ಉದ್ಘಾಟನಾ ಟಿ10 ಲೀಗ್ ಅಫ್ರಿದಿ ಹ್ಯಾಟ್ರಿಕ್ಗೆ ಸೆಹವಾಗ್ ಬಲಿ
Team Udayavani, Dec 16, 2017, 7:05 AM IST
ಶಾರ್ಜಾ: ಉದ್ಘಾಟನಾ ಟಿ10 ಲೀಗ್ ಕ್ರಿಕೆಟ್ನ ಮೊದಲ ದಿನ ಪಾಕಿಸ್ಥಾನ ತಂಡದ ಮಾಜಿ ನಾಯಕ ಶಾಹಿದ್ ಅಫ್ರಿದಿ ಹ್ಯಾಟ್ರಿಕ್ ವಿಕೆಟ್
ಪಡೆದಿದ್ದಾರೆ. ಅವರ ಈ ಸಾಧನೆಯಿಂದ ಪಾಕ್ತೂನ್ಸ್ ತಂಡವು ವೀರೇಂದ್ರ ಸೆಹವಾಗ್ ನೇತೃತ್ವದ ಮರಾಠಾ ಅರಬಿಯನ್ಸ್ ತಂಡವನ್ನು 25 ರನ್ನುಗಳಿಂದ ಸೋಲಿಸಿದೆ.
ಮೊದಲ ಮೂರು ಎಸೆತಗಳಲ್ಲಿ ಸೆಹವಾಗ್ ಸಹಿತ ಮೂವರ ವಿಕೆಟ್ ಕಿತ್ತ ಅಫ್ರಿದಿ ಹ್ಯಾಟ್ರಿಕ್ ಸಾಧಿಸಿದರು. ಮೊದಲ ಎಸೆತದಲ್ಲಿ ದಕ್ಷಿಣ ಆಫ್ರಿಕಾದ ರಿಲೀ ರೊಶೋ ಔಟಾದರೆ ದ್ವಿತೀಯ ಎಸೆತಕ್ಕೆ ವೆಸ್ಟ್ಇಂಡೀಸ್ನ ಡ್ವೇನ್ ಬ್ರಾವೊ ಬಲಿಯಾಗಿದ್ದರು. ಮೂರನೇ ಎಸೆತದಲ್ಲಿ ಸೆಹವಾಗ್ ವಿಕೆಟ್ ಕಿತ್ತ ಅಫ್ರಿದಿ ಹ್ಯಾಟ್ರಿಕ್ ಪಡೆದರು.