ಭಾರತ ಪ್ರವಾಸದ ವೇಳೆಯೇ ಬಿಗ್ ಬಾಶ್
Team Udayavani, Jul 16, 2020, 7:36 AM IST
ಮೆಲ್ಬರ್ನ್: 10ನೇ ಬಿಗ್ ಬಾಶ್ ಲೀಗ್ ಟಿ20 ಕ್ರಿಕೆಟ್ (ಬಿಬಿಎಲ್) ಋತುವಿನ ವೇಳಾಪಟ್ಟಿಯನ್ನು “ಕ್ರಿಕೆಟ್ ಆಸ್ಟ್ರೇಲಿಯ’ (ಸಿಎ) ಬುಧವಾರ ಪ್ರಕಟಿಸಿದೆ. ಕಾಕತಾಳೀಯವೆಂದರೆ, ವರ್ಷಾಂತ್ಯದ ಭಾರತ ಪ್ರವಾಸದ ವೇಳೆಯೇ ಈ ಟೂರ್ನಿ ನಡೆಯುವುದು! ಪುರುಷರ ಬಿಬಿಎಲ್ ಪಂದ್ಯಾವಳಿ ಡಿ. 3ರಿಂದ ಮೊದಲ್ಗೊಂಡು ಫೆ. 6ರ ತನಕ ಸಾಗಲಿದೆ. ಈ ಅವಧಿಯಲ್ಲಿ ಒಟ್ಟು 61 ಪಂದ್ಯಗಳನ್ನು ಆಡಲಾಗುವುದು. ವನಿತೆಯರ ಪಂದ್ಯಾವಳಿ ಅ. 17ರಿಂದ ನ. 29ರ ತನಕ ನಡೆಯಲಿದ್ದು, ಒಟ್ಟು 59 ಪಂದ್ಯಗಳನ್ನು ಆಡಲಾಗುತ್ತದೆ.
“ಸರಕಾರ ಹಾಗೂ ಆರೋಗ್ಯ ಇಲಾಖೆಯ ಮಾರ್ಗಸೂಚಿ, ಸ್ಥಳೀಯ ಸರಕಾರ, ಜೈವಿಕ ಸುರಕ್ಷಾ ತಜ್ಞರು, ಆಟಗಾರರು, ಪ್ರಸಾರಕರು ಮೊದಲಾದವರೊಂದಿಗೆ ಸೂಕ್ತ ಸಮಾಲೋಚನೆ ನಡೆಸಿ ಪಂದ್ಯಾವಳಿಯನ್ನು ನಡೆಸಲು ಮುಂದಾಗಿದ್ದೇವೆ. ಮುಂದೆಯೂ ಇವರೆಲ್ಲರ ನಿರಂತರ ಸಂಪರ್ಕದಲ್ಲಿರುತ್ತೇವೆ’ ಎಂದು ಬಿಗ್ ಬಾಶ್ ಲೀಗ್ ಟೂರ್ನಿಯ ಮುಖ್ಯಸ್ಥ ಅಲಿಸ್ಟೇರ್ ಡಾಬ್ಸನ್ ಹೇಳಿದ್ದಾರೆ. ಇದರೊಂದಿಗೆ ಕೋವಿಡ್ ಕಾಲದಲ್ಲಿ 2 ಕ್ರಿಕೆಟ್ ಲೀಗ್ಗಳ ವೇಳಾಪಟ್ಟಿ ಘೋಷಣೆಯಾಗಿದೆ. ಇದಕ್ಕೂ ಮುನ್ನ ಆ. 18ರಿಂದ ಕೆರಿಬಿಯನ್ ಪ್ರೀಮಿಯರ್ ಲೀಗ್ ಮೊದಲ್ಗೊಳ್ಳಲಿದೆ.
5 ದಿನಗಳ ವಿರಾಮ
“ಅಡಿಲೇಡ್ ಓವಲ್’ನಲ್ಲಿ ನಡೆಯುವ ಡಿ.3ರ ಉದ್ಘಾಟನಾ ಪಂದ್ಯದಲ್ಲಿ ಸ್ಟ್ರೈಕರ್ ಮತ್ತು ರೆನೆಗೇಡ್ಸ್ ತಂಡಗಳು ಮುಖಾಮುಖೀಯಾಗಲಿವೆ. ಆಗಷ್ಟೇ ಭಾರತ-ಆಸ್ಟ್ರೇಲಿಯ ನಡುವಿನ ಬ್ರಿಸ್ಬೇನ್ ಟೆಸ್ಟ್ ಪಂದ್ಯದ ಮೊದಲ ದಿನದಾಟ ಮುಗಿದಿರುತ್ತದೆ. ಆದರೆ ಭಾರತ-ಆಸ್ಟ್ರೇಲಿಯ ನಡುವಿನ ಅಡಿಲೇಡ್ ಡೇ-ನೈಟ್ ಟೆಸ್ಟ್ ಪಂದ್ಯದ (ಡಿ. 11-15) ವೇಳೆ ಬಿಗ್ ಬಾಶ್ಗೆ 5 ದಿನಗಳ ವಿರಾಮ ಘೋಷಿಸಲಾಗಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
LS Election; ದಿಂಗಾಲೇಶ್ವರ ಶ್ರೀ ಟೀಕೆ ನನಗೆ ಆಶೀರ್ವಾದ ಇದ್ದಂತೆ: ಪ್ರಹ್ಲಾದ್ ಜೋಶಿ
Kejriwal ಪತ್ನಿಯನ್ನು ರಾಬ್ರಿ ದೇವಿಗೆ ಹೋಲಿಸಿದ ಕೇಂದ್ರ ಸಚಿವ ಹರ್ದೀಪ್ ಪುರಿ
Kannada Cinema; ಸ್ನೇಹಿತರ ಸುತ್ತ ‘ಪಾರ್ಟ್ನರ್’: ಟ್ರೇಲರ್, ಆಡಿಯೋದಲ್ಲಿ ಹೊಸಬರ ಚಿತ್ರ
Mukhtar Ansari ಸಾವಿನ ಪ್ರಕರಣ: ನ್ಯಾಯಾಂಗ ತನಿಖೆಗೆ ಆದೇಶಿಸಿದ ಕೋರ್ಟ್
ವಿಕಸಿತ ಭಾರತದಂತ ಬಲಾಢ್ಯ ಕಲ್ಪನೆ ಕಾಂಗ್ರೆಸ್ ಎಷ್ಟು ವರ್ಷ ಆಳ್ವಿಕೆ ಮಾಡಿದರೂ ಸಾಧ್ಯವಾಗದು