ಸಾನಿಯಾ – ಸ್ಟ್ರೈಕೋವಾ ಜೋಡಿ ಕ್ವಾರ್ಟರ್ಫೈನಲಿಗೆ
Team Udayavani, Mar 13, 2017, 12:18 PM IST
ಇಂಡಿಯನ್ ವೇಲ್ಸ್ (ಅಮೆರಿಕ): ಭಾರತದ ಸಾನಿಯಾ ಮಿರ್ಜಾ ಮತ್ತು ಜೆಕ್ ಗಣರಾಜ್ಯದ ಬಾರ್ಬೊರಾ ಸ್ಟ್ರೈಕೋವಾ ಅವರು ನೇರ ಸೆಟ್ಗಳ ಗೆಲುವು ಸಾಧಿಸಿ ಇಂಡಿಯನ್ಸ್ ವೇಲ್ಸ್ ಟೆನಿಸ್ ಕೂಟದ ಡಬಲ್ಸ್ನಲ್ಲಿ ಕ್ವಾರ್ಟರ್ಫೈನಲಿಗೇರಿದ್ದಾರೆ.
ಸಾನಿಯಾ-ಸ್ಟ್ರೈಕೋವಾ ಅವರು 64 ನಿಮಿಷಗಳ ಹೋರಾಟದಲ್ಲಿ ಇಟಲಿಯ ಸಾರಾ ಇರಾನಿ ಮತ್ತು ಪೋಲೆಂಡಿನ ಅಲಿಸಾj ರೋಸೋಲ್ಕಾರನ್ನು 6-2, 6-3 ಸೆಟ್ಗಳಿಂದ ಉರುಳಿಸಿ ಮುನ್ನಡೆದರು.
ಸರ್ವ್ನಲ್ಲಿ ಪ್ರಾಬಲ್ಯ ಸ್ಥಾಪಿಸಿದ ಸಾನಿಯಾ-ಸ್ಟ್ರೈಕೋವಾ ಅವರು ಮೂರು ಏಸ್ ಸಿಡಿಸಿದರು. ಪುರುಷರ ಡಬಲ್ಸ್ನಲ್ಲಿ ಭಾರತದ ಲಿಯಾಂಡರ್ ಪೇಸ್ ಮತ್ತು ಆರ್ಜೆಂಟೀನಾದ ಜುವಾನ್ ಮಾರ್ಟಿನ್ ಡೆಲ್ ಪೊಟ್ರೊ ಅವರು ಮೊದಲ ಸುತ್ತಿನಲ್ಲಿ ಲಕ್ಸೆಂಬರ್ಗ್ನ ಗೈಲ್ಸ್ ಮುಲ್ಲರ್ ಮತ್ತು ಅಮೆರಿಕದ ಸ್ಯಾಮ್ ಕ್ವೆರಿ ಅವರೆದುರು 3-6, 4-6 ಸೆಟ್ಗಳಿಂದ ಶರಣಾದರು.