ರೋಹಿತ್ ಹೊಡೆತಗಳ ಟೈಮಿಂಗ್ ಉತ್ತಮ, ಆದರೆ ಕೊಹ್ಲಿಯೇ ಶ್ರೇಷ್ಠ ಆಟಗಾರ: ಸರ್ಫರಾಜ್ ಅಹಮದ್
Team Udayavani, Jun 19, 2020, 11:54 AM IST
ಹೊಸದಿಲ್ಲಿ: ಟೀಂ ಇಂಡಿಯಾ ಆರಂಭಿಕ ಆಟಗಾರ ರೋಹಿತ್ ಶರ್ಮಾ ಹೊಡೆತಗಳನ್ನು ಉತ್ತಮವಾಗಿ ಟೈಮಿಂಗ್ ಮಾಡುತ್ತಾರೆ. ಆದರೆ ವಿರಾಟ್ ಕೊಹ್ಲಿಯನ್ನು ಮೀರಿಸಲು ಯಾರಿಂದಲೂ ಸಾಧ್ಯವಿಲ್ಲ ಎಂದು ಪಾಕಿಸ್ಥಾನದ ಮಾಜಿ ನಾಯಕ ಸರ್ಫರಾಜ್ ಅಹಮದ್ ಹೇಳಿದ್ದಾರೆ.
ಕ್ರಿಕ್ ಟ್ರಾಕರ್ ಜೊತೆಗೆ ಮಾತನಾಡಿದ ಅವರು, ಪ್ರಸ್ತುತ ಕಾಲಘಟ್ಟದಲ್ಲಿ ಯಾವುದೇ ಅನುಮಾನವಿಲ್ಲದೆ ವಿರಾಟ್ ಕೊಹ್ಲಿಯೇ ಅತ್ಯುತ್ತಮ ಆಟಗಾರ ಎಂದು ಹೇಳಬಹುದು. ನಾನು ವಿಕೆಟ್ ಹಿಂದೆ ನಿಂತು ಗಮನಿಸಿದಂತೆ, ರೋಹಿತ್ ಶರ್ಮಾ ಅತ್ಯುತ್ತಮ ಟೈಮಿಂಗ್ ಮಾಡುತ್ತಾರೆ. ಆದರೆ ವಿಶ್ವಶ್ರೇಷ್ಠ ಕೊಹ್ಲಿಯೇ, ಆತನನ್ನು ಯಾರೂ ಮೀರಿಸಲು ಸಾಧ್ಯವಿಲ್ಲ ಎಂದಿದ್ದಾರೆ.
ಸರ್ಫರಾಜ್ ಅಹಮದ್ ಪಾಕಿಸ್ಥಾನ ತಂಡವನ್ನೂ ಮೂರು ಮಾದರಿಯಲ್ಲಿ ಮುನ್ನಡೆಸಿದ್ದಾರೆ. 2017ರ ಚಾಂಪಿಯನ್ಸ್ ಟ್ರೋಫಿ ಗೆಲುವಿನಲ್ಲಿ ಸರ್ಫರಾಜ್ ನಾಯಕರಾಗಿದ್ದರು.
ಆದರೆ ಸದ್ಯ ಸರ್ಫರಾಜ್ ರನ್ನು ಪಾಕಿಸ್ಥಾನ ತಂಡ ಮೂರು ಮಾದರಿಯ ನಾಯಕತ್ವದಿಂದ ಕೆಳಗಿಳಿಸಿದೆ.